ക്ലബ്ബ് ഫോർ എൽ കോട്ടയം സലാലയിൽ കലാവിരുന്ന് സംഘടിപ്പിച്ചു

സലാല: കോട്ടയം നിവാസികളുടെ കൂട്ടായ്‌മയായ ക്ലബ്ബ് ഫോർ എൽ കോട്ടയം ഈസ്റ്റർ, വിഷു, ഈദ്‌ ആഘോഷമായി കലാവിരുന്ന് ’26 സംഘടിപ്പിച്ചു. ഹംദാൻ പ്ലാസയിൽ പ്രസിഡന്റ്‌ എം.എൻ സജയന്റെ അധ്യക്ഷതയിൽ നടന്ന പരിപാടി ഡോ.കെ. സനാതനൻ ഉദ്‌ഘാടനം ചെയ്തു.

ചെണ്ട മേളവും വിവിധ കലാ പരിപാടികളും കുട്ടികളുടെ ഫാഷൻ ഷോയും നടന്നു. പത്താം ക്ലാസിൽ മികച്ച വിജയം നേടിയ കുട്ടികൾക്ക്‌ മൊമന്റോ നൽകി. ഇ. സുരേഷ്‌ സ്വാഗതവും ഉഷ ബിജു നന്ദിയും പറഞ്ഞു. നിരവധി പേർ പങ്കെടുത്തു.