മുഹറഖ് ഗവർണറേറ്റ്; വിവിധ തീരങ്ങളിൽ കോസ്റ്റ് ഗാർഡിന്‍റെ സംയുക്ത പരിശോധന

മ​നാ​മ: മു​ഹ​റ​ഖ് ഗ​വ​ർ​ണ​റേ​റ്റി​ലെ വി​വി​ധ തീ​ര​ങ്ങ​ളി​ൽ സം​യു​ക്ത പ​രി​ശോ​ധ​ന കാ​മ്പ​യി​നു​ക​ളു​മാ​യി കോ​സ്റ്റ്ഗാ​ർ​ഡ്. സ​മു​ദ്ര​സു​ര​ക്ഷ ഉ​റ​പ്പാ​ക്കു​ന്ന​തി​നും നി​യ​മ​ലം​ഘ​ന​ങ്ങ​ൾ ത​ട​യു​ന്ന​തി​നും ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ന്ന​തി​നു​മു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​യി​രു​ന്നു പ​രി​ശോ​ധ​ന.വ്യ​വ​സാ​യ വാ​ണി​ജ്യ മ​ന്ത്രാ​ല​യം, ലേ​ബ​ർ മാ​ർ​ക്ക​റ്റ് റെ​ഗു​ലേ​റ്റ​റി അ​തോ​റി​റ്റി (എ​ൽ.​എം.​ആ​ർ.​എ), ഗ​വ​ർ​ണ​റേ​റ്റി​ലെ പൊ​ലീ​സ് ഡ​യ​റ​ക്ട​റേ​റ്റ്, നാ​ഷ​നാ​ലി​റ്റി, പാ​സ്പോ​ർ​ട്ട്, റെ​സി​ഡ​ൻ​സ് അ​ഫ​യേ​ഴ്സ് എ​ന്നി​വ​യു​മാ​യി സ​ഹ​ക​രി​ച്ചാ​യി​രു​ന്നു കാ​മ്പ​യി​ൻ.

തീ​ര​പ്ര​ദേ​ശ​ങ്ങ​ളി​ലെ സു​ര​ക്ഷാ​ന​ട​പ​ടി​ക്ര​മ​ങ്ങ​ൾ ഉ​റ​പ്പാ​ക്കു​ക, പ്ര​വാ​സി തൊ​ഴി​ലാ​ളി​ക​ൾ താ​മ​സ, തൊ​ഴി​ൽ നി​യ​മ​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കു​ക, സ​മു​ദ്ര ടൂ​റി​സം ക​മ്പ​നി​ക​ൾ പ്ര​വ​ർ​ത്ത​ന​ങ്ങ​ളെ നി​യ​ന്ത്രി​ക്കു​ന്ന ച​ട്ട​ങ്ങ​ൾ പാ​ലി​ക്കു​ന്നു​ണ്ടോ​യെ​ന്ന് പ​രി​ശോ​ധി​ക്കു​ക എ​ന്നി​വ​യാ​യി​രു​ന്നു കാ​മ്പ​യി​ന്‍റെ പ്ര​ധാ​ന ല​ക്ഷ്യ​ങ്ങ​ളെ​ന്ന് കോ​സ്റ്റ്ഗാ​ർ​ഡ് അ​റി​യി​ച്ചു. പ​രി​ശോ​ധ​ന​യി​ൽ നി​ര​വ​ധി നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി നി​യ​മ​പ​ര​മാ​യ ന​ട​പ​ടി​ക​ൾ സ്വീ​ക​രി​ച്ചു. സ​മു​ദ്ര​പ്ര​വ​ർ​ത്ത​ന​ങ്ങ​ളു​മാ​യി ബ​ന്ധ​പ്പെ​ട്ട നി​യ​മ​ങ്ങ​ളും ച​ട്ട​ങ്ങ​ളും പാ​ലി​ക്കേ​ണ്ട​തി​ന്‍റെ പ്രാ​ധാ​ന്യം കോ​സ്റ്റ് ഗാ​ർ​ഡ് ഊ​ന്നി​പ്പ​റ​ഞ്ഞു. നി​യ​മ​ലം​ഘ​ക​രെ പി​ടി​കൂ​ടു​ന്ന​തി​നും പൊ​തു​സു​ര​ക്ഷ പ്രോ​ത്സാ​ഹി​പ്പി​ക്കു​ന്ന​തി​നും ഇ​ത്ത​രം കാ​മ്പ​യി​നു​ക​ൾ പ​തി​വാ​ക്കു​മെ​ന്നും അ​വ​ർ അ​റി​യി​ച്ചു.