അ​ബൂ​ദ​ബി​യി​ൽ ഈ ​വ​ർ​ഷം പൂ​ട്ടി​യ​ത് 12 റ​സ്റ്റാ​റ​ന്‍റു​ക​ൾ

അ​ബൂ​ദ​ബി: ക​ഴി​ഞ്ഞ മൂ​ന്നു മാ​സ​ത്തി​നി​ടെ അ​ബൂ​ദ​ബി​യി​ൽ അ​ട​ച്ചു​പൂ​ട്ടി​യ​ത്​ 12 റ​സ്റ്റാ​റ​ന്‍റു​ക​ൾ. അ​ബൂ​ദ​ബി കാ​ര്‍ഷി​ക, ഭ​ക്ഷ്യ സു​ര​ക്ഷാ അ​തോ​റി​റ്റി​യാ​ണ് (അ​ഡാ​ഫ്‌​സ) ക​ണ​ക്കു​ക​ൾ പു​റ​ത്തു​വി​ട്ട​ത്. പൊ​തു​ജ​നാ​രോ​ഗ്യ​ത്തി​ന് ഭീ​ഷ​ണി​യു​യ​ര്‍ത്തി​യ നി​യ​മ​ലം​ഘ​ന​ങ്ങ​ള്‍ പ​രി​ശോ​ധ​ന​യി​ല്‍ ക​ണ്ടെ​ത്തി​യ​തി​നെ തു​ട​ര്‍ന്നാ​ണ് സ്ഥാ​പ​ന​ങ്ങ​ള്‍ക്കെ​തി​രെ ന​ട​പ​ടി സ്വീ​ക​രി​ച്ച​ത്. അ​തേ​സ​മ​യം 2024ലെ ​ആ​ദ്യ പാ​ദ​ത്തി​ല്‍ നാ​ലു സ്ഥാ​പ​ന​ങ്ങ​ള്‍ മാ​ത്ര​മാ​ണ് നി​യ​മ​ലം​ഘ​ന​ങ്ങ​ളു​ടെ പേ​രി​ല്‍ അ​ട​ച്ചു​പൂ​ട്ടി​യ​തെ​ന്നും 2025ല്‍ ​ഇ​ത് മൂ​ന്നി​ര​ട്ടി​യാ​യി വ​ര്‍ധി​ച്ചു​വെ​ന്നും അ​ഡാ​ഫ്‌​സ വ്യ​ക്ത​മാ​ക്കി. ഈ ​വ​ര്‍ഷം തു​ട​ക്കം മു​ത​ല്‍ ത​ന്നെ അ​ഡാ​ഫ്‌​സ ഭ​ക്ഷ്യ സ്ഥാ​പ​ന​ങ്ങ​ളി​ല്‍ പ​രി​ശോ​ധ​ന ക​ര്‍ശ​ന​മാ​ക്കി​യി​രു​ന്നു.

ഹം​ദാ​ന്‍ സ്ട്രീ​റ്റി​ലെ റ​സ്റ്റാ​റ​ന്‍റ്, ഖാ​ലി​ദി​യ (വെ​സ്റ്റ് 6) യി​ലെ സൂ​പ്പ​ര്‍മാ​ര്‍ക്ക​റ്റ്, മു​സ്സ​ഫ ഇ​ന്‍ഡ​സ്ട്രി​യ​ല്‍ ഏ​രി​യ​യി​ലെ സൂ​പ്പ​ര്‍ മാ​ര്‍ക്ക​റ്റ്, ഹം​ദാ​ന്‍ സ്ട്രീ​റ്റി​ലെ ഭ​ക്ഷ്യ സ്ഥാ​പ​നം, അ​ല്‍ അ​ജ്ബാ​നി​ലെ പൗ​ള്‍ട്രി ഫാം, ​അ​ല്‍ ഷ​ഹാ​ബ​യി​ലെ വ്യാ​പാ​ര സ്ഥാ​പ​നം, മു​സ്സ​ഫ 9ലെ ​പ​ല​ച​ര​ക്ക് ക​ട, മു​ഹ​മ്മ​ദ് ബി​ന്‍ സാ​യി​ദ് സി​റ്റി​യി​ലെ റ​സ്റ്റാ​റ​ന്‍റ്, ന്യൂ ​അ​ല്‍ ഷ​ഹാ​മ​യി​ലെ റ​സ്റ്റാ​റ​ന്‍റ്, മു​ഹ​മ്മ​ദ് ബി​ന്‍ സാ​യി​ദി​ലെ റ​സ്റ്റാ​റ​ന്‍റ്, അ​ല്‍ ഷ​ഹാ​മ​യി​ലെ റ​സ്റ്റാ​റ​ന്‍റ്, മു​ഹ​മ്മ​ദ് ബി​ന്‍ സാ​യി​ദ് സി​റ്റി​യി​ലെ മ​റ്റൊ​രു റ​സ്റ്റാ​റ​ന്‍റ്​ എ​ന്നി​വ​യാ​ണ് ന​ട​പ​ടി നേ​രി​ട്ട​ത്. റ​ഫ്രി​ജ​റേ​റ്റ​റു​ക​ളു​ടെ വൃ​ത്തി​യി​ല്ലാ​യ്മ, ജീ​വ​ന​ക്കാ​ര്‍ക്ക് പ​രി​ശീ​ല​ന സ​ര്‍ട്ടി​ഫി​ക്ക​റ്റ് ഇ​ല്ലാ​തി​രി​ക്കു​ക, നി​ലം, ഷെ​ല്‍ഫു​ക​ള്‍, അ​ടു​ക്ക​ള​ക​ള്‍ തു​ട​ങ്ങി​യ​വ വൃ​ത്തി​ഹീ​ന​മാ​യി​രി​ക്കു​ക, മു​ടി​യും കൈ​ക​ളും മ​റ​യ്ക്കു​ന്ന​തി​ല്‍ വീ​ഴ്ച​വ​രു​ത്തു​ക തു​ട​ങ്ങി നി​ര​വ​ധി നി​യ​മ​ലം​ഘ​ന​ങ്ങ​ളാ​ണ്​ പ​രി​ശോ​ധ​ന​യി​ൽ ക​ണ്ടെ​ത്തി​യ​ത്.