കൈരളി ഈദ് ഇശൽ നാളെ

ഫുജൈറ: കൈരളി കൾചറൽ അസോസിയേഷൻ ഫുജൈറ, ചെറിയ പെരുന്നാളിനോടനുബന്ധിച്ച് സംഘടിപ്പിക്കുന്ന ഈദ് ഇശൽ-2023 മിനിസ്ട്രി ഓഫ് കൾച്ചർ ആൻറ് യൂത്ത് തീയറ്ററിൽ ഞായറാഴ്ച്ച വൈകിട്ട് 5മുതൽ നടക്കും.

ഗായിക യുംന അജിൻ നയിക്കുന്ന ഗാനമേള, വർണഭമായ കലാപരിപാടികൾ എന്നിവ വേദിയിൽ അരങ്ങേറും. സാംസ്ക്കാരിക സമ്മേളനത്തിൽ പ്രമുഖ സാമൂഹിക-സാംസ്കാരിക പ്രവർത്തകർ പങ്കെടുക്കും.

കൈരളി ഈദ് ഇശലിന്‍റെ വിജയകരമായ നടത്തിപ്പിനായി വേണ്ട എല്ലാ ഒരുക്കങ്ങളും പൂർത്തികരിച്ചതായി സ്വാഗത സംഘം ചെയർമാൻ അബ്ദുൾ ഹഖ്, ജനറൽ കൺവീനർ സുജിത്ത് വി.പി കൈരളി യൂനിറ്റ് സെക്രട്ടറി മിജിൻ പ്രസിഡൻറ് ഉസ്മാൻ എന്നിവർ അറിയിച്ചു.