ഖ​ത്ത​റി​ൽ ചി​ക്ക​നും പ​ച്ച​ക്ക​റി​ക​ൾ​ക്കും ക​സ്റ്റം​സ് തീ​രു​വ വ​ർ​ധി​പ്പി​ച്ചു

ദോ​ഹ: ഖ​ത്ത​റി​ൽ തി​ര​ഞ്ഞെ​ടു​ത്ത സാ​ധ​ന​ങ്ങ​ളു​ടെ ക​സ്റ്റം​സ് തീ​രു​വ വ​ർ​ധി​പ്പി​ച്ച് ഉ​ത്ത​ര​വ്. മുറിക്കാത്ത ഫ്രഷ്, ചിൽഡ് ചിക്കൻ, ചിൽഡ് ചിക്കൻ ബ്രസ്റ്റ്, ചിക്കൻ വിങ്സ് എന്നിവയ്ക്ക് 18 ശതമാനമാണ് കസ്റ്റംസ് തീരുവ വർധിപ്പിച്ചത്. ഉ​ൽ​പ്പാ​ദ​നം കൂ​ടു​ത​ലു​ള്ള സ​മ​യ​ങ്ങ​ളി​ൽ നി​ശ്ചി​ത പ​ച്ച​ക്ക​റി​ക​ളു​ടെ ഇ​റ​ക്കു​മ​തി തീ​രു​വ 15 ശ​ത​മാ​ന​മാ​യി ഉ​യ​ർ​ത്തു​മെ​ന്നും ഉ​ത്ത​ര​വി​ൽ വ്യ​ക്ത​മാ​ക്കു​ന്നു.

ജ​നു​വ​രി മു​ത​ൽ മേ​യ് വ​രെ​യു​ള്ള മാ​സ​ങ്ങ​ളി​ൽ ത​ക്കാ​ളി​യും ജ​നു​വ​രി മു​ത​ൽ ഏ​പ്രി​ൽ വ​രെ​യും, ന​വം​ബ​ർ മു​ത​ൽ ഡി​സം​ബ​ർ വ​രെ​യു​മു​ള്ള കാ​ല​യ​ള​വി​ൽ വ​ഴു​ത​ന​ങ്ങ​യും അ​ട​ക്കം ചി​ല പ​ച്ച​ക്ക​റി​ക​ളു​ടെ​യും ഇ​റ​ക്കു​മ​തി തീ​രു​വയും വ​ർ​ധി​പ്പിച്ചിട്ടുണ്ട്. സെപ്റ്റംബർ 16-ന് ഔദ്യോഗിക ഗസറ്റിന്റെ പ്രസിദ്ധീകരിച്ച 2026 ലെ 45-ാം ​ന​മ്പ​ർ അ​മീ​രി ഉ​ത്ത​ര​വ് പ്ര​കാ​ര​മാ​ണ് ന​ട​പ​ടി. ഗ​സ​റ്റി​ൽ പ്ര​സി​ദ്ധീ​ക​രി​ച്ച് 60 ദി​വ​സ​ത്തി​ന് ശേ​ഷം പു​തി​യ നി​ര​ക്ക് പ്രാ​ബ​ല്യ​ത്തി​ൽ വ​രും.

കസ്റ്റംസ് തീരുവ വർധിപ്പിച്ചതുകൊണ്ട് മാത്രം ഉൽപന്നങ്ങളുടെ വിപണിവില ഉയരില്ല. പുതിയ നിരക്കുകൾ പ്രാബല്യത്തിൽ വന്നശേഷമുള്ള ഇറക്കുമതി വിലയും ചില്ലറവിപണി നിരക്കുകളും പരിശോധിച്ചാലേ പുതിയ തീരുമാനത്തിന്റെ ആഘാതം വ്യക്തമാകൂ. പ്രാദേശികമായി ഉൽപ്പാദിപ്പിക്കുന്ന ഉൽപ്പന്നങ്ങൾക്ക് വിപണിയിൽ കൂടുതൽ ഇടം കണ്ടെത്താനും തീരുമാനം വഴിയൊരുക്കും