ഹൃദയാഘാതം; കാസർകോട് സ്വദേശി ഒമാനിൽ നിര്യാതനായി

മസ്‌കത്ത്: കാസർകോട് സ്വദേശി ഹൃദയാഘാതത്തെ തുടർന്ന് ഒമാനിൽ നിര്യാതനായി. ഉപ്പള പച്ചിലമ്പാറ സീനത്ത് മൻസലിൽ അബൂബക്കർ സിദ്ദീഖ് (50) ആണ് മരിച്ചത്. ബദ്ർ അൽസമ ആശുപത്രി സോണൽ മാർക്കറ്റിങ് ഹെഡ് ആയി ജോലി ചെയ്തുവരികയായിരുന്നു.

പിതാവ്: കുഞ്ഞാപ്പുണ്ണി ഇബ്രാഹിം. മാതാവ്: കദീജബീ. ഭാര്യ: അഫ്സത്ത് സാജിറ. ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.