ഇ​ന്ത്യ​ൻ സ്കൂ​ളു​ക​ളി​ലെ പ​ണ​പ്പി​രി​വ്: പ്ര​തി​ഷേ​ധ​മു​യ​ർ​ത്തി ര​ക്ഷി​താ​ക്ക​ൾ

കു​വൈ​ത്ത് സി​റ്റി: രാ​ജ്യ​ത്തെ വി​വി​ധ ഇ​ന്ത്യ​ന്‍ സ്കൂ​ളു​ക​ളി​ൽ കാ​ർ​ണി​വ​ലി​നാ​യി വി​ദ്യാ​ർ​ഥി​ക​ളെ ഉ​പ​യോ​ഗി​ച്ച് ന​ട​ത്തു​ന്ന പ​ണ​പ്പി​രി​വ് വീ​ണ്ടും സ​ജീ​വം. നേ​ര​ത്തേ പ്ര​തി​ഷേ​ധ​ത്തെ തു​ട​ർ​ന്ന് നി​ർ​ത്തി​യ പ​ണ​പ്പി​രി​വ് അ​ടു​ത്തി​ടെ വീ​ണ്ടും സ​ജീ​വ​മാ​യി​രി​ക്കു​ക​യാ​ണ്. സ്കൂ​ളു​ക​ളി​ലെ ആ​ഘോ​ഷ​ങ്ങ​ൾ​ക്കും അ​നു​ബ​ന്ധ പ​രി​പാ​ടി​ക​ൾ​ക്കും ര​ക്ഷി​താ​ക്ക​ളി​ൽ​നി​ന്നും കു​ട്ടി​ക​ളി​ല്‍നി​ന്നും പ​ണം ഈ​ടാ​ക്ക​രു​തെ​ന്ന് വി​ദ്യാ​ഭ്യാ​സ മ​ന്ത്രാ​ല​ത്തി​ന്റെ നി​ർ​ദേ​ശം നി​ല​നി​ല്‍ക്കെ​യാ​ണ് ഈ ​നി​ര്‍ബ​ന്ധി​ത പി​രി​വ്. കു​ട്ടി​ക​ളി​ലും ര​ക്ഷി​താ​ക്ക​ളി​ലും ഇ​തി​നെ​തി​രാ​യ പ്ര​തി​ഷേ​ധം ശ​ക്ത​മാ​ണ്. എ​ന്നാ​ൽ, കു​ട്ടി​ക​ളു​ടെ തു​ട​ർ​പ​ഠ​ന​ത്തെ ബാ​ധി​ക്കു​മോ എ​ന്ന​തി​നാ​ൽ മി​ക്ക​വ​രും ഇ​തി​നെ​തി​രെ രം​ഗ​ത്തു​വ​രു​ന്നി​ല്ല.

ആ​ഘോ​ഷ​ങ്ങ​ൾ​ക്കും അ​നു​ബ​ന്ധ പ​രി​പാ​ടി​ക​ൾ​ക്കും വി​ദ്യാ​ര്‍ഥി​ക​ളെ കൂ​പ്പ​ണു​മാ​യി വീ​ടു​ക​ളി​ലേ​ക്ക് പി​രി​വി​നാ​യി അ​യ​ക്കു​ക​യാ​ണ് സ്കൂ​ളു​ക​ളു​ടെ രീ​തി. ചെ​റി​യ ക്ലാ​സു​ക​ളി​ലെ വി​ദ്യാ​ർ​ഥി​ക​ൾ​ക്ക് ഒ​രു ദീ​നാ​ർ വി​ല​യു​ള്ള അ​ഞ്ചു കൂ​പ്പ​ണു​ക​ളും മു​തി​ർ​ന്ന ക്ലാ​സു​ക​ളി​ലെ വി​ദ്യാ​ർ​ഥി​ക​ൾ​ക്ക് ഒ​രു ദീ​നാ​ര്‍ വി​ല​യു​ള്ള 10 കൂ​പ്പ​ണു​ക​ളു​മാ​ണ് ക്ലാ​സ് ടീ​ച്ച​ര്‍ വ​ഴി സ്കൂ​ള്‍ വി​ത​ര​ണം ചെ​യ്യു​ന്ന​ത്. ഈ ​കൂ​പ്പ​ണു​ക​ൾ മ​റ്റു​ള്ള​വ​ർ​ക്ക് ന​ൽ​കി പ​ണം തി​രി​കെ കൊ​ണ്ടു​വ​ര​ണം എ​ന്നാ​ണ് നി​ബ​ന്ധ​ന.

