നാ​ടു​ക​ട​ന്ന് വ​യ​നാ​ട​ൻ ക​പ്പ

മാ​ന​ന്ത​വാ​ടി: മ​ഴ​ക്കാ​ല ആ​രം​ഭ​ത്തോ​ടെ വി​പ​ണി​യി​ൽ വി​ല കു​റ​യു​ന്ന ഒ​രു കാ​ർ​ഷി ഉ​ൽ​പ​ന്ന​മാ​ണ് ക​പ്പ. ര​ണ്ടു​മാ​സം മു​മ്പ് വ​രെ ന്യാ​യ​മാ​യ വി​ല ക​പ്പ​ക്ക് ല​ഭി​ച്ചി​രു​ന്നെ​ങ്കി​ലും മ​ഴ​യു​ടെ സാ​ന്നി​ധ്യ​ത്തോ​ടെ വ​യ​ലു​ക​ളി​ലും മ​റ്റ് വെ​ള്ളം ക​യ​റാ​ൻ സാ​ധ്യ​ത​യു​ള്ള​യി​ട​ങ്ങ​ളി​ൽ​നി​ന്ന് ക​പ്പ വ​ൻ തോ​തി​ൽ വി​പ​ണി​യി​ലേ​ക്ക് വ​ന്നു തു​ട​ങ്ങി​യ​തോ​ടെ ക​പ്പ​യു​ടെ വി​ല​യി​ടി​വും തു​ട​ങ്ങി​യി​രു​ന്നു.

എ​ന്നാ​ൽ, ഉ​യ​ർ​ന്ന അ​ള​വി​ൽ ക​പ്പ​ക്ക് വി​പ​ണി​യി​ൽ ആ​വ​ശ്യ​ക്കാ​രു​ണ്ടെ​ങ്കി​ൽ വി​ല​യി​ടി​വ് ഒ​രു പ​രി​ധി വ​രെ ത​ട​ഞ്ഞു നി​ർ​ത്താ​ൻ ക​ഴി​യും. ഇ​തി​ന്റെ ഭാ​ഗ​മാ​യി കു​ഴി നി​ല​ത്ത് പ്ര​വ​ർ​ത്തി​ക്കു​ന്ന മ​ധു​വ​നം ഫാ​ർ​മേ​ഴ്സ് പ്രൊ​ഡ്യൂ​സ​ർ ക​മ്പ​നി വ​യ​നാ​ട്ടി​ൽ​നി​ന്ന് വ​ൻ​തോ​തി​ൽ ക​പ്പ സം​ഭ​രി​ച്ച് വി​ദേ​ശ വി​പ​ണി​യി​ലേ​ക്കെ​ത്തി​ക്കു​ന്ന​ത്. അ​ഞ്ച​ര​ക്ക​ണ്ടി​യി​ൽ പ്ര​വ​ർ​ത്തി​ക്കു​ന്ന പ്ര​മു​ഖ സ​ഹ​ക​ര​ണ സ്ഥാ​പ​ന​വു​മാ​യി സ​ഹ​ക​രി​ച്ചു കൊ​ണ്ടാ​ണ് ആ​ദ്യ ഘ​ട്ട​ത്തി​ൽ 13 ട​ൺ പ​ച്ച​ക്ക​പ്പ വി​ദേ​ശ നാ​ടു​ക​ളി​ലേ​ക്ക് ക​യ​റ്റി അ​യ​ക്കു​ന്ന​ത്.

കൃ​ഷി​യി​ട​ങ്ങ​ളി​ൽ നി​ന്നും ശേ​ഖ​രി​ക്കു​ന്ന പ​ച്ച​ക്ക​പ്പ 12 മ​ണി​ക്കൂ​റി​നു​ള്ളി​ൽ പ്രോ​സ​സി​ങ് പ്ലാ​ന്റി​ലെ​ത്തി​ച്ച് ക​ഴു​കി വൃ​ത്തി​യാ​ക്കി പു​റം​തൊ​ലി നീ​ക്കി ചെ​റി​യ ക​ഷ​ണ​ങ്ങ​ളാ​ക്കി റെ​ഡി ടു ​കു​ക്ക്, രൂ​പ​ത്തി​ൽ ചെ​റി​യ ക​ൺ​സ്യൂ​മ​ർ പാ​ക്ക​റ്റു​ക​ളി​ലാ​ക്കി മൈ​ന​സ് 40 ഡി​ഗ്രി താ​പ​നി​ല​യി​ൽ സൂ​ക്ഷി​ച്ചു വെ​ക്കു​ന്നു. വി​പ​ണി​യി​ൽ​നി​ന്ന് ഓ​ർ​ഡ​ർ ല​ഭി​ക്കു​മ്പോ​ൾ പ്ര​ത്യേ​ക ശീ​തീ​ക​ര​ണ സം​വി​ധാ​ന​ങ്ങ​ളു​ള്ള വാ​ഹ​ന​ത്തി​ൽ മൈ​ന​സ് 20 ഡി​ഗ്രി താ​പ​നി​ല​യി​ൽ എ​യ​ർ​പോ​ർ​ട്ടി​ൽ എ​ത്തി​ക്കു​ന്നു.

കേ​ന്ദ്ര സ​ർ​ക്കാ​റി​ന്റെ​യും ന​ബാ​ർ​ഡി​ന്റെ​യും സ​ഹാ​യ സ​ഹ​ക​ര​ണ​ത്തോ​ടെ പ്ര​വ​ർ​ത്തി​ക്കു​ന്ന മ​ധു വ​നം ഫാ​ർ​മേ​ഴ്സ് പ്രൊ​ഡ്യൂ​സ​ർ ക​മ്പ​നി നി​ല​വി​ൽ കാ​പ്പി, കു​രു​മു​ള​ക് എ​ന്നി​വ ശേ​ഖ​രി​ക്കു​ക​യും അ​ഗ് മാ​ർ​ക്ക് ഗു​ണ​നി​ല​വാ​ര​മു​ള്ള വി​വി​ധ​യി​നം തേ​ൻ, ഉ​ണ​ക്ക​ക്ക​പ്പ, കൂ​വ​പ്പൊ​ടി, വ​യ​നാ​ട​ൻ കു​ത്ത​രി എ​ന്നി​വ​യു​ടെ വി​പ​ണ​ന രം​ഗ​ത്ത് സ​ജീ​വ​മാ​യി പ്ര​വ​ർ​ത്തി​ച്ചു വ​രു​ന്നു. ത​ക്കാ​ളി, കാ​പ്സി​ക്കം എ​ന്നി​വ സം​ഭ​രി​ച്ച് വി​ദേ​ശ വി​പ​ണി​യി​ൽ എ​ത്തി​ക്കു​ന്ന​തി​നു​ള്ള ശ്ര​മ​ങ്ങ​ൾ ഊ​ർ​ജി​ത​മാ​യി ന​ട​ത്തി വ​രു​ന്നു.