'പോയന്റ് ഓഫ് കാൾ' നിരസിച്ചതിന് പിന്നാലെ വിമാനസർവിസും വെട്ടിക്കുറച്ചു; മസ്കത്ത്-കണ്ണൂർ യാത്ര ദുഷ്‍കരം

മ​സ്ക​ത്ത്: കേ​ര​ള​ത്തി​ലെ ന​വീ​ന സൗ​ക​ര്യ​ങ്ങ​ളു​ള്ള ക​ണ്ണൂ​ർ വി​മാ​ന​ത്താ​വ​ള​ത്തോ​ടു​ള്ള ചി​റ്റ​മ്മ ന​യ​ത്തി​നെ​തി​രെ പ്ര​തി​ഷേ​ധ​വു​മാ​യി പ്ര​വാ​സി യാ​ത്ര​ക്കാ​ർ. ക​ണ്ണൂ​രി​ലേ​ക്ക് അ​ന്താ​രാ​ഷ്ട്ര വി​മാ​ന​ങ്ങ​ൾ​ക്ക് അ​നു​മ​തി ന​ൽ​കു​ന്ന ‘പോ​യന്റ് ഓ​ഫ് കാ​ൾ ’ നി​ര​സി​ച്ച​തി​ന് പി​ന്നാ​ലെ ക​ണ്ണൂരി​ൽ​നി​ന്ന് മ​സ്ക​ത്തി​ലേ​ക്ക് സ​ർ​വി​സ് ന​ട​ത്തു​ന്ന എ​യ​ർ ഇ​ന്ത്യ എ​ക്പ്ര​സ് സ​ർ​വിസ് കു​റ​ച്ച​താ​ണ് യാ​ത്ര​ക്കാ​രെ ചൊ​ടി​പ്പി​ക്കു​ന്ന​ത്.ക​ണ്ണൂ​രി​ൽ നി​ന്ന് മ​സ്ക​ത്തി​ലേ​ക്കു​ള്ള ഗോ​ഫ​സ്റ്റ് സ​ർ​വി​സ് നി​ർ​ത്തി​യ​തോ​ടെ മ​സ്ക​ത്തി​ലെ ക​ണ്ണൂ​രു​കാ​രു​ടെ യാ​ത്രാ ദു​രി​തം ആ​രം​ഭി​ച്ചി​രു​ന്നു.

ആ​ദ്യ​കാ​ല​ത്ത് എ​യ​ർ ഇ​ന്ത്യ എ​ക്സ്പ്ര​സി​ന്റെ സ​ർ​വിസ് കു​റ​വാ​യി​രു​ന്നെ​ങ്കി​ലും ഏ​റെ മു​റ​വി​ളി​ക്ക് ശേ​ഷ​മാ​ണ് ആ​റാ​യി വ​ർ​ധി​പ്പി​ച്ച​ത്. എ​ന്നാ​ൽ,എ​യ​ർ ഇ​ന്ത്യ എ​ക്പ്ര​സി​ന്റെ അ​ടു​ത്ത മാ​സം പ​കു​തി​വ​രെ​യു​ള്ള പു​തി​യ ഷെ​ഡ്യൂ​ളി​ൽ സ​ർ​വി​സു​ക​ൾ നാ​ലാ​യി കു​റ​ച്ചി​ട്ടു​ണ്ട്. ചൊ​വ്വ, വെ​ള്ളി , ശ​നി, ഞാ​യ​ർ ദി​വ​സ​ങ്ങ​ളി​ലാ​ണ് ഇ​പ്പോ​ൾ സ​ർ​വി​സ് ഉ​ള്ള​ത്.

