റെ​ക്കോ​ഡി​ട്ട്​ കി​ങ്​ ഫൈ​സ​ൽ ആ​ശു​പ​ത്രി; 24 മ​ണി​ക്കൂ​റി​നു​ള്ളി​ൽ മൂ​ന്നു​​പേ​രി​ൽ​ ഹൃ​ദ​യ​മാ​റ്റ ശ​സ്​​ത്ര​ക്രി​യ

റി​യാ​ദ്​: 24 മ​ണി​ക്കൂ​റി​നു​ള്ളി​ൽ മൂ​ന്ന് രോ​ഗി​ക​ളി​ൽ​ വി​ജ​യ​ക​ര​മാ​യി ഹൃ​ദ​യം മാ​റ്റി​വെ​ക്ക​ൽ ശ​സ്​​ത്ര​ക്രി​യ ന​ട​ത്തി​ റി​യാ​ദി​ലെ കി​ങ്​ ഫൈ​സ​ൽ സ്​​പെ​ഷ​ലി​സ്​​റ്റ്​ ആ​ശു​പ​ത്രി. ഹൃ​ദ​യ​പേ​ശി​ക​ളു​ടെ ബ​ല​ഹീ​ന​ത​മൂ​ലം ബു​ദ്ധി​മു​ട്ടു​ന്ന വ്യ​ത്യ​സ്ത പ്രാ​യ​ത്തി​ലു​ള്ള മൂ​ന്ന് രോ​ഗി​ക​ൾ​ക്കാ​ണ്​ ഹൃ​ദ​യ​ങ്ങ​ൾ വെ​ച്ചു​പി​ടി​പ്പി​ച്ച്​ ജീ​വി​ത​മെ​ന്ന പ്ര​തീ​ക്ഷ പു​നഃ​സ്ഥാ​പി​ച്ച​ത്. ര​ണ്ട് പു​രു​ഷ​ന്മാ​രും ഒ​രു പെ​ൺ​കു​ട്ടി​യു​മാ​ണ്​ രോ​ഗി​ക​ൾ.

അ​ബൂ​ദ​ബി, ജി​ദ്ദ, റി​യാ​ദ് എ​ന്നി​വി​ട​ങ്ങ​ളി​ൽ മ​സ്​​തി​ഷ്​​ക മ​ര​ണം സം​ഭ​വി​ച്ച​വ​രി​ൽ​നി​ന്ന്​ എ​ടു​ത്ത ഹൃ​ദ​യ​ങ്ങ​ൾ സ്വ​കാ​ര്യ വി​മാ​ന​മാ​ർ​ഗം റി​യാ​ദി​ലെ​ത്തി​ച്ചാ​ണ്​​ 24 മ​ണി​ക്കൂ​റി​നു​ള്ളി​ൽ പു​തി​യ ശ​രീ​ര​ങ്ങ​ളി​ൽ സ്ഥാ​പി​ച്ച​ത്. ശ​സ്​​ത്ര​ക്രി​യ​ക​ൾ വി​ജ​യ​ക​ര​മാ​യി.​ഒ​മ്പ​തു വ​യ​സ്സു​കാ​രി​യാ​യ രോ​ഗി​യു​ടെ പ്ര​ശ്​​നം ഹൃ​ദ​യ​പേ​ശി​ക​ൾ ബ​ല​ഹീ​ന​മാ​യ​താ​യി​രു​ന്നു. ക​ഴി​ഞ്ഞ മാ​ർ​ച്ചി​ൽ കൃ​ത്രി​മ വാ​ൽ​വ്​ ഘ​ടി​പ്പി​ച്ച്​ അ​വ​ളു​ടെ ജീ​വ​ൻ ര​ക്ഷി​ച്ചി​രു​ന്നു.

