മദീന മസ്ജിദുന്നബവിയിലെ ‘മുഅദ്ദിൻ’ ശൈഖ് ഫൈസൽ അൽനുഅ്മാൻ അന്തരിച്ചു

മദീന: മസ്ജിദുന്നബവിയിൽ ദീർഘകാലം ബാങ്ക് വിളിച്ചിരുന്ന (മുഅദ്ദിൻ) ശൈഖ് ഫൈസൽ അൽനുഅ്മാൻ അന്തരിച്ചു. കുറച്ചുകാലമായി രോഗബാധിതനായിരുന്നു. വർഷങ്ങളോളം മസ്ജിദുന്നബവിയിൽ മുഅദ്ദിനായി സേവനം ചെയ്ത വ്യക്തിത്വമാണ് ശൈഖ് ഫൈസൽ അൽനുഅ്മാൻ. ശ്രതിമധുരമായ ശബ്​ദവും ഭക്തിനിർഭരമായ പാരായണവും കാരണം അദ്ദേഹത്തി​ന്റെ ബാങ്ക്​ വിളിയും ഖുർആൻ പാരായണവും ഏറെ പ്രസിദ്ധമായിരുന്നു.

മദീനയിലാണ്​ ശൈഖ് ഫൈസൽ അൽനുഅ്മാൻ ജനിച്ചത്​. മദീനയിൽ തന്നെയുള്ള സ്കൂളുകളിലാണ്​ വിദ്യാഭ്യാസം നടത്തിയത്​. തൈബ സർവകലാശാലയിൽനിന്ന് ബിരുദം നേടി. 14 വയസ്സുള്ളപ്പോൾ മസ്ജിദുന്നബവിയിൽ ബാങ്ക് വിളിക്കാൻ തുടങ്ങിയ അ​ദ്ദേഹം പിതാവ് ശൈഖ് അബ്​ദുൽ മാലിക് അൽനുഅ്മാ​ന്റെ പാത പിന്തുടർന്ന് മരണം വരെ ആ മഹത്തായ ദൗത്യത്തിൽ തുടർന്നു.