പി.​ഡി.​പി സം​സ്ഥാ​ന ജ​ന​റ​ൽ സെ​ക്ര​ട്ട​റി ജാ​ഫ​ർ അ​ലി ദാ​രി​മി​യു​ടെ നി​ര്യാ​ണ​ത്തി​ൽ അ​നു​ശോ​ചി​ച്ചു

ദോ​ഹ: യു​വ പ​ണ്ഡി​ത​നും പി.​ഡി.​പി സം​സ്ഥാ​ന ജ​ന​റ​ൽ സെ​ക്ര​ട്ട​റി​യു​മാ​യ ജാ​ഫ​ർ അ​ലി ദാ​രി​മി​യു​ടെ നി​ര്യാ​ണ​ത്തി​ൽ ഖ​ത്ത​ർ പി.​സി.​എ​ഫ് അ​നു​ശോ​ച​നം അ​റി​യി​ച്ചു. അ​ബ്ദു​ന്നാ​സി​ർ മ​അ്ദ​നി​യു​ടെ പ്ര​തി​സ​ന്ധി കാ​ല​ഘ​ട്ട​ങ്ങ​ളി​ലെ​ല്ലാം താ​ങ്ങും ത​ണ​ലു​മാ​യി കേ​ര​ള​ത്തി​ൽ അ​ങ്ങോ​ള​മി​ങ്ങോ​ളം ഓ​ടി​ന​ട​ന്ന് മ​അ്ദ​നി​ക്കെ​തി​രെ ന​ട​ക്കു​ന്ന നീ​തി​നി​ഷേ​ധ​ത്തി​നെ​തി​രെ സ​മൂ​ഹ​ത്തെ ബോ​ധ​വ​ത്ക​രി​ക്കു​ന്ന​തി​ൽ ശ്ര​ദ്ധേ​യ​മാ​യ പ​ങ്കു​വ​ഹി​ച്ച നേ​താ​വാ​യി​രു​ന്നു അ​ദ്ദേ​ഹം.

ന​ന്തി ദാ​റു​സ്സ​ലാം അ​റ​ബി​ക് കോ​ള​ജി​ല്‍നി​ന്ന് ബി​രു​ദം നേ​ടി​യ ശേ​ഷം നി​ര​വ​ധി പ​ള്ളി​ക​ളി​ൽ ഇ​മാ​മാ​യും മ​ദ്റ​സാ​ധ്യാ​പ​ക​നാ​യും സേ​വ​ന​മ​നു​ഷ്ഠി​ച്ചി​ട്ടു​ണ്ട്. മ​അ്ദ​നി​യു​ടെ നി​യ​മ​സ​ഹാ​യ സ​മി​തി​യു​മാ​യി ബ​ന്ധ​പ്പെ​ട്ടും അ​ല്ലാ​തെ​യും ഒ​ന്നി​ല​ധി​കം ത​വ​ണ ഖ​ത്ത​ർ സ​ന്ദ​ർ​ശി​ച്ചി​ട്ടു​ണ്ട്. പാ​ർ​ശ്വ​വ​ത്ക​രി​ക്ക​പ്പെ​ട്ട ജ​ന​വി​ഭാ​ഗ​ത്തി​ന്റെ ഏ​തു കാ​ര്യ​ത്തി​നും മു​ൻ​തൂ​ക്കം ന​ൽ​കി പൂ​ർ​ണ​ത​യി​ലെ​ത്തി​ക്കാ​ൻ മു​ന്നി​ലു​ണ്ടാ​യി​രു​ന്ന നേ​താ​വാ​യി​രു​ന്നു.

പി​ന്നാ​ക്ക-​ദ​ലി​ത് -മു​സ്‍ലിം രാ​ഷ്ട്രീ​യ​ത്തി​ന് അ​ദ്ദേ​ഹ​ത്തി​ന്റെ വി​യോ​ഗം തീ​രാ​ന​ഷ്ട​മാ​ണെ​ന്ന് ഖ​ത്ത​ർ പി.​സി.​എ​ഫ് നാ​ഷ​ന​ൽ ക​മ്മി​റ്റി അ​നു​ശോ​ച​ന​ക്കു​റി​പ്പി​ൽ അ​റി​യി​ച്ചു.