മ​സീ​റ ടൂ​റി​സം ഫോ​റം ആ​ഗ​സ്റ്റി​ൽ

മ​സ്ക​ത്ത്​: മ​സീ​റ ടൂ​റി​സം ഫോ​റം ആ​ഗ​സ്റ്റി​ൽ ന​ട​ത്തു​മെ​ന്ന് മ​സീ​റ​യി​ലെ വാ​ലി ശൈ​ഖ്​ അ​ബ്ദു​ല്ല ബി​ൻ അ​ബ്ദു​ല്ല ബാ​വീ​ൻ പ​റ​ഞ്ഞു. ഈ ​സം​രം​ഭം ദ്വീ​പി​ന്‍റെ ടൂ​റി​സം സാ​ധ്യ​ത​ക​ൾ പ്രോ​ത്സാ​ഹി​പ്പി​ക്കു​ന്ന​തി​നും പ​ര്യ​വേ​ക്ഷ​ണം ചെ​യ്യു​ന്ന​തി​നു​മു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​ണി​ത്. മ​സീ​റ വാ​ലി​യു​ടെ ഓ​ഫി​സു​മാ​യി സ​ഹ​ക​രി​ച്ച് തെ​ക്ക​ൻ ശ​ർ​ഖി​യ ഗ​വ​ർ​ണ​റു​ടെ ഓ​ഫി​സ് സം​ഘ​ടി​പ്പി​ക്കു​ന്ന ഫോ​റം ടൂ​റി​സം മേ​ഖ​ല​യെ ഉ​ത്തേ​ജി​പ്പി​ക്കാ​നും ഉ​യ​ർ​ത്താ​നും ല​ക്ഷ്യ​മി​ടു​ന്ന​താ​യി ബാ​വീ​ൻ അ​റി​യി​ച്ചു. പൊ​തു-​സ്വ​കാ​ര്യ മേ​ഖ​ലാ സ്ഥാ​പ​ന​ങ്ങ​ളും പ്രാ​ദേ​ശി​ക സ​മൂ​ഹ​വും പ​ങ്കാ​ളി​യാ​കും. ദ്വീ​പി​ലെ സ​മൃ​ദ്ധ​മാ​യ സ​മു​ദ്ര​ജീ​വി​ക​ളും പ​ര​മ്പ​രാ​ഗ​ത ക​ര​കൗ​ശ​ല​വ​സ്തു​ക്ക​ളു​മു​ൾ​പ്പെ​ടെ മ​സീ​റ​യു​ടെ വൈ​വി​ധ്യ​മാ​ർ​ന്ന വ​ശ​ങ്ങ​ൾ പ്ര​ദ​ർ​ശി​പ്പി​ക്കു​ന്ന​തി​നു​ള്ള ഒ​രു വേ​ദി​യാ​യി ഫോ​റം മാ​റും.

ദ്വീ​പി​ൽ സ​മീ​പ​ഭാ​വി​യി​ൽ ന​ട​പ്പി​ലാ​ക്കാ​ൻ ഉ​ദ്ദേ​ശി​ക്കു​ന്ന നി​ര​വ​ധി പ​ദ്ധ​തി​ക​ൾ ബ​വീ​ൻ വി​ശ​ദീ​ക​രി​ച്ചു. ഒ​മാ​ൻ ഇ​ല​ക്‌​ട്രി​സി​റ്റി ട്രാ​ൻ​സ്മി​ഷ​ൻ ക​മ്പ​നി​യു​ടെ പ്ര​ധാ​ന ശൃം​ഖ​ല​യു​മാ​യി വി​ലാ​യ​ത്തെ ബ​ന്ധി​പ്പി​ക്ക​ൽ, വി​ലാ​യ​ത്തി​ലെ വൈ​ദ്യു​തി​യു​ടെ വ​ർ​ധി​ച്ചു​വ​രു​ന്ന ആ​വ​ശ്യം നി​റ​വേ​റ്റു​ക​യെ​ന്ന ല​ക്ഷ്യ​ത്തോ​ടെ അ​ന്ത​ർ​വാ​ഹി​നി കേ​ബി​ളും ഓ​വ​ർ​ഹെ​ഡ് വൈ​ദ്യു​തി ട്രാ​ൻ​സ്മി​ഷ​ൻ ലൈ​നു​ക​ളും മാ​ഹൂ​ത്തി​ൽ​നി​ന്ന് മ​സീ​റ​യി​ലേ​ക്ക് നീ​ട്ടു​ന്ന​ത് ഇ​തി​ലു​ൾ​പ്പെ​ടു​ന്നു​​ണ്ടെ​ന്നും അ​ദ്ദേ​ഹം പ​റ​ഞ്ഞു.