ലോ​ക സാ​മ്പ​ത്തി​ക ഫോ​റം പ്ര​ത്യേ​ക യോ​ഗം സ​മാ​പി​ച്ചു; സ​മാ​ധാ​ന​ത്തി​ലേ​ക്കു​ള്ള വ്യ​ക്ത​മാ​യ പാ​ത സ്വീ​ക​രി​ക്കാ​ൻ ലോ​ക നേ​താ​ക്ക​ളോ​ട് ആ​ഹ്വാ​നം

റി​യാ​ദ്​: സ​മാ​ധാ​ന​ത്തി​ലേ​ക്കു​ള്ള വ്യ​ക്ത​മാ​യ പാ​ത സ്വീ​ക​രി​ക്കാ​ൻ ലോ​ക നേ​താ​ക്ക​ളോ​ട് ആ​ഹ്വാ​നം ചെ​യ്​​ത്​ ലോ​ക സാ​മ്പ​ത്തി​ക ഫോ​റം പ്ര​ത്യേ​ക യോ​ഗം സ​മാ​പി​ച്ചു. കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ൻ സ​ൽ​മാ​​ന്‍റെ ര​ക്ഷാ​ക​ർ​തൃ​ത്വ​ത്തി​ൽ റി​യാ​ദി​ൽ ന​ട​ന്ന ദ്വി​ദി​ന ഫോ​റം നി​ര​വ​ധി രാ​ഷ്ട്ര​ത്ത​ല​വ​ന്മാ​രു​ടെ​യും 92 രാ​ജ്യ​ങ്ങ​ളി​ൽ നി​ന്നു​ള്ള സ​ർ​ക്കാ​ർ, സ്വ​കാ​ര്യ മേ​ഖ​ല​ക​ൾ, അ​ന്താ​രാ​ഷ്ട്ര സം​ഘ​ട​ന​ക​ൾ, അ​ക്കാ​ദ​മി​ക് സ്ഥാ​പ​ന​ങ്ങ​ൾ എ​ന്നി​വ​യി​ൽ നി​ന്നു​ള്ള 1000ത്തി​ല​ധി​കം മു​തി​ർ​ന്ന ഉ​ദ്യോ​ഗ​സ്ഥ​രു​ടെ​യും അ​ന്താ​രാ​ഷ്ട്ര വി​ദ​ഗ്​​ധ​രു​ടെ​യും ചി​ന്ത​ക​രു​ടെ​യും സാ​ന്നി​ധ്യ​വും പ​ങ്കാ​ളി​ത്ത്വ​വും കൊ​ണ്ട്​ ശ്ര​ദ്ധേ​യ​മാ​യി. ദാ​വോ​സി​ന് പു​റ​ത്ത് ഫോ​റം ഇ​തു​വ​രെ ക​ണ്ടി​ട്ടു​ള്ള​തി​ൽ​​വെ​ച്ച് ഏ​റ്റ​വും വ​ലി​യ ഹാ​ജ​രാ​യി​രു​ന്നു ഫോ​റ​ത്തി​ൽ​ രേ​ഖ​പ്പെ​ടു​ത്തി​യ​ത്.

