നവീകരിച്ച പാരഗൺ റസ്​റ്റോറൻറ്​ ഇന്ന്​ പ്രവർത്തനം പുനരാരംഭിക്കും

റിയാദ്: ബത്ഹയിലെ പാരഗൺ റസ്റ്റോറൻറ്​ നവീകരണത്തിന്​ ശേഷം ചൊവ്വാഴ്​ച വൈകീട്ട്​ മുതൽ വീണ്ടും തുറന്ന് പ്രവർത്തനം ആരംഭിക്കുന്നു. പുതുക്കൽ, മോടിപിടിപ്പിക്കൽ പ്രവർത്തനങ്ങൾക്കായി ഒരു മാസത്തോളമായി അടച്ചിട്ടിരുന്ന ശേഷമാണ്​ തുറക്കുന്നത്​. നോമ്പ് തുറയോട് കൂടിയാണ് പ്രവർത്തനം പുനരാരംഭിക്കുന്നത്.

റിയാദിൽ ആദ്യമായി കേരളത്തിലെ തനത്​ ഇലയിലൂണ്​ വിളംബി തുടങ്ങിയത്​​ പാരഗണാണെന്നും ആ തനത്​ പാരമ്പര്യമാണ്​ ഇനിയും തുടരുന്നതെന്നും ബത്ഹയിൽ കേരള മാർക്കറ്റിനോട്​ ചേർന്ന്​ പ്രവർത്തിക്കുന്ന റസ്​റ്റോറൻറിൽ ഉപയോഗിക്കുന്ന മസാല കൂട്ടുകൾ സ്വന്തമായി പൊടിച്ച് തയ്യാറാക്കിയതാണെന്നും മാനേജ്​മെൻറ്​ വാർത്താക്കുറിപ്പിൽ അറിയിച്ചു.

അജ്ന മോട്ടോ, മറ്റ് കെമിക്കൽ പൊടികൾ ഒന്നും തന്നെ ഭക്ഷണത്തിൽ ഉപയോഗിക്കാറില്ലെന്നും റമദാനിൽ അത്താഴത്തിന് ചൂട് ചോറാണ്​ വിളമ്പുന്നതെന്നും അവർ കൂട്ടിച്ചേർത്തു.