അ​റ​ബി സം​സാ​രി​ക്കാം.. കാ​മ്പ​യി​നു​മാ​യി ഖ​ത്ത​ർ ഫൗ​ണ്ടേ​ഷ​ൻ

ദോ​ഹ: അ​റ​ബി ഭാ​ഷാ പ്ര​ചാ​ര​ണ​ത്തി​ന്റെ ഭാ​ഗ​മാ​യി ‘അ​റ​ബി സം​സാ​രി​ക്കാം..’ കാ​മ്പ​യി​നു​മാ​യി ഖ​ത്ത​ർ ഫൗ​ണ്ടേ​ഷ​ൻ.അ​ന്താ​രാ​ഷ്ട്ര വി​ദ്യാ​ഭ്യാ​സ ദി​നാ​ച​ര​ണ​ത്തോ​ട​നു​ബ​ന്ധി​ച്ചാ​ണ് എ​ല്ലാ വി​ഭാ​ഗം ജ​ന​ങ്ങ​ളെ​യും ഉ​ൾ​ക്കൊ​ള്ളി​ച്ച് ച​ർ​ച്ച​ക​ളും ശി​ൽ​പ​ശാ​ല​ക​ളും ഉ​ൾ​പ്പെ​ടെ വൈ​വി​ധ്യ​മാ​ർ​ന്ന പ​രി​പാ​ടി​ക​ളു​മാ​യി അ​റ​ബി ഭാ​ഷാ പ്ര​ചാ​ര​ണം സം​ഘ​ടി​പ്പി​ക്കു​ന്ന​ത്. ലെ​റ്റ്സ് സ്പീ​ക്ക് അ​റ​ബി​ക് എ​ന്ന പേ​രി​ൽ കാ​മ്പ​യി​ൻ വ്യാ​ഴാ​ഴ്ച ആ​രം​ഭി​ക്കും. ജ​നു​വ​രി 24ന് ​ആ​ണ് ഐ​ക്യ​രാ​ഷ്ട്ര സ​ഭ​ക്കു കീ​ഴി​ൽ അ​ന്താ​രാ​ഷ്ട്ര വി​ദ്യ​ഭ്യാ​സ ദി​ന​മാ​യി ആ​ച​രി​ക്കു​ന്ന​ത്.

വി​ദ്യ​ഭ്യാ​സ​ത്തി​ലൂ​ടെ സ​മൂ​ഹി​ക ഉ​യ​ർ​ച്ച ഉ​റ​പ്പാ​ക്കു​ക എ​ന്ന ല​ക്ഷ്യ​വു​മാ​യാ​ണ് ആ​ഗോ​ള ദി​നാ​ച​ര​ണം. ‘വി​ദ്യാ​ഭ്യാ​സം എ​ല്ലാ​വ​രു​ടെ​യും ഉ​ത്ത​ര​വാ​ദി​ത്വം’ എ​ന്ന പ്ര​മേ​യ​മു​യ​ർ​ത്തി​യാ​ണ് ഖ​ത്ത​ർ ഫൗ​ണ്ടേ​ഷ​ൻ ഇ​ത്ത​വ​ണ അ​ന്താ​രാ​ഷ്ട്ര വി​ദ്യാ​ഭ്യാ​സ ദി​ന​ത്തി​ൽ പ​ങ്കാ​ളി​ക​ളാ​കു​ന്ന​ത്.

പ്രാ​ദേ​ശി​ക മൂ​ല്യ​ങ്ങ​ളി​ൽ വേ​രൂ​ന്നി, അ​റ​ബി ഭാ​ഷ​യെ പ്രോ​ത്സാ​ഹി​പ്പി​ക്കു​ന്ന​തും, ഇ​സ്‍ലാ​മി​ക ത​ത്ത്വ​ങ്ങ​ൾ ഉ​യ​ർ​ത്തി​പ്പി​ടി​ക്കു​ന്ന​തും, ദേ​ശീ​യ സ്വ​ത്വം ശ​ക്തി​പ്പെ​ടു​ത്തു​ന്ന​തു​മാ​യ ഉ​ന്ന​ത നി​ല​വാ​ര​ത്തി​ലെ വി​ദ്യാ​ഭ്യാ​സം ഉ​റ​പ്പാ​ക്കു​ക​യെ​ന്ന ല​ക്ഷ്യ​വു​മാ​യാ​ണ് ഖ​ത്ത​ർ ഫൗ​ണ്ടേ​ഷ​ൻ പ്ര​ചാ​ര​ണം സം​ഘ​ടി​പ്പി​ക്കു​ന്ന​ത്. കു​ടും​ബ​ങ്ങ​ൾ, അ​ധ്യാ​പ​ക​ർ, സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ൾ എ​ന്നി​വ​യു​ടെ പ​ങ്കാ​ളി​ത്ത​വും വ്യ​ക്ത​മാ​ക്കു​ന്നു.

വ്യാ​ഴാ​ഴ്ച രാ​വി​ലെ ഒ​മ്പ​തു മു​ത​ൽ ഉ​ച്ച ര​ണ്ടു വ​രെ ഖ​ത്ത​ർ നാ​ഷ​ന​ൽ ക​ൺ​വെ​ൻ​ഷ​ൻ സെ​ന്റ​റി​ൽ വി​വി​ധ പ​രി​പാ​ടി​ക​ൾ അ​ര​ങ്ങേ​റും. ഖ​ത്ത​ർ ഫൗ​ണ്ടേ​ഷ​ൻ സ്കൂ​ളു​ക​ളി​ലൂ​ടെ പ്രാ​ഥ​മി​ക ഭാ​ഷ​യാ​യി അ​റ​ബി​യെ ഉ​പ​യോ​ഗ​പ്പെ​ടു​ത്തു​ക​യും ത​​ദ്ദേ​ശീ​യ ശൈ​ലി​യി​ലെ ഭാ​ഷ ഉ​പ​യോ​ഗം പ്രോ​ത്സാ​ഹി​പ്പി​ക്ക​ലും പ്രാ​ധാ​ന ല​ക്ഷ്യ​മാ​ണ്.