വാ​ൽ​വി​നെ ആ​ശ്ര​യി​ക്കാ​ൻ ക​ഴി​യാ​ത്ത​തി​നാ​ൽ ഒ​രു ഹൃ​ദ​യ ദാ​താ​വി​നെ തേ​ടി ആ​ശു​പ​ത്രി​യി​ൽ ക​ഴി​യു​ക​യാ​യി​രു​ന്നു ഈ ​ഒ​മ്പ​തു വ​യ​സ്സു​കാ​രി. സൗ​ദി സെൻറ​ർ ഫോ​ർ ഓ​ർ​ഗ​ൻ ട്രാ​ൻ​സ് പ്ലാ​ന്റേ​റേ​ഷ​നും യു.​എ.​ഇ​യു​ടെ ഓ​ർ​ഗ​ൻ ട്രാ​ൻ​സ് പ്ലാ​ന്റേ​ഷ​ൻ ഏ​ജ​ൻ​സി​യാ​യ ഹ​യാ​ത്തും ത​മ്മി​ലു​ള്ള ഏ​കോ​പ​ന​ത്തി​ലാ​ണ്​ പൊ​രു​ത്ത​പ്പെ​ടു​ന്ന ഒ​രു ദാ​താ​വി​നെ ല​ഭ്യ​മാ​ക്കി​യ​ത്.

തു​ട​ർ​ന്ന് വി​ദ​ഗ്​​ധ സം​ഘം റി​യാ​ദി​ൽ​നി​ന്ന് അ​ബൂ​ദ​ബി​യി​ലെ​ത്തി. അ​ബൂ​ദ​ബി​യി​ലെ ക്ലീ​വ്‌​ലാ​ൻ​ഡ് ആ​ശു​പ​ത്രി​യി​ൽ മ​സ്തി​ഷ്ക മ​ര​ണം സം​ഭ​വി​ച്ച ദാ​താ​വി​ൽ​നി​ന്ന് ഹൃ​ദ​യം നീ​ക്കം ചെ​യ്യാ​നു​ള്ള ഓ​പ​റേ​ഷ​ൻ ന​ട​ത്തി. വി​മാ​ന​മാ​ർ​ഗം കി​ങ്​ ഖാ​ലി​ദ് വി​മാ​ന​ത്താ​വ​ള​ത്തി​ലേ​ക്കും തു​ട​ർ​ന്ന് ആം​ബു​ല​ൻ​സി​ൽ റി​യാ​ദി​ലെ ആ​ശു​പ​ത്രി ആ​സ്ഥാ​ന​ത്തേ​ക്കും ഹൃ​ദ​യം എ​ത്തി​ക്കു​ക​യും ചെ​യ്​​തു.

ഹൃ​ദ​യ ശ​സ്ത്ര​ക്രി​യ വി​ഭാ​ഗം സീ​നി​യ​ർ ക​ൺ​സ​ൾ​ട്ട​ൻ​റ് ഡോ. ​സു​ഹൈ​ർ അ​ൽ ഹാ​ലി​സി​​ന്റെ നേ​തൃ​ത്വ​ത്തി​ലു​ള്ള മെ​ഡി​ക്ക​ൽ സം​ഘം കു​ട്ടി​യു​ടെ ശ​രീ​ര​ത്തി​ൽ ഹൃ​ദ​യം മാ​റ്റി​വെ​ച്ചു. അ​വ​ർ ഒ​ബ്​​സ​ർ​വേ​റ്റ​റി​യി​ൽ തു​ട​രു​ക​യാ​ണ്.

കി​ങ്​ ഫൈ​സ​ൽ ആ​ശു​പ​ത്രി​യി​ലെ മ​റ്റൊ​രു മെ​ഡി​ക്ക​ൽ സം​ഘം ജി​ദ്ദ​യി​ലെ നാ​ഷ​ന​ൽ ഗാ​ർ​ഡി​ന്റെ കി​ങ്​ അ​ബ്​​ദു​ൽ അ​സീ​സ് മെ​ഡി​ക്ക​ൽ സി​റ്റി​യി​ലെ​ത്തി അ​വി​ടെ​ മ​സ്തി​ഷ്ക മ​ര​ണം സം​ഭ​വി​ച്ച രോ​ഗി​യി​ൽ നി​ന്നെ​ടു​ത്ത ഹൃ​ദ​യം​ റി​യാ​ദി​ലെ​ത്തി​ച്ച്​ 40 വ​യ​സ്സു​ള്ള​യാ​ൾ​ക്ക്​ മാ​റ്റി​വെ​ക്കു​ക​യാ​യി​രു​ന്നു.

