അ​റേ​ബ്യ​ൻ ഗ​ൾ​ഫ് ക​പ്പ്; ഇ​നി സെ​മി​ഫൈ​ന​ൽ പോ​രാ​ട്ടം

കു​വൈ​ത്ത് സി​റ്റി: മേ​ഖല​യി​ലെ ഫു​ട്ബാ​ൾ രാ​ജാ​ക്ക​ന്മാ​രെ നി​​ശ്ച​യി​ക്കു​ന്ന അ​റേ​ബ്യ​ൻ ഗ​ൾ​ഫ് ക​പ്പ് ചാ​മ്പ്യ​ൻ​ഷി​പ്പി​ൽ ഇ​നി ഇ​നി സെ​മി​ഫൈ​ന​ൽ പോ​രാ​ട്ടം. വെ​ള്ളി, ശ​നി ദി​വ​സ​ങ്ങ​ളി​ലാ​യി ഗ്രൂ​പ്ത​ല മ​ത്സ​ര​ങ്ങ​ൾ പൂ​ർ​ത്തി​യാ​യ​പ്പോ​ൾ ആ​തി​ഥേ​യ​രാ​യ കു​വൈ​ത്തും ഒ​മാ​നും ഗ്രൂ​പ് എ​യി​ൽ നി​ന്ന് അ​പ​രാ​ജി​ത കു​​തി​പ്പു​മാ​യി സെ​മി​ബ​ർ​ത്ത് ഉ​റ​പ്പാ​ക്കി. ഗ്രൂ​പ് ബി​യി​ൽ നി​ന്ന് ബ​ഹ്റൈ​നും,സൗദിയും സെ​മി​യി​ലെ​ത്തി.

ചൊ​വ്വാ​ഴ്ച ന​ട​ക്കു​ന്ന സെ​മി ഫൈ​ന​ൽ മ​ത്സ​ര​ത്തി​ൽ ബ​ഹ്റൈ​നാ​ണ് കു​വൈ​ത്തി​ന്റെ എ​തി​രാ​ളി. ഒ​മാ​ൻ സൗദിയെ നേ​രി​ടും. വെ​ള്ളി​യാ​ഴ്ച ന​ട​ന്ന ഗ്രൂ​പ് എ ​പോ​രാ​ട്ട​ത്തി​ൽ കു​വൈ​ത്ത് ഖ​ത്ത​റു​മാ​യും ഒ​മാ​ൻ യു.​എ.​ഇ​യു​മാ​യും സ​മ​നി​ല​യി​ൽ പി​രി​ഞ്ഞു. ഇ​തോ​ടെ അ​ഞ്ചു​പോ​യ​ന്റു​ക​ളു​മാ​യി കു​വൈ​ത്തും ഒ​മാ​നും സെ​മി ഉ​റ​പ്പാ​ക്കി. ര​ണ്ടു സ​മ​നി​ല​യും ഒ​രോ വി​ജ​യ​ങ്ങ​ളു​മാ​ണ് ഇ​രു ടീ​മു​ക​ളു​ടെ​യും സ​മ്പാ​ദ്യം. ര​ണ്ടു പോ​യ​ന്റു​ക​ൾ വീ​ത​മു​ള്ള ഖ​ത്ത​റും, യു.​എ.​ഇ​യും പു​റ​ത്താ​യി.

57,742 കാ​ണി​ക​ൾ തി​ങ്ങി​നി​റ​ഞ്ഞ ജാ​ബി​ർ സ്റ്റേ​ഡി​യ​ത്തി​ൽ ഖ​ത്ത​ർ ടീ​മി​നെ 1-1ന് ​സ​മ​നി​ല​യി​ൽ ത​ള​ച്ചാ​ണ് കു​വൈ​ത്ത് ഗ​ൾ​ഫ് ക​പ്പ് ടൂ​ർ​ണ​മെ​ന്റി​ന്റെ സെ​മി ഫൈ​ന​ലി​ലേ​ക്ക് യോ​ഗ്യ​ത നേ​ടി​യ​ത്. ഗോ​​ൾ​​ര​​ഹി​​ത​​മാ​​യ ആ​ദ്യ പ​​കു​​തി​​ക്കു​​ശേ​​ഷ​​മാ​​യി​​രു​​ന്നു ഇ​​രു ടീ​​മു​​ക​​ളും സ്കോ​​ർ ചെ​​യ്ത​​ത്. നി​​റ​​ഞ്ഞ ഗാ​​ല​​റി​​യു​​ടെ പി​​ന്തു​​ണ​​യോ​​ടെ പോ​​രാ​​ടി​​യ കു​​വൈ​​ത്ത് ഖ​ത്ത​ർ ഗോ​ർ​മു​ഖ​ത്ത് നി​ര​ന്ത​ര ആ​​ക്ര​​മ​​ണം ന​ട​ത്തി. 74ാം മ​​നി​​റ്റി​​ൽ മു​​ഹ​​മ്മ​​ദ് ദ​​ഹ​​മി​​ന്റെ ഗോ​​ളി​​ലൂ​​ടെ കു​​വൈ​​ത്ത് ലീ​​ഡ് നേ​​ടി. ഇ​​ഞ്ചു​​റി ടൈ​​മി​​ലെ അ​​വ​​സാ​​ന മി​​നി​​റ്റി​​ൽ മു​​ഹ​​മ്മ​​ദ് മു​​ൻ​​താ​​രി​ ഖ​ത്ത​റി​നാ​യി സ​​മ​​നി​​ല ഗോ​​ൾ നേ​​ടി. എ​ന്നാ​ൽ സെ​​മി​​യി​​ലേ​​ക്കു​​ള്ള കു​വൈ​ത്തി​ന്റെ യാ​​ത്ര​​ക്ക് ഇ​ത് ത​ട​സ്സ​മാ​യി​ല്ല.