കുവൈത്ത് അമീർ പെരുന്നാൾ ആശംസ നേർന്നു

കുവൈത്ത്​ സിറ്റി: കുവൈത്തിലെ പൗരന്മാർക്കും പ്രവാസികൾക്കും അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ് ഈദ് ആശംസകൾ നേർന്നു. രാജ്യത്തെ എല്ലാ ജന വിഭാഗങ്ങൾക്കും സ്നേഹവും സമാധാനവും സുരക്ഷയും നിറഞ്ഞ സന്തോഷകരമായ ഈദ് ആഘോഷിക്കാൻ സാധിക്കട്ടെ എന്ന് അമീർ ആശംസ സന്ദേശത്തിൽ പറഞ്ഞു. രാജ്യത്തെയും ജനങ്ങളെയും സംരക്ഷിക്കാനും സുരക്ഷ നൽകാനും അമീർ പ്രാർത്ഥിച്ചു. അറബ്, മുസ്ലീം ലോകങ്ങൾക്കും അമീർ ഈദ് ആശംസകൾ നേർന്നു.