ച​ന്ദ്ര​നും ന​ക്ഷ​ത്ര​ങ്ങ​ളും നി​റ​ഞ്ഞ് തെ​രു​വു​ക​ളും വീ​ടും

കു​വൈ​ത്ത് സി​റ്റി: കു​വൈ​ത്തി​ലെ റ​മ​ദാ​ൻ രാ​ത്രി​ക​ൾ മ​റ്റെ​ല്ലാ രാ​ത്രി​ക​ളേ​ക്കാ​ളും സു​ന്ദ​ര​മാ​ണ്. സ​ജീ​വ​മാ​യ പ​ള്ളി​ക​ൾ, ഷോ​പ്പി​ങ് കോം​പ്ല​ക്സു​ക​ൾ, വ്യാ​പാ​ര സ്ഥാ​പ​ന​ങ്ങ​ൾ, വാ​ഹ​ന​ങ്ങ​ളൊ​ഴി​യാ​ത്ത നി​ര​ത്തു​ക​ൾ എ​ന്നി​വ റ​മ​ദാ​നി​ലെ ​കാ​ഴ്ച​ക​ളാ​ണ്.

നോ​മ്പു​തു​റ​യും പ്രാ​ർ​ഥ​ന​ക​ളും ക​ഴി​ഞ്ഞ് ഷോ​പ്പി​ങ്ങി​നി​റ​ങ്ങു​ന്ന ജ​ന​ങ്ങ​ൾ രാ​ത്രി​ക​ളെ കൂ​ടു​ത​ൽ സ​ജീ​വ​മാ​ക്കു​ന്നു. നോ​മ്പ് പ​കു​തി പി​ന്നി​ട്ട​തോ​ടെ ഷോ​പ്പി​ങ്ങി​ന് എ​ത്തു​ന്ന​വ​രു​ടെ എ​ണ്ണ​വും കൂ​ടി​യി​ട്ടു​ണ്ട്. റ​മ​ദാ​ൻ തു​ട​ക്ക​ത്തി​ൽ ത​ന്നെ തെ​രു​വു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളി​ലും നി​റം പി​ടി​പ്പി​ച്ചി​രു​ന്ന വ​ർ​ണ​ക്കാ​ഴ്ച​ക​ൾ പെ​രു​ന്നാ​ൾ അ​ടു​ത്ത​തോ​ടെ കൂ​ടു​ത​ൽ പ്ര​ത്യ​ക്ഷ​പ്പെ​ട്ടു​തു​ട​ങ്ങി.

ഈ​ന്ത​പ്പ​ന​ക​ൾ​ക്കും ചെ​ടി​ക​ൾ​ക്കു​മി​ട​യി​ൽ ചി​രി​തൂ​കി നി​ൽ​ക്കു​ന്ന വ​ർ​ണ​വെ​ളി​ച്ച​ങ്ങ​ൾ ഇ​പ്പോ​ൾ കാ​ണാ​നാ​കും. ച​ന്ദ്ര​ന്റെ​യും ന​ക്ഷ​ത്ര​ങ്ങ​ളു​ടെ​യും തി​ള​ങ്ങു​ന്ന രൂ​പ​ങ്ങ​ളാ​ൽ തെ​രു​വു​ക​ളും വീ​ടു​ക​ളും പ്ര​കാ​ശി​ക്കു​ന്നു. വീ​ടു​ക​ളി​ൽ സ​ന്ദ​ർ​ശ​ക​രെ സ്വാ​ഗ​തം​ചെ​യ്യു​ന്ന മ​നോ​ഹ​ര​മാ​യ കാ​ഴ്ച​യാ​യി ഇ​ത് മാ​റു​ന്നു. റോ​ഡ​രി​കി​ൽ സ​ർ​ക്കി​ളു​ക​ളി​ലും മ​റ്റും ചെ​ടി​ക​ൾ​ക്കി​ട​യി​ലാ​ണ് ഇ​ത്ത​രം ലൈ​റ്റു​ക​ൾ സ്ഥാ​പി​ച്ചി​ട്ടു​ള്ള​ത്.

എ​ൽ.​ഇ.​ഡി ലൈ​റ്റു​ക​ൾ ഉ​പ​യോ​ഗി​ച്ചാ​ണ് ച​ന്ദ്ര​ൻ, ന​ക്ഷ​ത്ര​ങ്ങ​ൾ എ​ന്നി​വ രൂ​പ​പ്പെ​ടു​ത്തു​ന്ന​ത്. പ്ര​ത്യേ​ക സ്റ്റാ​ൻ​ഡു​ക​ളി​ലും മാ​ല​പോ​ലെ തൂ​ക്കി​യി​ട്ടു​മൊ​ക്കെ ഇ​വ സ​ഥാ​പി​ക്കു​ന്നു. പ​ല നി​റ​ങ്ങ​ളി​ൽ ലൈ​റ്റു​ക​ൾ ല​ഭ്യ​മാ​ണെ​ങ്കി​ലും വെ​ളു​പ്പി​നാ​ണ് ആ​വ​ശ്യ​ക്കാ​ർ കൂ​ടു​ത​ൽ. ഇ​തി​നൊ​പ്പം അ​ല​ങ്കാ​ര​പ്പ​ണി​ക​ളും ചേ​ർ​ത്ത് ചി​ല​ർ കൂ​ടു​ത​ൽ സു​ന്ദ​ര​മാ​ക്കു​ന്നു.