ഹോളിവുഡിനെ ഞെട്ടിക്കാൻ ഭ്രമയുഗം; ഓസ്കർ അക്കാദമി മ്യൂസിയത്തിൽ പ്രദർശിപ്പിക്കുന്ന ആദ്യ ഇന്ത്യൻ സിനിമ

മലയാള സിനിമയിൽ എക്കാലവും അടയാളപ്പെടുത്താൻ സാധിക്കുന്ന കലാ സൃഷ്ടിയാണ് ഭ്രമയുഗം. ഇക്കാലമത്രയും മലയാളികൾ കണ്ട സിനിമകളിൽ നിന്നും വേറിട്ടു നിൽക്കുന്ന ദൃശ്യാനുഭവമായിരുന്നു ഭ്രമയുഗത്തിലൂടെ രാഹുൽ സദാശിവൻ പ്രേക്ഷകർക്ക് നൽകിയത്. കൂ​രി​രു​ട്ടി​ലും വെ​ളി​ച്ച​ത്തി​ലും പെ​യ്തു തീ​രാ​ത്ത പേ​മാ​രി​യി​ലും അ​ധി​കാ​ര ഗ​ർ​വോ​ടെ വി​ഹ​രി​ച്ചി​രു​ന്ന അ​യാ​ൾ ഒ​രു മ​നു​ഷ്യ​നാ​യി​രു​ന്നി​ല്ല. ശ്ര​ദ്ധി​ച്ചു​നോ​ക്കി​യാ​ൽ അ​റി​യാം അ​ത് മ​നു​ഷ്യ​ന​ല്ല. മ​റ്റൊ​രാ​ളു​ടെ രൂ​പം ക​വ​ർ​ന്നെ​ടു​ത്ത അ​തി​മാ​നു​ഷ​ൻ...

ഭാ​വ​പ്പ​ക​ർ​ച്ച​ക​ളി​ലൂ​ടെ ക​ഥാ​പാ​ത്ര​ങ്ങ​ളി​​ലേ​ക്ക് പ​ര​കാ​യ​പ്ര​വേ​ശം ന​ട​ത്തു​ന്ന മ​മ്മൂ​ട്ടി എ​ന്ന മ​ഹാ​ന​ട​ന്റെ ന​ട​ന​വി​സ്മ​യമായിരുന്നു ചിത്രത്തിലുടനീളം. ത​ന്നി​ലെ വ്യ​ക്തി​യെ മ​നഃ​പൂ​ർ​വം മ​റ​ച്ചു​വെ​ച്ച് രൂ​പ​ത്തി​ലും ഭാ​വ​ത്തി​ലും ന​ട​ത്ത​ത്തി​ലു​മെ​ല്ലാം കൊ​ടു​മ​ൺ പോ​റ്റി​യെ അ​നു​ക​രി​ച്ച്, ത​ന്റെ സ്വ​രൂ​പ​മാ​യ ചാ​ത്ത​നെ ചി​രി​യി​ൽ ഒ​ളി​പ്പി​ച്ച് കാ​ണി​ക​ളു​ടെ മ​ന​സ്സി​ൽ പ​കി​ട ക​ളി​ക്കാ​ൻ മ​മ്മൂ​ട്ടി​ക്ക് മാ​ത്ര​മേ ക​ഴി​യൂ. കൊടുമൺപോറ്റിയായും ചാത്തനായും ​അതി​ഗംഭീര പ്രകടനം കാഴ്ച വച്ച മമ്മൂട്ടി ചിത്രം ഇന്ന് ഓസ്കർ അക്കാദമി വരെ എത്തി നിൽക്കുകയാണ്.

ഓസ്കർ അക്കാദമി മ്യൂസിയത്തിൽ ഭ്രമയു​ഗത്തിന്റെ പ്രദർശനം ഇന്ന് രാത്രി നടക്കും. രാത്രി 7.30നാണ് സ്ക്രീനിങ്. ടെഡ് മാൻ തിയറ്ററിലാണ് പ്രദർശനം. ‘Where the Forest Meets the Sea’ എന്ന വിഭാ​ഗത്തിലാണ് ഭ്രമയു​ഗം പ്രദർശിപ്പിക്കുന്നത്. അക്കാദമി മ്യൂസിയത്തിന്റെ വെബ് സൈറ്റ് വഴി ടിക്കറ്റ് വിൽപ്പന കഴിഞ്ഞ ദിവസം ആരംഭിച്ചിരുന്നു. 5 ഡോളർ അതായത് 453 രൂപയാണ് ഒരു ടിക്കറ്റിന്റെ വില.

അക്കാദമി മ്യൂസിയത്തിൽ പ്രദർശിപ്പിക്കുന്ന ആദ്യ ഇന്ത്യൻ സിനിമയും മലയാള സിനിമയും ഭ്രമയു​ഗമാണ്. മിഡ്സോമ്മർ, ഹാക്സൻ, ലാ ല്ലോറോണ, ദി വിച്ച്, വിയ്, യു വോണ്ട് ബി എലോൺ, അണ്ടർ ദി ഷാഡോ, ദി വിക്കർ മാൻ, ഹിസ് ഹൗസ്, ഒനിബാബ എന്നീ സിനിമകളും ‘Where the Forest Meets the Sea’ വിഭാ​ഗത്തിൽ പ്രദർശിപ്പിക്കും.