ഐ.സി.സിയില്‍ ഓണ്‍ലൈന്‍ ക്ലാസുകള്‍ ജൂണ്‍ ഒന്നുമുതല്‍

ദോഹ: ഇന്ത്യന്‍ കള്‍ചറല്‍ സെൻറര്‍ (ഐ.സി.സി) നടത്തിവരാറുള്ള വിവിധ പരിശീലന ക്ലാസുകള്‍ ഓണ്‍ലൈനായി ജൂൺ ഒന്നുമുതൽ തുടങ്ങുന്നു. ക്ലാസിക്കല്‍ നൃത്തം, കരാട്ടെ, യോഗ, കുങ്​ഫു, കളരി എന്നിവയാണ​ുള്ളത്​. യോഗ ചൊവ്വ, ശനി ദിവസങ്ങളില്‍ വൈകീട്ടായിരിക്കും. വനിതകള്‍ക്കുള്ള യോഗ ഞായര്‍, ബുധന്‍ ദിനങ്ങളില്‍ രാവിലെ നടക്കും. കരാട്ടെ ശനി, വ്യാഴം, വെള്ളി ദിനങ്ങളില്‍ വൈകീട്ട് നടക്കും.

ക്ലാസിക്കല്‍ ഡാന്‍സ് ഞായറും തിങ്കളും വൈകീട്ട് പരിശീലിപ്പിക്കും. കളരിയും കുങ്​ഫുവും വെള്ളി, ശനി ദിനങ്ങളില്‍ വൈകീട്ട് ഓണ്‍ലൈനായി പഠിക്കാനാവും. ഫോൺ: 55388949, 44686607. www.iccqatar.com.