സൗ​ദി​യി​ലെ​യും ലോ​ക​ത്തെ​യും വി​വി​ധ രാ​ജ്യ​ങ്ങ​ളി​ലെ പ്ര​ഭാ​ഷ​ക​രു​ടെ പ​ങ്കാ​ളി​ത്ത​ത്തോ​ടെ ന​ട​ന്ന ദ്വി​ദി​ന ഫോ​റം ‘അ​ന്താ​രാ​ഷ്ട്ര സ​ഹ​ക​ര​ണം, വ​ള​ർ​ച്ച, വി​ക​സ​ന​ത്തി​നു​ള്ള ഊ​ർ​ജം’​എ​ന്ന ത​ല​ക്കെ​ട്ടി​ൽ വൈ​വി​ധ്യ​മാ​ർ​ന്ന സം​ഭാ​ഷ​ണ​ങ്ങ​ളും ച​ർ​ച്ച​ക​ളും ന​ട​ന്നു.ലോ​ക സാ​മ്പ​ത്തി​ക ഫോ​റ​വു​മാ​യി സ​ഹ​ക​രി​ച്ച് സൗ​ദി​യു​ടെ നി​ര​വ​ധി സം​രം​ഭ​ങ്ങ​ളു​ടെ പ്ര​ഖ്യാ​പ​ന​ത്തി​നും ഫോ​റം സാ​ക്ഷ്യം വ​ഹി​ച്ചു. പ​ല രാ​ജ്യ​ങ്ങ​ളി​ലും ആ​രോ​ഗ്യ സം​ര​ക്ഷ​ണം വ​ർ​ധി​പ്പി​ക്കു​ന്ന​തി​നും പോ​ളി​യോ ത​ട​യു​ന്ന​തി​നു​മാ​യി കി​ങ്​ സ​ൽ​മാ​ൻ റി​ലീ​ഫ് സെ​ന്‍റ​റി​​ന്‍റെ​യും ആ​രോ​ഗ്യ മ​ന്ത്രാ​ല​യ​ത്തി​​ന്‍റെ​യും പ​ങ്കാ​ളി​ത്ത​ത്തോ​ടെ ‘ബി​ൽ ആ​ൻ​ഡ് മെ​ലി​ൻ​ഡ ഗേ​റ്റ്സ് ഫൗ​ണ്ടേ​ഷ​നു’​മാ​യി മൂ​ന്ന് ക​രാ​റു​ക​ളി​ൽ ഒ​പ്പു​​വെ​ച്ചു. ലാ​ഭേ​ച്ഛ​യി​ല്ലാ​ത്ത മേ​ഖ​ല​യി​ൽ യു​വ​ജ​ന പ​ങ്കാ​ളി​ത്ത​ത്തെ പി​ന്തു​ണ​യ്ക്കു​ന്ന​തി​നും സം​യു​ക്ത ആ​ഗോ​ള പ​രി​പാ​ടി​ക​ൾ ആ​രം​ഭി​ക്കു​ന്ന​തി​നു​മാ​യി അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ ‘മി​സ്​​ക്​’​ഫൗ​ണ്ടേ​ഷ​നു​മാ​യു​ള്ള ക​രാ​റി​നും റി​യാ​ദി​ലെ ‘മി​സ്​​ക് സി​റ്റി’​യി​ൽ ബി​ൽ & മെ​ലി​ൻ​ഡ ഗേ​റ്റ്സ് ഫൗ​ണ്ടേ​ഷ​ന്‍റെ ഒ​രു പ്രാ​ദേ​ശി​ക ആ​സ്ഥാ​നം സ്ഥാ​പി​ക്കു​ന്ന​തി​നു​ള്ള ക​രാ​റി​നും ഫോ​റം സാ​ക്ഷി​യാ​യി.ലോ​ക സാ​മ്പ​ത്തി​ക ഫോ​റം പ്ര​ത്യേ​ക യോ​ഗ​ത്തി​​ന്‍റെ പ്രാ​ധാ​ന്യം വേ​ൾ​ഡ് ഇ​ക്ക​ണോ​മി​ക് ഫോ​റം പ്ര​സി​ഡ​ന്‍റ് ബോ​ർ​ഗ് ബ്രെ​ൻ​ഡെ ഊ​ന്നി​പ്പ​റ​ഞ്ഞു.

ഫ​ല​സ്​​തീ​ൻ പ്ര​സി​ഡ​ന്‍റ് മ​ഹ്​​മൂ​ദ് അ​ബ്ബാ​സ്, യു.​എ​സ് സ്റ്റേ​റ്റ് സെ​ക്ര​ട്ട​റി ആ​ന്‍റ​ണി ബ്ലി​ങ്ക​ൻ, ബ്രി​ട്ടീ​ഷ് വി​ദേ​ശ​കാ​ര്യ സെ​ക്ര​ട്ട​റി ഡേ​വി​ഡ് കാ​മ​റൂ​ൺ എ​ന്നി​വ​രു​ൾ​പ്പെ​ടെ​യു​ള്ള പ്ര​മു​ഖ ആ​ഗോ​ള നേ​താ​ക്ക​ളു​ടെ സാ​ന്നി​ധ്യം ആ​ക​ർ​ഷി​ച്ച ഒ​രു സു​പ്ര​ധാ​ന സ​മ്മേ​ള​ന​മാ​യി​രു​ന്നു ഫോ​റ​മെ​ന്ന്​ അ​ദ്ദേ​ഹം വി​ശേ​ഷി​പ്പി​ച്ചു. ആ​രോ​ഗ്യ സം​ര​ക്ഷ​ണം, ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്, ബ​ഹി​രാ​കാ​ശം, സു​സ്ഥി​ര​ത തു​ട​ങ്ങി​യ മേ​ഖ​ല​ക​ളി​ൽ നി​ര​വ​ധി സം​രം​ഭ​ങ്ങ​ൾ​ക്ക് തു​ട​ക്ക​മി​ടു​ന്ന​തി​നും പ്ര​ത്യേ​ക യോ​ഗം വ​ഴി​യൊ​രു​ക്കി. വി​വി​ധ സെ​ഷ​നു​ക​ളി​ൽ സൗ​ദി​യി​ലെ മ​ന്ത്രി​മാ​ർ, അ​ന്താ​രാ​ഷ്​​​ട്ര സം​ഘ​ട​നാ​മേ​ധാ​വി​ക​ൾ, പ്ര​മു​ഖ ചി​ന്ത​ക​ന്മാ​ൾ, വ്യ​വ​സാ​യ പ്ര​മു​ഖ​ർ തു​ട​ങ്ങി​യ​വ​ർ സം​സാ​രി​ച്ചു.