ഡോം ഖത്തർ ക്വിസ് മത്സരം 14ന്

ദോഹ: ഡയസ്പോറ ഓഫ് മലപ്പുറം (ഡോം) കിക്കോഫ് 2022ന്റെ ഭാഗമായി നടത്തുന്ന 'ഗോൾ ഫുട്ബാൾ' ക്വിസ് മത്സരം ഒക്ടോബർ 14 വുകൈറിലെ ഡി.പി.എസ് മൊണാർക് ഇൻറർനാഷനൽ സ്കൂളിൽ നടക്കും. ആദ്യ മൂന്നു സ്ഥാനക്കാർക്കും 3022, 2022 , 1022 റിയാലാണ് സമ്മാനത്തുക.

ഇൻറർ സ്കൂൾ ചാമ്പ്യൻഷിപ്പിന്റെ ലൂസേഴ്സ്- ഫൈനൽ മത്സരങ്ങളും കിക്കോഫ് 2022ന്റെ സമാപന പരിപാടികളുമായി മെഗാ ഫെസ്റ്റും നടക്കും.

വൈകീട്ട് 3.30 മുതൽ പരിപാടികൾ തുടങ്ങും. കൂടുതൽ വിവരങ്ങൾക്കായി 50155524, 55609982, 70970230 തുടങ്ങിയ നമ്പറുകളിൽ ബന്ധപ്പെടാവുന്നതാണ്.