മ​സ്ക​ത്തി​ൽ​നി​ന്ന് പു​ല​ർ​ച്ച 2.50 ന് ​പു​റ​പ്പെ​ട്ട് രാ​വി​ലെ 7.50ന് ​ക​ണ്ണൂ​രി​ൽ എ​ത്തു​ന്ന രീ​തി​യി​ലാ​ണ് എ​യ​ർ ഇ​ന്ത്യ​യു​ടെ സ​ർ​വി​സ്. എ​യ​ർ ഇ​ന്ത്യ എ​ക്പ്ര​സ് സ​ർ​വി​സ് കു​റ​ച്ച​തോ​ടെ ക​ണ്ണൂ​ർ വി​മാ​ന​ത്താ​വ​ള​ത്തെ ആ​ശ്ര​യി​ച്ച് യാ​ത്ര ചെ​യ്യു​ന്ന​വ​ർ ദു​രി​ത​ത്തി​ലാ​യി​രി​ക്കു​ക​യാ​ണ്. സ​ർ​വി​സ് കു​റ​ഞ്ഞ​തോ​ടെ നി​ര​വ​ധി പേ​ർ മ​റ്റു വി​മാ​ന​ത്താ​വ​ള​ങ്ങ​ളെ ആ​ശ്ര​യി​ക്കേ​ണ്ടി വ​ന്നി​രി​ക്കു​ക​യാ​ണ്. ഇ​തോ​ടെ കോ​ഴി​ക്കോ​ട് അ​ട​ക്ക​മു​ള്ള വി​മാ​ന​ത്താ​വ​ള​ങ്ങ​ളി​ലൂ​ടെ യാ​ത്ര ചെ​യ്യേ​ണ്ട​വ​ർ​ക്ക് ഏ​റെ മ​ണി​ക്കൂ​റു​ക​ൾ

ട്രെയിനിലും മ​റ്റു വാ​ഹ​ന​ങ്ങ​ളി​ലു​മാ​യി യാ​ത്ര ചെ​യ്താ​ണ് വി​മാ​നം പി​ടി​ക്കേ​ണ്ട​ത്. ഇ​തി​നി​ടെ ഗ​താ​ഗ​ത കു​രു​ക്കും മ​റ്റു​മൊ​ക്കെ​യാ​വു​മ്പേ​ൾ പ​ല​പ്പോ​ഴും വി​മാ​നം ന​ഷ്ട​പ്പെ​ടു​ക​യും ചെ​യ്യും. ക​ണ്ണൂ​ർ വി​മാ​ന​ത്താ​വ​ള​ത്തി​ന് പോ​യന്റ് ഓ​ഫ് കാ​ൾ അ​നു​വ​ദി​ക്കു​ക​യാ​ണെ​ങ്കി​ൽ 20 ല​ധി​കം അ​ന്താ​രാ​ഷ്ട്ര വി​മാ​ന ക​മ്പ​നി​ക​ൾ ക​ണ്ണൂ​രി​ലേ​ക്ക് പ​റ​ക്കാ​ൻ ത​യാ​റാ​ണെ​ന്നാ​ണ് വി​മാ​ന​ത്താ​വ​ളം അ​ധി​കൃ​ത​ർ പ​റ​യു​ന്ന​ത്. പോ​യന്റ് ഓ​ഫ് കാ​ൾ ല​ഭി​ക്കാ​ൻ ക​ണ്ണൂ​രി​ലെ ജ​ന പ്ര​തി​നി​ധി​ക​ൾ അ​ട​ക്കം അ​ധി​കൃ​ത​രെ സ​മീ​പി​ച്ചെ​ങ്കി​ലും ഇ​ത് വ​രെ കാ​ര്യ​മു​ണ്ടാ​യി​ട്ടി​ല്ല.

എം.​പി​മാ​രാ​യ കെ. ​സു​ധാ​ക​ര​ൻ, ജോ​ൺ ബ്രി​ട്ടാ​സ്, സ​ന്തോ​ഷ് കു​മാ​ൻ, വി. ​ശി​വ​ദാ​സ​ൻ, കെ.​സി. വേ​ണു​ഗോ​പാ​ൽ, രാ​ജ് മോ​ഹ​ൻ ഉ​ണ്ണി​ത്താ​ൻ, പി. ​ടി. ഉ​ഷ എ​ന്നി​വ​ർ കേ​ന്ദ്ര​ത്തെ സ​മീ​പി​ച്ചെ​ങ്കി​ലും കാ​ര്യ​മാ​യ ച​ല​ന​മൊ​ന്നും ഉ​ണ്ടാ​യി​ട്ടി​ല്ല. അ​തി​നി​ടെ ക​ണ്ണൂ​ർ വി​മാ​ന​ത്താ​വ​ളം പ്ര​തി​സ​ന്ധി​യി​ലേ​ക്ക് നീ​ങ്ങു​ക​യാ​ണെ​ന്നാ​ണ് അ​ടു​ത്തി​ടെ പു​റ​ത്തുവി​ട്ട റി​പ്പോ​ർ​ട്ടി​ൽനി​ന്ന് വ്യ​ക്ത​മാ​വു​ന്ന​ത്. 2023-2024 സാ​മ്പ​ത്തി​ക വ​ർ​ഷ​ത്തി​ൽ ക​ണ്ണൂ​രി​ലേ​ക്കു​ള​ള യാ​ത്ര​ക്കാ​രു​ടെ എ​ണ്ണം 6.7 ശ​ത​മാ​നം കു​റ​ഞ്ഞു. തി​രു​വ​ന​ന്ത​പു​ര​ത്തേ​ക്കും കൊ​ച്ചി​യി​ലേ​ക്കു​മു​ള്ള യാ​ത്ര​ക്കാ​രു​ടെ എ​ണ്ണം വ​ർ​ധി​ക്കു​മ്പോ​ഴാ​ണി​ത്.

