മ്യൂറൽ ചിത്രങ്ങളുടെ നഗര കാൻവാസ്
text_fields
അബൂദബി കാന്‍വാസ് ചിത്രങ്ങൾ
നഗരഭംഗി കൂട്ടുന്നതിന് ഇമാറാത്തി കലാകാരന്‍മാരുടെ മ്യുറല്‍ പെയിന്റിങ്ങുകള്‍ തീര്‍ക്കുന്ന അബൂദബി കാന്‍വാസ് പദ്ധതിക്ക് തുടക്കം കുറിച്ച് അബൂദബി നഗര, ഗതാഗത വകുപ്പ്. ആല്‍ നഹ്യാന്‍, അല്‍ ബതീന്‍, അല്‍ മന്‍ഹാല്‍, അല്‍ മുഷ് രിഫ്, അല്‍ ദന്ന, അല്‍ മുന്‍താസ, മദീനത് സായിദ് ഷോപ്പിങ് കോംപ്ലക്സ് അടക്കമുള്ള ബസ് ഷെല്‍ട്ടറുകളിലാണ് മ്യൂറലുകള്‍ തീര്‍ക്കുന്നത്.
800 മണിക്കൂറിലേറെയാണ് കലാകാരന്മാര്‍ ഈ മ്യൂറല്‍സ് തീര്‍ക്കാനെടുക്കുക. നഗര സവിശേഷതയുടെ ആഘോഷവും പ്രാദേശിക കലാകാരന്‍മാരുടെ സര്‍ഗാത്മകതയുടെ സാക്ഷ്യവുമായിരിക്കും പദ്ധതിയെന്ന് അബൂദബി നഗര, ഗതാഗത വകുപ്പ് ചെയര്‍മാന്‍ മുഹമ്മദ് അലി അല്‍ ഷൊറാഫ പറഞ്ഞു. മ്യൂറലുകള്‍ ആസ്വദിക്കാന്‍ താമസക്കാര്‍ക്കും സന്ദര്‍ശകര്‍ക്കും അവസരമുണ്ട്.