ടൂറിനിടെ വിദ്യാർഥിനി ആക്രമിക്കപ്പെട്ടെന്ന അഭ്യൂഹം നിഷേധിച്ച് ആർ.ഒ.പി

മസ്കത്ത്: സ്‌കൂൾ വിനോദ യാത്രക്കിടെ വിദ്യാർഥിനി ആക്രമിക്കപ്പെട്ടുവെന്ന തരത്തിൽ സമൂഹമാധ്യമങ്ങളിൽ നടക്കുന്ന പ്രചാരണം നിഷേധിച്ച് റോയൽ ഒമാൻ പൊലീസ്. വിദ്യാർഥിനി ആക്രമിക്കപ്പെട്ടുവെന്ന വാർത്ത അടിസ്ഥാന രഹിതമാണ്. അന്വേഷണത്തിൽ ഇത്തരം സംഭവങ്ങളൊന്നും റിപ്പോർട്ട് ചെയ്യപ്പെട്ടിട്ടില്ല. സമൂഹമാധ്യമങ്ങളിൽ വിവരങ്ങൾ പങ്കിടുന്നതിന് മുമ്പ് ജാഗ്രത പുലർത്തണമെന്നും വ്യാജ വാർത്തകൾ പ്രചരിപ്പിക്കുന്നത് ശിക്ഷാർഹമായ കുറ്റമാണെന്നും അധികൃതർ മുന്നറിയിപ്പ് നൽകി.