ഇ​തോ​ടെ ഫ്ലാ​റ്റു​ക​ളി​ലും വീ​ടു​ക​ളി​ലും കു​ട്ടി​ക​ൾ ക​യ​റി​യി​റ​ങ്ങേ​ണ്ട സ്ഥി​തി​യാ​ണ്. ഒ​രേ ഫ്ലാ​റ്റി​ല്‍ത​ന്നെ നി​ര​വ​ധി കു​ട്ടി​ക​ളാ​ണ് പി​രി​വി​നെ​ത്തു​ന്ന​ത്. എ​ങ്ങ​നെ​യെ​ങ്കി​ലും കൂ​പ്പ​ണു​ക​ൾ ചെ​ല​വ​ഴി​ക്കാ​ൻ തെ​രു​വി​ൽ അ​ല​യു​ന്ന കു​ട്ടി​ക​ളും ഉ​ണ്ട്. ത​ണു​പ്പി​ലും മ​ഴ​യ​ത്തും കു​ട്ടി​ക​ള്‍ വീ​ടു​ക​ള്‍ ക​യ​റി​യി​റ​ങ്ങു​ന്ന​ത് ഒ​ഴി​വാ​ക്കാ​ൻ മു​ഴു​വ​ൻ കൂ​പ്പ​ണു​ക​ളും സ്വ​യം വാ​ങ്ങി​യാ​ണ് പ​ല ര​ക്ഷി​താ​ക്ക​ളും പ്ര​ശ്നം പ​രി​ഹ​രി​ക്കു​ന്ന​ത്. സ്കൂ​ൾ ഫീ​സി​നും മ​റ്റു ചെ​ല​വി​നും പു​റ​മെ ഇ​ത്ത​രം കൂ​പ്പ​ണു​ക​ൾ​ക്കും പ​ണം മു​ട​ക്കേ​ണ്ട അ​വ​സ്ഥ​യി​ലാ​ണെ​ന്ന് ചി​ല ര​ക്ഷി​താ​ക്ക​ൾ ചൂ​ണ്ടി​ക്കാ​ട്ടി.

അ​തേ​സ​മ​യം, ഇ​ത്ത​രം പി​രി​വി​നെ​തി​രെ വി​ദ്യാ​ഭ്യാ​സ മ​ന്ത്രാ​ല​യ​ത്തി​നു ന​ൽ​കി​യ പ​രാ​തി​യി​ൽ ഉ​ദ്യോ​ഗ​സ്ഥ​ർ വി​ശ​ദാം​ശ​ങ്ങ​ൾ ആ​രാ​ഞ്ഞ​താ​യി ഒ​രു ര​ക്ഷി​താ​വ് അ​റി​യി​ച്ചു. വി​ദ്യാ​ർ​ഥി​ക​ളു​ടെ​യും ര​ക്ഷി​താ​ക്ക​ളു​ടെ​യും പ്ര​ശ്ന​ങ്ങ​ൾ​ക്കും പ​രാ​തി​ക​ൾ​ക്കും പ​രി​ഹാ​രം കാ​ണാ​ൻ വി​ദ്യാ​ഭ്യാ​സ​വ​കു​പ്പി​ൽ പ്ര​ത്യേ​ക വി​ഭാ​ഗം പ്ര​വ​ർ​ത്തി​ക്കു​ന്നു​ണ്ടെ​ന്ന് ഉ​ദ്യോ​ഗ​സ്ഥ​ർ അ​റി​യി​ച്ച​താ​യും ര​ക്ഷി​താ​വ് വ്യ​ക്ത​മാ​ക്കി. സ്കൂ​ളു​ക​ളി​ലെ ഇ​ത്ത​രം വി​ഷ​യ​ങ്ങ​ളി​ൽ മു​ബാ​റ​ക് അ​ൽ ക​ബീ​റി​ൽ പ്ര​വ​ർ​ത്തി​ക്കു​ന്ന സ്വ​കാ​ര്യ വി​ദ്യാ​ഭ്യാ​സ മ​ന്ത്രാ​ല​യ​ത്തി​ല്‍ പ​രാ​തി ന​ൽ​കാം.