ക​ൺ​സ​ൾ​ട്ട​ൻ​റ് കാ​ർ​ഡി​യാ​ക് സ​ർ​ജ​നും കി​ങ്​ ഫൈ​സ​ൽ ആ​ശു​പ​ത്രി​യി​ലെ ഹൃ​ദ​യം മാ​റ്റി​വെ​ക്ക​ൽ പ്രോ​ഗ്രാം മേ​ധാ​വി​യു​മാ​യ ഡോ. ​ഫ​റാ​സ് ഖ​ലീ​ലി​​​ന്റെ നേ​തൃ​ത്വ​ത്തി​ലു​ള്ള മെ​ഡി​ക്ക​ൽ സം​ഘ​മാ​ണ്​ ശ​സ്​​ത്ര​​​ക്രി​യ വി​ജ​യ​ക​ര​മാ​യി ന​ട​ത്തി​യ​ത്.

മൂ​ന്നാ​മ​ത്തെ രോ​ഗി 41 വ​യ​സ്സു​ള്ള​യാ​ളാ​ണ്. ഒ​രു വ​ർ​ഷം മു​മ്പ് ഹൃ​ദ​യ​സ്തം​ഭ​ന​മു​ണ്ടാ​യ ഇ​യാ​ൾ​ക്ക്​ കൃ​ത്രി​മ വാ​ൽ​വ്​ ഘ​ടി​പ്പി​ച്ചാ​ണ്​ ജീ​വ​ൻ നി​ല​നി​ർ​ത്തി​യി​രു​ന്ന​ത്​. റി​യാ​ദി​ലെ നാ​ഷ​ന​ൽ ഗാ​ർ​ഡി​​ന്റെ കി​ങ്​ അ​ബ്​​ദു​ൽ അ​സീ​സ് മെ​ഡി​ക്ക​ൽ സി​റ്റി​യി​ൽ മ​സ്തി​ഷ്ക മ​ര​ണം സം​ഭ​വി​ച്ച​യാ​ളി​ൽ നി​ന്നാ​ണ്​ ഹൃ​ദ​യ​മെ​ടു​ത്ത​ത്. ഡോ. ​ഫി​റാ​സ് ഖ​ലീ​ലി​​ന്റെ നേ​തൃ​ത്വ​ത്തി​ലു​ള്ള സം​ഘം​ വി​ജ​യ​ക​ര​മാ​യി ശ​സ്ത്ര​ക്രി​യ ന​ട​ത്തി. രോ​ഗി ഇ​പ്പോ​ഴും വൈ​ദ്യ​പ​രി​ശോ​ധ​ന​യി​ൽ ക​ഴി​യു​ക​യാ​ണ്.

സ​മ​യം ഒ​രു നി​ർ​ണാ​യ​ക ഘ​ട​ക​മാ​യ​തി​നാ​ൽ റി​യാ​ദ് ട്രാ​ഫി​ക് വ​കു​പ്പി​​ന്റെ സ​ഹ​ക​ര​ണ​ത്തോ​ടെ​യാ​ണ്​ ചു​രു​ങ്ങി​യ സ​മ​യ​ത്തി​നു​ള്ളി​ൽ മൂ​ന്ന്​ ഹൃ​ദ​യ​ങ്ങ​ളും കി​ങ്​ ഫൈ​സ​ൽ ആ​ശു​പ​ത്രി​യി​ലെ​ത്തി​ക്കാ​നാ​യ​ത്. മി​ഡി​ൽ ഈ​സ്​​റ്റി​ലും ആ​ഫ്രി​ക്ക​യി​ലും ഒ​ന്നാം സ്ഥാ​ന​ത്തും ആ​ഗോ​ള​ത​ല​ത്തി​ൽ 20ാം സ്ഥാ​ന​ത്തും നി​ൽ​ക്കു​ന്ന ആ​ശു​പ​ത്രി​യാ​ണ്​ കി​ങ്​ ഫൈ​സ​ൽ. ന്യൂ​സ് വീ​ക്ക് മാ​ഗ​സി​​ന്റെ തെ​ര​ഞ്ഞെ​ടു​പ്പി​ൽ ലോ​ക​ത്തി​ലെ ഏ​റ്റ​വും മി​ക​ച്ച 250 ആ​ശു​പ​ത്രി​ക​ളി​ൽ ഇ​ടം നേ​ടി​യി​ട്ടു​ണ്ട്.