ക​ഴി​ഞ്ഞ സാ​മ്പ​ത്തി​ക വ​ർ​ഷ​ത്തി​ൽ വ​രു​മാ​ന​ത്തി​ലും മു​ൻ വ​ർ​ഷ​ത്തെ​ക്കാ​ൾ വ​ൻ കു​റ​വാ​ണു​ള്ള​ത്. ക​ഴി​ഞ്ഞ വ​ർ​ഷം മു​ൻ വ​ർ​ഷ​ത്തെ അ​പേ​ക്ഷി​ച്ച് 13.42 കോ​ടി​യു​ടെ കു​റ​വാ​ണു​ള്ള​ത്. 2022-23 കാ​ല​ത്ത് 12,57,086 യാ​ത്ര​ക്കാ​രാ​ണു​ണ്ടാ​യി​രു​ന്ന​ത്. ക​ഴി​ഞ്ഞ വ​ർ​ഷം യാ​ത്ര​ക്കാ​രു​ടെ എ​ണ്ണം 11,77,891 ആ​യി കു​റ​ഞ്ഞു. ക​ണ്ണൂ​രി​ൽ നി​ന്ന് സ​ർ​വി​സ് ന​ട​ത്തു​ന്ന വി​മാ​ന സ​ർ​വി​സു​ക​ളി​ലും 19 ശ​ത​മാ​നം കു​റ​വാ​ണു​ള്ള​ത്.

ക​ണ്ണൂ​ർ വി​മാ​ന​ത്താ​വ​ള​ത്തെ ത​ക​ർ​ക്കാ​ൻ അ​നു​വ​ദി​ക്കി​ല്ലെ​ന്നും ശ​ക്ത​മാ​യ സ​മ​ര പ​രി​പാ​ടി​ക​ളു​മാ​യി മു​മ്പോ​ട്ട് പോ​വു​മെ​ന്നു​മാ​ണ് മ​സ്ക​ത്തി​ലെ ക​ണ്ണൂ​ർ യാ​ത്ര​ക്കാ​ർ പ​റ​യു​ന്ന​ത്. പ്ര​തി​ഷേ​ധ പ​രി​പാ​ടി​ക​ളു​മാ​യി ബ​ന്ധ​പ്പെ​ട്ട ച​ർ​ച്ച​ക​ൾ ന​ട​ക്കു​ക​യാ​ണെ​ന്നും പോ​യ​ന്റ്ഓ​ഫ് കോ​ൾ ല​ഭി​ക്കാ​ൻ കേ​ന്ദ്ര​ത്തി​ൽ കൂ​ടു​ത​ൽ സ​മ്മ​ർ​ദ​ങ്ങ​ൾ ന​ട​ത്തു​മെ​ന്നും ഇ​വ​ർ പ​റ​യു​ന്നു. പോ​യ​ന്റ് ഓ​ഫ് കാ​ൾ പ​ദ​വി ല​ഭി​ക്കു​ന്ന​തോ​ടെ കൂ​ടു​ത​ൽ വി​മാ​ന​ങ്ങ​ൾ​ക്ക് ക​ണ്ണൂ​രി​ൽ നി​ന്ന് സ​ർ​വി​സ് ന​ട​ത്താ​ൻ ക​ഴി​യു​മെ​ന്നും അ​തോ​ടെ ക​ണ്ണൂ​ർ വി​മാ​ന​ത്താ​വ​ള​ത്തി​ന്റെ ചി​ത്രം ത​ന്നെ മാ​റു​മെ​ന്നും യാ​ത്ര​ക്കാ​ർ പ​റ​യു​ന്നു.