പ​രു​ത്തി​യു​ടെ ധ​വ​ളി​മ​യി​ൽ പൗ​രാ​ണി​ക ഗ്രാ​മം

പ​രു​ത്തി​ച്ചെ​ടി​യു​ടെ ക​റു​ത്ത വി​ത്തി​ൽ നി​ന്ന് നി​ന​ക്കൊ​രു വെ​ളു​ത്ത വ​സ്ത്രം, പാ​റ​യു​ടെ ക​രു​ത്തി​ൽ നി​ന്ന് നി​ന​ക്കൊ​രാ​ലിം​ഗ​നം എ​ന്നെ​ഴു​തി​യ​ത് മ​ൺ​മ​റ​ഞ്ഞു​പോ​യ പ്രി​യ ക​വി എ. ​അ​യ്യ​പ്പ​നാ​ണ്.

ഷാ​ർ​ജ​യു​ടെ ബ​ദു​വി​യ​ൻ കാ​ല​ഘ​ട്ട​ത്തെ ഓ​ർ​മ​പ്പെ​ടു​ത്തു​ന്ന പു​രാ​ത​ന ജ​ന​വാ​സ മേ​ഖ​ല​യാ​യ വാ​ദി അ​ൽ ഹെ​ലോ​യി​ലെ ഉ​പേ​ക്ഷി​ക്ക​പ്പെ​ട്ട ഗ്രാ​മ​ത്തോ​ട് ചേ​ർ​ന്ന മ​ല​യ​ടി​വാ​ര​ത്തി​ൽ വി​ശേ​ഷ​പ്പെ​ട്ട സ​സ്യ​ജാ​ല​ങ്ങ​ൾ​ക്കൊ​പ്പം പൂ​ത്തു​ല​ഞ്ഞു​നി​ൽ​ക്കു​ന്ന പ​രു​ത്തി​ച്ചെ​ടി​ക​ൾ അ​നു​ഭൂ​തി പ​ക​രു​ന്ന കാ​ഴ്ച്ച​യാ​ണ്.

കാ​റ്റി​നോ​ടൊ​പ്പം ക​റ​ങ്ങി ന​ട​ന്ന് വ​ള്ളി​ച്ചെ​ടി​ക​ളി​ലെ​ല്ലാം കു​ഞ്ഞു​കൂ​ടു​ക​ളാ​യി മാ​റി​യ പ​രു​ത്തി​യു​ടെ വെ​ളു​ത്ത ചി​രി കാ​ണാം. കൂ​ട് വീ​ടാ​ക്കി​യ അ​ങ്ങാ​ടി കു​രു​വി​ക​ൾ ഇ​വി​ടെ പ​രു​ത്തി ചെ​ടി​ക​ളെ സ്നേ​ഹ​ത്തോ​ടെ വ​ലം വെ​ച്ച് പ​റ​ക്കു​ന്നു. കൂ​ടു​ക​ൾ അ​ല​ങ്ക​രി​ക്കാ​ൻ കി​ളി​ക​ൾ പ​രു​ത്തി​നാ​രു​ക​ൾ കൊ​ത്തി കൊ​ണ്ടു​പോ​കു​ന്ന​ത് മ​നോ​ഹ​ര കാ​ഴ്ച്ച​യാ​ണ്.

പോ​കു​ന്നി​ട​ത്തെ​ല്ലാം വി​ത്തു​ക​ൾ നി​ക്ഷേ​പി​ച്ച് പു​തി​യ പ​രു​ത്തി ത​ല​മു​റ​ക്ക് കി​ളി​ക​ൾ കാ​വ​ൽ നി​ൽ​ക്കു​ന്നു. പ​രു​ത്തി​ച്ചെ​ടി​യു​ടെ കൊ​മ്പ​ത്ത് വ​ർ​ണ​പ​കി​ട്ട് ചാ​ർ​ത്തി​യാ​ണ് കി​ളി​ക​ൾ മൂ​വ​ന്തി​ക്ക് പാ​ട്ടു​തു​ട​ങ്ങു​ന്ന​ത്.

