ചിന്ത

എന്‍റെ ചിന്തകൾക്ക് നീ

ചിതയായ് ചിറകായ്

ചിതറിത്തെറിച്ചൊരീ ചിന്തകൾക്കു നീ

ചെറുസ്പർശമായ്

ചേതനകൾക്കിന്നു ചോദ്യചിഹ്നമായ്

എന്നിൽ വിരിയുന്നു

ചെറുതാങ്ങായ് തണലായ് നിറയുന്നു

നിൻ അഭാവം എന്നെ മൂകനാക്കുന്നു

മന്ദഹാസങ്ങൾക്കു മങ്ങലേൽക്കുന്നു

നിന്നെ അപൂർണ്ണനാക്കുമ്പോൾ

വീണ്ടും ചോദ്യചിഹ്നങ്ങൾ ഉയരുന്നു

എന്നിലെ ഏകാന്തമാം നിമിഷങ്ങൾ

നിന്നെ ഉണർത്തുന്നു

ചിലപ്പോൾ

നീയെനിക്കു പ്രണയമാകാറുണ്ട്

ചിറകുള്ള ചങ്ങാതിയും

ഞാൻ മരിക്കുവോളം

എന്നിലെ നിനക്ക് മരണമില്ല