അതിജയിക്കുമോ ‘ഇന്ത്യ’?

ലോ​ക്സ​ഭ തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ചി​രി​ക്കെ ബി.​ജെ.​പി​യെ നേ​രി​ടാ​നാ​യി ശ​ക്തി​പ്രാ​പി​ക്കു​ന്ന പ്ര​തി​പ​ക്ഷ ക​ക്ഷി​ക​ളു​ടെ കൂ​ട്ടാ​യ്മ​യാ​യ ‘ഇ​ൻ​ഡ്യ’ മു​ന്ന​ണി തെ​ര​ഞ്ഞെ​ടു​പ്പി​ൽ അ​ത്ഭു​ത​ങ്ങ​ൾ കാ​ട്ടു​മോ എ​ന്നാ​ണ്​ എ​ല്ലാ​വ​രും ഉ​റ്റു​നോ​ക്കു​ന്ന​ത്. അ​തോ ബി.​ജെ.​പി ഉ​യ​ർ​ത്തു​ന്ന ‘സ​മ്മ​ർ​ദ​ങ്ങ​ൾ​ക്ക്’ മു​ന്നി​ൽ കാ​ലി​ട​റു​മോ എ​ന്ന ആ​ശ​ങ്ക​യും മ​തേ​ത​ര ഇ​ന്ത്യ​ക്കു​ണ്ട്. ഓ​രോ സം​സ്ഥാ​ന​ത്തും വേ​രോ​ട്ട​മു​ള്ള ക​ക്ഷി​ക​ൾ ത​ന്നെ​യാ​ണ് ഇ​ൻ​ഡ്യ മു​ന്ന​ണി​യു​ടെ ക​രു​ത്ത്. യു.​പി​യി​ൽ സ​മാ​ജ് വാ​ദി പാ​ർ​ട്ടി​യു​മാ​യി സീ​റ്റ് വി​ഭ​ജ​ന ച​ർ​ച്ച വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​ത് ചി​ല പ്ര​തീ​ക്ഷ​ക്ക് വ​ക ന​ൽ​കു​ന്നു. 20 സീ​റ്റെ​ങ്കി​ലും അ​വി​ടെ വി​ജ​യി​ക്കാ​ൻ പ​റ്റി​യാ​ൽ പ്ര​തി​പ​ക്ഷ മു​ന്ന​ണി​ക്ക് അ​ത് വ​ലി​യ നേ​ട്ടം ത​ന്നെ​യാ​യി​രി​ക്കും. അ​പ്പോ​ഴും ബി.​എ​സ്.​പി മാ​റി നി​ൽ​ക്കു​ന്ന​ത് ര​ണ്ട് മു​ന്ന​ണി​ക​ൾ​ക്കും ഭീ​ഷ​ണി​യാ​ണ്.