ഉ​ഷ്ണ​മേ​ഖ​ല​യി​ൽ വ​ള​ർ​ത്തു​വാ​ൻ പ​റ്റി​യ​തും വെ​ളു​ത്ത സ്വ​ർ​ണ​മെ​ന്ന അ​പ​ര​നാ​മം വ​ഹി​ക്കു​ക​യും ചെ​യ്യു​ന്ന പ​രു​ത്തി, യു.​എ.​ഇ​യി​ൽ വാ​ണി​ജ്യാ​ടി​സ്ഥാ​ന​ത്തി​ൽ കൃ​ഷി ചെ​യ്യാ​റി​ല്ലെ​ങ്കി​ലും മ​ല​യോ​ര മേ​ഖ​ല​ക​ളി​ലെ തോ​ട്ട​ങ്ങ​ളു​ടെ അ​ഴ​കാ​യി ഇ​വ​ധാ​രാ​ള​മാ​യി കാ​ണാം.

ഉ​ഷ്ണ​മേ​ഖ​ല കാ​ല​വ​സ്ഥ​യി​ല്‍ വ​ള​രു​മെ​ങ്കി​ലും പ​രു​ത്തി കൃ​ഷി​ക്ക് വെ​ള്ളം ധാ​രാ​ളം ആ​വ​ശ്യ​മാ​ണ്. സോ​വി​യ​റ്റ് യൂ​ണി​യ​െ​ൻ​റ സു​വ​ർ​ണ കാ​ല​ഘ​ട്ട​ത്തി​ല്‍, പ​രു​ത്തി കൃ​ഷി​ക്കാ​യി ക​സാ​കി​സ്താ​നി​ൽ ര​ണ്ട്​ ന​ദി​ക​ളെ വ​ഴി തി​രി​ച്ച് വി​ട്ട​ത് കാ​ര​ണം വ​റ്റി വ​ര​ണ്ട് മ​രു​ഭൂ​മി​യാ​യി മാ​റി​യ ആ​രാ​ല്‍ ക​ട​ലി​ൻ​റ ക​ഥ മു​ന്നി​ലു​ള്ള​ത് കാ​ര​ണ​മാ​യി​രി​ക്കാം മ​രു​ഭൂ​മി പ​രു​ത്തി കൃ​ഷി​യെ കൂ​ടു​ത​ല്‍ വാ​ണി​ജ്യ​വ​ത്ക്ക​രി​ക്കാ​ത്ത​ത്.

ഭൂ​ഗ​ർ​ഭ ജ​ല​ത്തെ ക​ഴി​യു​ന്ന വി​ധ​ത്തി​ൽ സം​ര​ക്ഷി​ച്ച് ആ​ഗോ​ള​താ​പ​ന​ത്തെ ചെ​റു​ക്കു​ക​യും കൃ​ത്രി​മ മ​ഴ​ക്ക് വ​ഴി ഒ​രു​ക്കി​യും പ്ര​കൃ​തി​യോ​ട് ചേ​ർ​ന്നു​നി​ൽ​ക്കു​ന്ന നാ​ടാ​ണ് യു.​എ.​ഇ. പ​രു​ത്തി കൃ​ഷി​ക്ക് പാ​ക​പ്പെ​ട്ട മ​ണ്ണ് വ​ട​ക്ക​ൻ മേ​ഖ​ല​ക​ളി​ൽ ധാ​രാ​ള​മു​ണ്ടെ​ങ്കി​ലും വെ​ള്ള​ത്തോ​ടു​ള്ള ഇ​ഷ്ടം കൊ​ണ്ടാ​ണ് രാ​ജ്യം ആ ​വ​ഴി​ക്ക് പോ​കാ​ത്ത​ത്. ന​ല്ല സൂ​ര്യ​പ്ര​കാ​ശം ല​ഭി​ക്കു​ന്ന സ​മ​യ​ത്താ​ണ് പ​രു​ത്തി കാ​യ​ക​ള്‍ പൊ​ട്ടി​വി​ട​രു​ക.

ഇ​ന്ത്യ​യി​ല്‍ പ​രു​ത്തി വ​സ്ത്ര​ങ്ങ​ള്‍ വ്യാ​പ​ക​മാ​യി ഉ​പ​യോ​ഗി​ക്കു​ന്നു​ണ്ട്. പ​രു​ത്തി​യു​ടെ വി​ശു​ദ്ധി​യെ കു​റി​ച്ച് ലോ​ക​ത്തെ പ​ഠി​പ്പി​ച്ച ഗാ​ന്ധി​യു​ടെ മ​ന്ത്ര​ങ്ങ​ൾ ചെ​ടി​യു​ടെ ചൊ​ടി​ക​ളി​ൽ ത​ത്തി​ക​ളി​ക്കു​ന്ന​ത് ചെ​വി ചേ​ർ​ത്തു​വെ​ച്ചാ​ൽ ഷാ​ർ​ജ​യി​ലും കേ​ൾ​ക്കാം.