പാ​ട്ടി​ന്റെ ആ​ഘോ​ഷ​ദി​ന​ത്തി​ന് ഒ​രു​ങ്ങി കു​വൈ​ത്ത്

കു​വൈ​ത്ത് സി​റ്റി: ആ​യി​ര​ത്തോ​ളം മ​ത്സ​രാ​ർ​ഥി​ക​ളി​ൽ​നി​ന്ന് മി​ക​വും പ്ര​തി​ഭ​യും കൊ​ണ്ട് അ​ന്തി​മ​പോ​രാ​ട്ട​ത്തി​ലേ​ക്ക് ഇ​ടം പി​ടി​ച്ച 10 പേ​ർ, ശ​ബ്ദ​വും ഭാ​വ​വും കൊ​ണ്ട് മ​ല​യാ​ളി​ക​ളു​ടെ ഇ​ഷ്ട​ഗാ​യ​ക​രാ​യി അ​ട​യാ​ള​പ്പെ​ടു​ത്ത​പ്പെ​ട്ട മൂ​ന്നു​പേ​ർ, ഇ​വ​ർ ഒ​രു​മി​ച്ചെ​ത്തു​ന്ന വേ​ദി. ഗ​ൾ​ഫ്മാ​ധ്യ​മം-​മെ​ട്രോ മെ​ഡി​ക്ക​ൽ ‘സി​ങ് കു​വൈ​ത്ത്’ ഫൈ​ന​ൽ മ​ൽ​സ​ര​ത്തി​ന് ഇ​നി ര​ണ്ടു​നാ​ൾ. വെ​ള്ളി​യാ​ഴ്ച ആ​സ്‍പെ​യ​ർ ഇ​ന്ത്യ​ൻ ഇ​ന്റ​ർ​നാ​ഷ​ന​ൽ സ്കൂ​ളി​ൽ മ്യൂ​സി​ക് ഫി​നാ​ലെ കു​വൈ​ത്തി​നെ പാ​ട്ടി​ന്റെ ആ​ഘോ​ഷ​ദി​ന​മാ​ക്കും.

വെ​ള്ളി​യാ​ഴ്ച വൈ​കീ​ട്ട് മൂ​ന്നി​ന് ഫൈ​ന​ൽ മ​ൽ​സ​ര​ങ്ങ​ൾ ആ​രം​ഭി​ക്കും. സെ​മി ഫൈ​ന​ലി​ലെ മി​ക​ച്ച പ്ര​ക​ട​ന​ത്തി​ന്റെ​യും സ​മൂ​ഹ​മാ​ധ്യ​മ പി​ന്തു​ണ​യോ​ടെ​യും തെ​ര​ഞ്ഞെ​ടു​ക്ക​പ്പെ​ട്ട 10 പേ​രാ​ണ് ഫൈ​ന​ലി​ൽ മാ​റ്റു​ര​ക്കു​ക. സീ​നി​യ​ർ വി​ഭാ​ഗ​ത്തി​ൽ നി​ന്ന് അ​ഞ്ചു​പേ​രും ജൂ​നി​യ​ർ വി​ഭാ​ഗ​ത്തി​ൽ നി​ന്ന് അ​ഞ്ചു​പേ​രും അ​ട​ക്കം 10 പേ​രാ​ണ് ഫൈ​ന​ൽ ​റൗ​ണ്ടി​ൽ മാ​റ്റു​ര​ക്കു​ക.

പ്ര​ശ​സ്ത ഗാ​യ​ക​രാ​യ ക​ണ്ണൂ​ർ ഷ​രീ​ഫ്, ജ്യോ​ത്സ്ന, സി​ജു സി​യാ​ൻ എ​ന്നി​വ​ർ ഫൈ​ന​ലി​ലെ വി​ജ​യി​ക​ളെ നി​ർ​ണ​യി​ക്കും. അ​വ​താ​ര​ക ഡ​യാ​ന ഹ​മീ​ദും സ​ന്തോ​ഷ​ത്തി​ൽ പ​ങ്കു​ചേ​രും. കു​വൈ​ത്തി​ലെ മി​ക​ച്ച ഗാ​യ​ക​ർ എ​ന്ന​തി​നൊ​പ്പം ആ​ക​ർ​ഷ​ക​മാ​യ സ​മ്മാ​ന​ങ്ങ​ളും വി​ജ​യി​ക​ളെ കാ​ത്തി​രി​ക്കു​ന്നു​ണ്ട്. പ്രി​യ ഗാ​യ​ക​ർ​കൊ​പ്പം വേ​ദി​യി​ൽ പാ​ടാ​നും അ​വ​സ​രം ഉ​ണ്ടാ​കും. തു​ട​ർ​ന്ന് ക​ണ്ണൂ​ർ ഷ​രീ​ഫ്, ജ്യോ​ത്സ്ന, സി​ജു സി​യാ​ൻ എ​ന്നി​വ​രു​ടെ മ്യൂ​സി​ക് ഷോ​യും അ​ര​ങ്ങേ​റും. പ്ര​വേ​ശ​നം പാ​സ് മൂ​ലം നി​യ​ന്ത്രി​ച്ചി​ട്ടു​ണ്ട്.