അ​തു​പോ​ലെ ബി​ഹാ​റി​ൽ ആ​ർ.​​എ​ൽ.​ഡി​യു​ടെ​യും ത​മി​ഴ്​​നാ​ട്ടി​ൽ ഡി.​എം.​കെ​യും മു​ൻ​കൈ​യി​ൽ മു​ന്ന​ണി​യാ​യി മ​ത്സ​രി​ക്കു​മ്പോ​ൾ ബി.​ജെ.​പി ഏ​റെ വി​യ​ർ​പ്പൊ​ഴു​ക്കേ​ണ്ടി വ​രും. ബി​ഹാ​റി​ൽ ജെ.​ഡി.​യു​വി​നെ തി​രി​കെ കൊ​ണ്ട് വ​രാ​നാ​യ​തും മ​ഹാ​രാ​ഷ്​​ട്ര​യി​ൽ എ​ൻ.​സി.​പി​യെ​യും ശി​വ​സേ​ന​യെ​യും പി​ള​ർ​ത്താ​നാ​യ​തും വ​ലി​യ നേ​ട്ട​മാ​യാ​ണ് ബി.​ജെ.​പി പാ​ള​യ​ത്തി​ലെ ക​ണ​ക്ക് കൂ​ട്ട​ൽ. ഈ ​പി​ള​ർ​ത്ത​ലു​ക​ളോ​ടും സ​ഖ്യ​ങ്ങ​ളോ​ടും ജ​നം എ​ങ്ങ​നെ പ്ര​തി​ക​രി​ക്കു​മെ​ന്ന​ത​റി​യാ​ൻ തെ​ര​ഞ്ഞെ​ടു​പ്പ് വ​രെ കാ​ത്തി​രി​ക്കേ​ണ്ടി വ​രും. ‘ഇ​ൻ​ഡ്യ’ സ​ഖ്യ​ത്തെ ത​ക​ർ​ക്കാ​ൻ വ​ലി​യ സ​മ്മ​ർ​ദ​മാ​ണ് ബി.​ജെ.​പി ചെ​ലു​ത്തു​ന്ന​ത്. പ്ര​തി​പ​ക്ഷ ക​ക്ഷി നേ​താ​ക്ക​ൾ​ക്കെ​തി​രെ നി​ര​ന്ത​രം ഇ.​ഡി​യെ വി​ട്ടും മ​റ്റ് ത​ര​ത്തി​ലു​മു​ള്ള അ​ന്വേ​ഷ​ണ​ങ്ങ​ളു​മൊ​ക്കെ ആ ​സ​മ്മ​ർ​ദ​ത്തി​​ന്റെ ഭാ​ഗ​മാ​ണെ​ന്നാ​ണ് പ്ര​തി​പ​ക്ഷ ക​ക്ഷി​ക​ളു​ടെ വി​ശ്വാ​സം. ഈ ​സ​മ്മ​ർ​ദ​ങ്ങ​ളു​ടെ ഫ​ല​മാ​ണ് ‘ഇ​ൻ​ഡ്യ’ മു​ന്ന​ണി​യി​ൽ സീ​റ്റ് വി​ഭ​ജ​ന ച​ർ​ച്ച​ക​ൾ പോ​ലും വി​ജ​യി​ക്കാ​ത്ത​ത് എ​ന്ന​തും ന്യാ​യ​മാ​യും സം​ശ​യി​ക്കേ​ണ്ടി വ​രും. ഡ​ൽ​ഹി​യി​ലും പ​ഞ്ചാ​ബി​ലും എ.​എ.​പി​യു​മാ​യി ഇ​തു​വ​രെ ച​ർ​ച്ച വി​ജ​യി​ക്കാ​ത്ത​തും ബം​ഗാ​ളി​ൽ മ​മ​ത ഇ​ട​ഞ്ഞു​നി​ൽ​ക്കു​ന്ന​തും കേ​ന്ദ്ര സ​ർ​ക്കാ​ർ ഉ​യ​ർ​ത്തു​ന്ന സ​മ്മ​ർ​ദ​ങ്ങ​ളു​ടെ ഫ​ല​മാ​ണോ എ​ന്ന​തും വ്യ​ക്ത​മ​ല്ല.

പ​ര​സ്പ​രം പൂ​ർ​ണ വി​ശ്വാ​സം നേ​ടാ​നാ​വാ​ത്ത​താ​ണ് പ്ര​തി​പ​ക്ഷ ക​ക്ഷി​ക​ളു​ടെ കൂ​ട്ടാ​യ്‌​മ നേ​രി​ടു​ന്ന മ​റ്റൊ​രു ഭീ​ഷ​ണി. ഒ​രി​ക്ക​ല​ല്ലെ​ങ്കി​ൽ മ​റ്റൊ​രി​ക്ക​ൽ ബി.​ജെ.​പി​യു​മാ​യി ര​ഹ​സ്യ​മാ​യോ പ​ര​സ്യ​മാ​യോ കൈ​കോ​ർ​ത്ത​വ​രാ​ണ് ഇ​ൻ​ഡ്യ മു​ന്ന​ണി​യി​ലെ മി​ക്ക ക​ക്ഷി​ക​ളു​മെ​ന്ന​ത് ത​ന്നെ​യാ​ണ് ഈ ​അ​വി​ശ്വാ​സ​ത്തി​നു​ള്ള കാ​ര​ണ​വും. ഈ ​സ​മ്മ​ർ​ദ​ങ്ങ​ളൊ​ക്കെ അ​തി​ജീ​വി​ക്കു​ക​യും ഇ.​വി.​എം ച​തി​ക്കാ​തി​രി​ക്കു​ക​യും ചെ​യ്താ​ൽ ‘ഇ​ൻ​ഡ്യ’ മു​ന്ന​ണി ച​രി​ത്രം ര​ചി​ക്കു​മെ​ന്ന് ന​മു​ക്ക് ക​രു​താം. അ​ല്ലാ​ത്ത പ​ക്ഷം മ​ര​ണ​മ​ണി മു​ഴ​ങ്ങു​ന്ന​ത് ലോ​ക​ത്തെ ഏ​റ്റ​വും വ​ലി​യ മ​തേ​ത​ര ജ​നാ​ധി​പ​ത്യ രാ​ജ്യ​ത്തി​നാ​യി​രി​ക്കും. അ​തെ ന​മ്മു​ടെ ഇ​ന്ത്യ​ക്കാ​യി​രി​ക്കും.