ഇന്ത്യൻ വിദേശകാര്യ മന്ത്രാലയം അഡീഷനൽ സെക്രട്ടറി കുവൈത്തിൽ

കുവൈത്ത് സിറ്റി: ഔദ്യോഗിക സന്ദർശന ഭാഗമായി ഇന്ത്യൻ വിദേശകാര്യ മന്ത്രാലയം അഡീഷണൽ സെക്രട്ടറി അസിം ആർ. മഹാജൻ കുവൈത്തിലെത്തി. കുവൈത്ത് ഡെപ്യൂട്ടി വിദേശകാര്യ മന്ത്രി അംബാസഡർ ഹമദ് അൽ മഷാൻ അദ്ദേഹത്തെ സ്വീകരിച്ചു.

കുവൈത്തും ഇന്ത്യയും തമ്മിലുള്ള ഉഭയകക്ഷി ബന്ധങ്ങളെക്കുറിച്ചും വിവിധ മേഖലകളിൽ അവ ശക്തിപ്പെടുത്തുന്നതിനും വികസിപ്പിക്കുന്നതിനുമുള്ള വഴികളെക്കുറിച്ചും ഇരുവരും കൂടിക്കാഴ്ചയിൽ ചർച്ച ചെയ്തു. ഏറ്റവും പുതിയ പ്രാദേശിക, അന്താരാഷ്ട്ര സംഭവവികാസങ്ങളും വിലയിരുത്തിയതായി വിദേശകാര്യ മന്ത്രാലയം അറിയിച്ചു.