ബി.എം.കെ സൗജന്യ മെഡിക്കൽ ക്യാമ്പ് സംഘടിപ്പിച്ചു

മനാമ: ബഹ്‌റൈൻ മലയാളി കുടുംബത്തിന്റെ നേതൃത്വത്തിൽ മനാമ അൽ ഹിലാൽ ഹോസ്പിറ്റലുമായി സഹകരിച്ച് സൗജന്യ മെഡിക്കൽ ക്യാമ്പ് സംഘടിപ്പിച്ചു. 235-ൽ പരം പ്രവാസികൾ ക്യാമ്പിന്റെ ആനുകൂല്യം പ്രയോജനപ്പെടുത്തി. ഫ്രാൻസിസ് കൈതാരത്ത് മുഖ്യാതിഥിയായി ചടങ്ങിൽ പങ്കെടുത്തു. പ്രസിഡന്റ്‌ ധന്യ മേനോൻ അധ്യക്ഷത വഹിച്ച ചടങ്ങിൽ ജനറൽ സെക്രട്ടറി എം.എസ്.പി. നായർ ആനയടി സ്വാഗതം ആശംസിച്ചു. ക്യാമ്പിന് സഹകരണം നൽകിയ അൽ ഹിലാൽ ഹോസ്പിറ്റൽ മാനേജർ കിഷോറിന് രക്ഷാധികാരി ബിനോയ്‌ മൂത്താറ്റ് ഉപഹാരം നൽകി നന്ദിയും ആശംസകളും അറിയിച്ചു. സുബിൻ ദാസ് പദ്ധതി വിശകലനം നടത്തി സംസാരിച്ചു. ട്രഷറർ പ്രദീപ്‌ നന്ദി രേഖപ്പെടുത്തി.