ജനപ്രീതിയിൽ ഒന്നാംസ്ഥാനത്ത്​​ ‘സൗദിയ’

റിയാദ്​: ​ബ്രാൻറുകളുടെ ജനപ്രീതിയിൽ ഒന്നാം സ്ഥാനത്ത്​ ‘സൗദിയ’. വിവര സാ​േങ്കതികരംഗത്തെ ഭീമൻ ബ്രാൻറുകളായ ​‘െഎഫോൺ’, ‘ആപ്പിൾ’ എന്നിവയെ പിന്തള്ളിയാണ്​ ‘യൂഗോ’ റാങ്കിങ്ങിൽ സൗദി അറേബ്യയുടെ സ്വന്തം വിമാനകമ്പനി ഇൗ വർഷത്തെ നമ്പർ വൺ പദവി നേടിയത്​.
ബ്രാൻറുകളുടെ ജനപ്രീതി അന്വേഷിക്കുന്ന ലോകോത്തര സർവേ ഏജൻസിയായ​ ‘യൂഗോ’ സൗദി ജനതക്കിടയിൽ നടത്തിയ സർവേ റിപ്പോർട്ടാണ്​ പുറത്തുവിട്ടത്​. 18 നും 34 നും ഇടയിൽ പ്രായമുള്ള സൗദി യുവതലമുറക്കിടയിൽ​ ഒാൺലൈനിലും നേരിട്ടും നടത്തിയ സർവേയുടെ ഫലമാണിത്​.​ മുൻവർഷങ്ങളിൽ ഉന്നത സ്ഥാനത്തായിരുന്ന ​െഎഫോൺ, ആപ്പിൾ ബ്രാൻറുകൾ രണ്ടും മൂന്നും സ്ഥാനത്തേക്ക്​ താഴ്​ത്തപ്പെട്ടു​. ജനങ്ങൾക്ക്​ പ്രത്യേകിച്ച്​ യുവതലമുറക്ക്​ ഏറ്റവും ഇഷ്​ട ബ്രാൻറായി സൗദിയ മാറി.

കുടുംബങ്ങളിലും അവരുടെ സൗഹൃദവൃത്തങ്ങളിലും പോലും സംസാര വിഷയങ്ങളിലൊന്നായി ഇൗ ബ്രാൻറ്​ സ്ഥാനം പിടിച്ചിട്ടുണ്ട്​. വിമാന യാത്രക്ക്​ പ്രഥമ പരിഗണന സൗദിയ എന്നാണ്​ ഇപ്പോൾ. 76.2 പോയിൻറ്​ സ്​കോർ ചെയ്​താണ്​ സൗദിയ റാങ്കിൽ ഒന്നാമതായത്​. സോഷ്യൽ മീഡിയ ആപ്പുകളിലൂടെയുള്ള സേവനം സൗജന്യമാക്കിയത്​ സൗദിയയുടെ യുവജനപ്രീതി വർധിപ്പിക്കാൻ ഇടയാക്കിയിട്ടുണ്ട്​. യൂറോപ്പ്​, ആഫ്രിക്ക, ഏഷ്യൻ വൻകരകളിൽ ഇത്തരത്തിൽ സൗജന്യ സേവനം ഏർപ്പെടുത്തിയ ആദ്യ വിമാന കമ്പനിയും സൗദിയയാണ്​. ​െഎഫോൺ​ 75.9ഉം ആപ്പിളിന്​ 75.2ഉം പോയി​േൻറാടെ രണ്ടും മൂന്നും റാങ്കിലേക്കാണ്​ താഴ്​നത്ത്​.

ഏറ്റവും വലിയ ദുർഗതി നേരിട്ടത്​ സാംസങ്​, ഫേസ്​ബുക്ക്​ പോലുള്ള ബ്രാൻറുകളാണ്​. ഏറ്റവും ശ്രദ്ധിക്കപ്പെട്ട ഇലക്​ട്രോണിക്​ ഉൽപന്ന ബ്രാൻറാണ്​ സാംസങ്ങ്​. പക്ഷേ ഇൗ വർഷം ഇ​ൗ ബ്രാൻറിനോടുള്ള ജനപ്രീതി ഇടിഞ്ഞു. 70.7 പോയി​േൻറാടെ റാങ്കിങ്ങിൽ എട്ടാം സ്ഥാനത്തേക്കാണ്​ തള്ളപ്പെട്ടത്​. അതേസമയം സ്വദേശി ബ്രാൻറുകളിൽ പലതും നില മെച്ചപ്പെടുത്തുന്നതാണ്​ കണ്ടത്​. സൗദി സ്വകാര്യ ബാങ്കിങ്​ രംഗത്തെ അതികായരാണ്​ അൽരാജ്​ഹി ബാങ്ക്​. 75 പോയിൻറുമായി ആപ്പിൾ എന്ന ഇൻറർനാഷനൽ ബ്രാൻറി​​​​െൻറ തൊട്ടടുത്തായ നാലാം റാങ്കാണ്​ അൽരാജ്​ഹി ബാങ്ക്​ സ്വന്തമാക്കിയത്​. ഭക്ഷ്യരംഗത്തെ ശ്രദ്ധിക്കപ്പെട്ട ബ്രാൻറായ ‘അൽബൈക്ക്​’ ഫാസ്​റ്റ്​ ഫുഡ്​ ശൃംഖല ആറാം സ്ഥാനത്തേക്ക്​ ഉയർന്നു.

മറ്റ്​ ആഭ്യന്തര ബ്രാൻറുകളായ റിയൽ എസ്​റ്റേറ്റ്​ രംഗത്തെ പ്രമുഖ കമ്പനി ബിൻലാദിൻ ഗ്രൂപ്പും ഭീമൻ പാനീയ കമ്പനിയായ അൽമറായിയും ​െമച്ചപ്പെട്ട നില സൂക്ഷിക്കുന്നു. 70.2 പോയിൻറുമായി ബിൻലാദിൻ ഒമ്പതാം റാങ്കിലും 69.8 പോയി​ൻറുമായി അൽമറായി 10ാം റാങ്കിലുമാണ്​. 10 വരെയുള്ള റാങ്ക്​ പട്ടിക പരിശോധിച്ചാൽ സൗദി ജനതക്ക്​ അവരുടെ സ്വന്തം ബ്രാൻറുകളോട്​ പ്രിയം വൻതോതിൽ വർധിച്ചതായി മനസിലാക്കാം. ഇതിൽ അഞ്ച്​ ബ്രാൻറുകൾ മാത്രമേ പുറത്തുനിന്നുള്ളതുള്ളൂ. അഞ്ചാം സ്ഥാനത്തുള്ള ‘ഇൗജിപ്​റ്റ്​ എയറും’ ഏഴാം സ്ഥാനത്തുള്ള ‘വിസ’ ക്രെഡിറ്റ്​ ഡെബിറ്റ്​ കാർഡും മാത്രമാണ്​ മറ്റ്​ രണ്ട്​ വിദേശികൾ. അതേസമയം സൗദി യുവതലമുറക്ക്​ താൽപര്യമില്ലാതായ ഫേസ്​ബുക്ക്​ പത്തിനുള്ളിൽ പോലും വന്നില്ല.