വീ​ണ്ടു​മൊ​രു വി​ഷു

ഹൃ​ദ​യ​ഹാ​രി​യാ​യ ഒ​ട്ട​ന​വ​ധി വി​ഷു ഓ​ർ​മ​ക​ൾ നീ​രു​റ​വ പോ​ലെ മ​ന​സ്സി​ലൂ​ടെ ഒ​ഴു​കു​ന്നു. ഓ​രോ പൂ​ത്തി​രി ക​ത്തു​മ്പോ​ഴും ഓ​രോ പൂ​ക്കാ​ല​മാ​ണ് ത​ന്നി​രു​ന്ന​ത്. ഇ​ട​വ​ഴി​യി​ലൂ​ടെ ക​യ​റി​വ​രു​മ്പോ​ൾ പൂ​ത്തു​നി​ന്നി​രു​ന്ന ചെ​മ്പ​ര​ത്തി പൂ​വി​ന് പ​ക​ലി​നേ​ക്കാ​ൾ ഭം​ഗി​യാ​കു​ന്ന​ത് പൂ​ക്കു​റ്റി ക​ത്തി​ക്കു​മ്പോ​ഴു​ണ്ടാ​കു​ന്ന വെ​ളി​ച്ച​ത്തി​ലാ​യി​രു​ന്ന​ല്ലോ... അ​വ​സാ​ന പ​ട​ക്ക​വും പൊ​ട്ടിക്കഴി​ഞ്ഞാ​ൽ പി​ന്നെ നി​ലാ​വി​​ന്റെ വെ​ളി​ച്ച​ത്തി​ൽ മു​റ്റ​ത്ത്

കു​റ​ച്ചു​നേ​ര​​മൊ​രു ഇ​രി​പ്പു​ണ്ട്. വ​ല്ലാ​ത്ത ക​രി​മ​രു​ന്നി​​ന്റെ മ​ണ​ത്തി​ൽ അ​മ്മ ചു​ട്ടെ​ടു​ക്കു​ന്ന നെ​യ്യ​പ്പ​ത്തി​ന്റെ മ​ണം മു​ങ്ങി​പ്പോ​കു​മാ​യി​രു​ന്നു.

ആ ​സ​മ​യ​ത്തൊ​ക്കെ ക​ണി​യൊ​രു​ക്കു​ന്ന തി​ര​ക്കി​ലാ​യി​രി​ക്കും അ​ച്​ഛ​ൻ. മു​ക​ളി​ലേ​ക്കു നോ​ക്കി​യാ​ൽ പ​ല​രും കൊ​ളു​ത്തി​വി​ടു​ന്ന വാ​ണ പൂ​ത്തി​രി മാ​നം മ​ണ്ണി​ലേ​ക്ക് വ​ർ​ണം പെ​യ്യി​ക്കു​ന്ന​ത് പോ​ലെ തോ​ന്നും. അ​പ്പോ​ഴൊ​ക്കെ നീ ​എ​​ന്റെ ഉ​ള്ളി​ൽ കൊ​ന്ന​പ്പൂ പോ​ലെ തി​ള​ങ്ങാ​റു​ണ്ട്. മാ​മ്പൂ​വും മ​ല്ലി​ക​യും മ​ഞ്ചാ​ടി​യും മ​ഞ്​​ജീ​ര ധ്വ​നി​ക​ൾ പാ​ടി വി​ഷു​വി​നെ പു​ക​ഴ്ത്തു​ന്നു​ണ്ട​ന്ന് തോ​ന്നാ​റി​ല്ലേ... പ​ടി​ഞ്ഞാ​റു നി​ന്ന് തു​ള്ളി​ച്ചാ​ടി വ​രു​ന്ന വി​കൃ​തി​ക്കാ​റ്റി​ന് കൊ​ന്ന പൂ​വ്​ താ​ലി കെ​ട്ടി സ്വ​ന്ത​മാ​ക്കി വെ​ക്കു​ന്ന​ത് പോ​ലെ.

കു​റ​ച്ചു ഇ​ത​ളു​ക​ൾ പൊ​ഴി​ച്ച് മ​ണ്ണി​ൽ കൈ ​കൂ​പ്പി വ​ണ​ങ്ങു​ന്ന​ത് ന​മ്മ​ളൊ​രു​പാ​ടു ക​ണ്ടി​ട്ടു​ണ്ട്.

പു​ല​ർ​ച്ച ക​ണി​ക​ണ്ട് കൈ​നീ​ട്ട​വും വാ​ങ്ങി പു​റ​ത്തി​റ​ങ്ങി​യാ​ൽ വി​ത്തും കൈ​യ്ക്കോ​ട്ടും പാ​ടി കു​യി​ൽ നാ​ദം തു​ട​ങ്ങു​ന്ന സ​മ​യം നോ​ക്കി മ​ധു​ര​ക്ക​ല​ത്ത​പ്പം ക​ഴി​ച്ചു മ​ദോ​ന്മ​ത്ത​മാ​യ വി​ഷു അ​ടു​ത്ത സം​ക്രാ​ന്തി വ​രേ ഉ​റ​ക്ക​മാ​യി......

വി​ഷു ആ​ശം​സ​ക​ളോ​ടെ