അപൂർവയിനം നന്നങ്ങാടി കണ്ടെത്തി

ചങ്ങരംകുളം: ചിയ്യാനൂരിൽ കഴുങ്ങിന് കുഴിയെടുത്തപ്പോൾ അപൂർവയിനം നന്നങ്ങാടി കണ്ടെത്തി. കഴിഞ്ഞ ദിവസമാണ് ചിയ്യാനൂരിൽ താമസിക്കുന്ന മഞ്ഞക്കാട്ട് കുമാരന്റെ വീടിനോട് ചേർന്ന് രണ്ട് വലിയ കുടങ്ങൾ ചേർന്ന അപൂർവയിനം നന്നങ്ങാടി കണ്ടെത്തിയത്.

നൂറ്റാണ്ടുകൾ പഴക്കമുള്ള ചരിത്രശേഷിപ്പുകളാണ് അവയെന്നാണ് നിഗമനം. പണ്ട് കാലങ്ങളിൽ ധാന്യങ്ങൾ സൂക്ഷിക്കുന്നതിനും ശവസംസ്കാരം നടത്തുന്നതിനുമാണ് നന്നങ്ങാടികൾ ഉപയോഗിച്ചിരുന്നത്. അസാമാന്യ വലുപ്പമുള്ള കുടം ഒന്നിന് മുകളിൽ മറ്റൊന്ന് വച്ച രീതിയിലാണ് ഇരിക്കുന്നത്.