വരുമോ ഗോ ഫസ്റ്റ് ? ഒരു നിശ്ചയമില്ലൊന്നിനും...

കു​വൈ​ത്ത് സി​റ്റി: കു​വൈ​ത്തി​ൽ​നി​ന്ന് ക​ണ്ണൂ​രി​ലേ​ക്കു​ള്ള ഗോ ​ഫ​സ്റ്റ് എ​യ​ർ​ലൈ​ൻ​സ് സ​ർ​വി​സ് നി​ല​ച്ചി​ട്ട് ര​ണ്ടു​മാ​സം പി​ന്നി​ടു​​ന്നു. ഇ​പ്പോ​ഴും വി​മാ​ന സ​ർ​വി​സ് എ​ന്ന് പു​ന​രാ​രം​ഭി​ക്കു​മെ​ന്ന് വ്യ​ക്ത​മ​ല്ല. കു​വൈ​ത്ത് ക​ണ്ണൂ​ർ സെ​ക്ട​റി​ൽ മ​റ്റു വി​മാ​ന​ക്ക​മ്പ​നി​ക​ളും സ​ർ​വി​സ് ആ​രം​ഭി​ച്ചി​ല്ല. ആ​ഴ്ച​യി​ൽ ഒ​രു ദി​വ​സം മാ​ത്ര​മു​ള്ള എ​യ​ർ​ഇ​ന്ത്യ എ​ക്സ്പ്ര​സ് മാ​ത്ര​മാ​ണ് നി​ല​വി​ലു​ള്ള​ത്.

കു​വൈ​ത്തി​ൽ അ​വ​ധി​ക്കാ​ലം ആ​രം​ഭി​ച്ച് കു​ടും​ബ​ങ്ങ​ൾ നാ​ട്ടി​ലേ​ക്ക് തി​രി​ക്കു​ന്ന പ്ര​ധാ​ന സ​മ​യ​ത്താ​ണ് ​ഗോ ​ഫ​സ്റ്റ് നി​ല​ച്ച​ത്. ഈ ​വി​മാ​ന​ത്തി​ന് നേ​ര​ത്തെ ടി​ക്ക​റ്റെ​ടു​ത്ത നി​ര​വ​ധി പേ​ർ​ക്ക് ഇ​തു തി​രി​ച്ച​ടി​യാ​യി. കോ​ഴി​ക്കോ​ട്, ബം​ഗ​ളൂ​രു എ​ന്നി​വി​ട​ങ്ങ​ളി​ലേ​ക്ക് വ​ൻ​തു​ക​ക്ക് ടി​ക്ക​റ്റ് എ​ടു​ത്താ​ണ് പി​ന്നീ​ട് ഇ​വ​ർ യാ​ത്ര ചെ​യ്ത​ത്. പ​ല​രും മ​ട​ക്ക ടി​ക്ക​റ്റും എ​ടു​ത്ത​തി​നാ​ൽ തി​രി​ച്ചു​വ​രു​ന്ന സ​മ​യ​ത്തെ​ങ്കി​ലും വി​മാ​നം പു​ന​രാ​രം​ഭി​ക്കു​മോ എ​ന്ന പ്ര​തീ​ക്ഷ​യി​ലാ​ണ് ക​ണ്ണൂ​ർ പ്ര​വാ​സി​ക​ൾ.

അ​തി​നി​ടെ, സ്പെ​ഷ​ൽ ഓ​ഡി​റ്റ് റി​പ്പോ​ർ​ട്ട് വി​ശ​ക​ല​നം ന​ട​ത്തി​യ ശേ​ഷം ഗോ ​ഫ​സ്റ്റ് സ​ർ​വി​സ് പു​ന​രാ​രം​ഭി​ക്കാ​ൻ സാ​ധ്യ​ത​യു​ണ്ടെ​ന്ന്​ റി​പ്പോ​ർ​ട്ടു​ണ്ട്. ഡ​യ​റ​ക്ട​റേ​റ്റ് ജ​ന​റ​ൽ ഓ​ഫ് സി​വി​ൽ ഏ​വി​യേ​ഷ​ൻ ഗോ ​ഫ​സ്റ്റി​ന്റെ സ്​​പെ​ഷ​ൽ ഓ​ഡി​റ്റ് റി​പ്പോ​ർ​ട്ട് വി​ശ​ക​ല​നം ന​ട​ത്തു​ക​യാ​ണ്.

മും​ബൈ, ഡ​ൽ​ഹി ടീ​മു​ക​ൾ ത​യാ​റാ​ക്കി​യ ഓ​ഡി​റ്റ് റി​പ്പോ​ർ​ട്ട് ഡ​യ​റ​ക്ട​റേ​റ്റ് ജ​ന​റ​ൽ പ​രി​ശോ​ധി​ച്ചു​ക​ഴി​ഞ്ഞു. മൂ​ന്ന് ദി​വ​സ​ങ്ങ​ളി​ലാ​യാ​ണ് ഓ​ഡി​റ്റ് പ​രി​ശോ​ധ​ന ന​ട​ന്ന​ത്. റി​പ്പോ​ർ​ട്ടു​ക​ൾ വി​ല​യി​രു​ത്തി​യ ശേ​ഷ​മാ​ണ് ഗോ ​ഫ​സ്റ്റി​ന്റെ ഭാ​വി​സം​ബ​ന്ധ​മാ​യ തീ​രു​മാ​നം ഉ​ണ്ടാ​വു​ക.

വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കു​ന്ന​തി​ന്റെ ഭാ​ഗ​മാ​യി സു​ര​ക്ഷാ സം​ബ​ന്ധ​മാ​യ വി​ഷ​യ​ങ്ങ​ളി​ലാ​ണ് ഓ​ഡി​റ്റ് ഊ​ന്ന​ൽ ന​ൽ​കു​ക​യെ​ന്ന് നേ​ര​ത്തെ അ​ധി​കൃ​ത​ർ വ്യ​ക്ത​മാ​ക്കി​യി​രു​ന്നു.

ക​ഴി​ഞ്ഞ മാ​സം 28 സ​ർ​വി​സു​ക​ൾ പു​ന​രാ​രം​ഭി​ക്കു​ന്ന​ത് സം​ബ​ന്ധ​മാ​യ പ​ദ്ധ​തി​ക​ൾ ഗോ ​ഫ​സ്​​റ്റ്​ സ​മ​ർ​പ്പി​ച്ചി​രു​ന്നു. തൊ​ട്ട​ടു​ത്ത ദി​വ​സം മും​ബൈ​യി​ലും ഡ​ൽ​ഹി​യി​ലു​മാ​യി സ്പെ​ഷ​ൽ ഓ​ഡി​റ്റു​ക​ൾ ന​ട​ത്താ​ൻ പ​ദ്ധ​തി​യു​ള്ള​താ​യി ഏ​വി​യേ​ഷ​ൻ അ​ധി​കൃ​ത​ർ വ്യ​ക്ത​മാ​ക്കു​ക​യു​മു​ണ്ടാ​യി.

ഈ ​മാ​സം നാ​ല് മു​ത​ൽ ആ​റ് വ​രെ എ​യ​ർ​ലൈ​ൻ​സി​ന്റെ സു​ര​ക്ഷ സം​ബ​ന്ധ​മാ​യ കാ​ര്യ​ങ്ങ​ൾ കേ​ന്ദ്രീ​ക​രി​ച്ചു​ള്ള ഓ​ഡി​റ്റ് ന​ട​ന്ന​താ​യി റി​പ്പോ​ർ​ട്ടു​ണ്ട്. 22 വി​മാ​ന​ങ്ങ​ളു​മാ​യി ക​ഴി​യും വേ​ഗ​ത്തി​ൽ വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കാ​നാ​ണ് ഗോ ​ഫ​സ്റ്റ് ല​ക്ഷ്യ​മി​ടു​ന്ന​ത് എ​ന്നാ​ണ് സൂ​ച​ന. എ​ന്നാ​ൽ, ഇ​തു​സം​ബ​ന്ധി​ച്ച ഔ​ദ്യോ​ഗി​ക അ​റി​യി​പ്പ് വ​ന്നി​ട്ടി​ല്ല.

കു​വൈ​ത്തി​ൽ നി​ന്ന് ക​ണ്ണൂ​രി​ലേ​ക്കു​ള്ള ഗോ ​ഫ​സ്റ്റ് എ​യ​ർ​ലൈ​ൻ​സ് സ​ർ​വി​സ് നി​ല​ച്ച​ത് ഈ ​സെ​ക്ട​റി​ലെ യാ​ത്ര​ക്കാ​രെ പ്ര​തി​കൂ​ല​മാ​യി ബാ​ധി​ച്ചി​ട്ടു​ണ്ട്. ആ​ഴ്ച​യി​ൽ മൂ​ന്ന് സ​ർ​വി​സ് കു​വൈ​ത്തി​ൽ നി​ന്നു​ണ്ടാ​യി​രു​ന്നു. ഗോ ​ഫ​സ്റ്റ് നി​ർ​ത്തി​യ​തോ​ടെ ക​ണ്ണൂ​ർ, കാ​സ​ർ​കോ​ട്​ ജി​ല്ല​ക്കാ​ർ​ക്കൊ​പ്പം കോ​ഴി​ക്കോ​ട്, അ​തി​ർ​ത്തി സം​സ്ഥാ​ന​ങ്ങ​ളി​ലെ യാ​ത്ര​ക്കാ​ർ എ​ന്നി​വ​രും ദു​രി​ത​ത്തി​ലാ​യി. സ​ർ​വി​സു​ക​ൾ റ​ദ്ദാ​ക്കി​യ​തോ​ടെ ടി​ക്ക​റ്റി​ന് ന​ൽ​കി​യ തു​ക തി​രി​ച്ചു കി​ട്ടാ​ത്ത പ​രാ​തി​ക​ളും നി​ല​നി​ൽ​ക്കു​ന്നു​ണ്ട്.