ഗ്ലോബൽ മണി എക്​സ്​ചേഞ്ചി​െൻറ പുതിയ ശാഖ റൂവി ഹൈ സ്ട്രീറ്റിൽ

മസ്​കത്ത്​: ഒമാനിലെ മുൻനിര ധനവിനിമയ സ്​ഥാപനമായ ഗ്ലോബൽ മണി എക്​സ്​ചേഞ്ചി​െൻറ കെ.എം.ട്രേഡിങ്​ ഹൈപ്പർ മാർക്കറ്റിൽ പ്രവർത്തിച്ചിരുന്ന ശാഖ പുതിയ കെട്ടിടത്തിലേക്ക്​ മാറ്റി. റൂവി ഹൈ സ്ട്രീറ്റിൽ ബാങ്ക് മസ്കത്തിനോട് ചേർന്നാണ് പുതിയ ഓഫിസ്​. ഗ്ലോബൽ മണി എക്​സ്​ചേഞ്ച്​ മാനേജിങ്​ ഡയറക്​ടർ കെ.എസ്​ സുബ്രഹ്​മണ്യൻ ഉദ്​ഘാടനം ചെയ്​തു. കോവിഡ്​ മാനദണ്ഡങ്ങൾ പാലിച്ച്​ ലളിതമായാണ്​ ഉദ്​ഘാടന ചടങ്ങ്​ നടത്തിയത്​. കഴിഞ്ഞ 20 വർഷമായി ഒമാനിൽ പ്രവർത്തിക്കുന്ന ഗ്ലോബൽ മണി എക്​സ്​ചേഞ്ചിന്​ ഉപഭോക്​താക്കൾ നൽകിവരുന്ന പിന്തുണക്ക്​ മാനേജിങ്​ ഡയറക്​ടർ കെ.എസ്​ സുബ്രമണ്യൻ നന്ദിയറിയിച്ചു.