സ്ഥാ​ന​മൊ​ഴി​യു​ന്ന ഫ​ല​സ്തീ​ൻ അം​ബാ​സ​ഡ​റെ സ്വീ​ക​രി​ച്ചു

മ​നാ​മ: സ്ഥാ​ന​മൊ​ഴി​യു​ന്ന ബ​ഹ്റൈ​നി​ലെ ഫ​ല​സ്തീ​ൻ അം​ബാ​സ​ഡ​ർ താ​ഹ മു​ഹ​മ്മ​ദ് അ​ബ്ദു​ൽ ഖാ​ദ​റു​മാ​യി കൂ​ടി​ക്കാ​ഴ്ച ന​ട​ത്തി വാ​ണി​ജ്യ, വ്യ​വ​സാ​യ മ​ന്ത്രി അ​ബ്​​ദു​ല്ല ആ​ദി​ൽ ഫ​ഖ്​​റു. ഇ​രു രാ​ജ്യ​വും ത​മ്മി​ലു​ള്ള ബ​ന്ധം മെ​ച്ച​പ്പെ​ടു​ത്തു​ന്ന​തി​നാ​യി അം​ബാ​സ​ഡ​ർ ന​ട​ത്തി​യ ശ്ര​മ​ങ്ങ​ളെ മ​ന്ത്രി പ്ര​ശം​സി​ച്ചു. ബ​ഹ്റൈ​ൻ- ഫ​ല​സ്തീ​ൻ ബ​ന്ധ​ങ്ങ​ളു​ടെ വ​ള​ർ​ച്ച​യെ അം​ബാ​സ​ഡ​റും പ്ര​ശം​സി​ച്ചു.

മ​റ്റൊ​രു അ​വ​സ​ര​ത്തി​ൽ ശൂ​റ കൗ​ൺ​സി​ൽ ചെ​യ​ർ​മാ​ൻ അ​ലി ബി​ൻ സാ​ലി​ഹ് അ​ൽ സാ​ലി​ഹും അ​ദ്ദേ​ഹ​വു​മാ​യി കൂ​ടി​ക്കാ​ഴ്ച ന​ട​ത്തി. ഫ​ല​സ്തീ​ൻ ല​ക്ഷ്യ​ങ്ങ​ളെ പി​ന്തു​ണ​ക്കു​ന്ന​താ​യും കി​ഴ​ക്ക​ൻ ജ​റൂ​സ​ലം ത​ല​സ്ഥാ​ന​മാ​യി സ്വ​ത​ന്ത്ര ഫ​ല​സ്തീ​ൻ രാ​ഷ്ട്രം സ്ഥാ​പി​ക്കു​ന്ന​തി​നു​ള്ള ജ​ന​ത​യു​ടെ അ​വ​കാ​ശ​ത്തെ ഉ​യ​ർ​ത്തി​പ്പി​ടി​ക്കു​ന്ന​തി​നു​ള്ള ബ​ഹ്റൈ​ന്‍റെ പ്ര​തി​ബ​ദ്ധ​ത അ​ൽ സാ​ലി​ഹ് അ​റി​യി​ച്ചു.

രാ​ജാ​വ് ഹ​മ​ദ് ഈ​സ ബി​ൻ ആ​ൽ ഖ​ലീ​ഫ​യു​ടെ നേ​തൃ​ത്വ​ത്തി​ലും കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ പി​ന്തു​ണ​യോ​ടെ​യും അ​റ​ബ് സ​മാ​ധാ​ന ച​ർ​ച്ച​ക​ളെ​യും അ​ന്താ​രാ​ഷ്ട്ര പ്ര​മേ​യ​ങ്ങ​ളെ​യും മു​ൻ​നി​ർ​ത്തി ദ്വി​രാ​ഷ്ട്ര പ​രി​ഹാ​ര​ത്തി​നാ​യു​ള്ള സ​ഹ​ക​ര​ണ​വും പി​ന്തു​ണ​യും അ​റി​യി​ക്കു​ന്ന​താ​യും അ​ലി ബി​ൻ സാ​ലി​ഹ് പ​റ​ഞ്ഞു.