വിസിറ്റ് വിസയിലെത്തിയ കോട്ടയം സ്വദേശി ജുബൈലിൽ നിര്യാതനായി

ജുബൈൽ: വിസിസറ്റ്​ വിസയിൽ സൗദിയിലെത്തിയ മലയാളി മരിച്ചു. ജുബൈലിലുള്ള മകളുടെ അടുത്തേക്ക്​ വന്ന കോട്ടയം കറുകച്ചാൽ സ്വദേശി ആൻറണി ജോസഫ് (69) ആണ് മരിച്ചത്. ഹൃദയാഘാതമാണ് മരണ കാരണം. ഭാര്യ ത്രേസ്യാമ്മയോടൊപ്പമാണ്​ മകൾ മറിയയുടെ അടുത്തെത്തിയത്​.

ജുബൈൽ മിലിറ്ററി ഫോഴ്സസ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം ഔദ്യോഗിക നടപടികൾ പൂർത്തിയാക്കിയ ശേഷം നാട്ടിലേക്ക് കൊണ്ടുപോകുമെന്ന് നടപടികൾക്ക് നേതൃത്വം നൽകുന്ന പ്രവാസി വെൽഫെയർ ജുബൈൽ ജനസേവന വിഭാഗം കൺവീനർ സലിം ആലപ്പുഴ അറിയിച്ചു.