അമേരിക്കയിൽ വീണ്ടും വെടിവെപ്പ്; കൈക്കുഞ്ഞുൾപ്പെടെ ആറ് പേർ കൊല്ലപ്പെട്ടു

കാലിഫോർണിയ: അമേരിക്കയിൽ വീണ്ടും വെടിവെപ്പ്. ​ഒരു കൈക്കുഞ്ഞുൾപ്പെടെ ആറ് പേർ കൊല്ലപ്പെട്ടു. സെൻട്രൽ കാലിഫോർണിയയിലെ ഗോ​ഷെനിലുള്ള ഒരു വീട്ടിലാണ് വെടിവെയ്പ്പ് നടന്നത്. രണ്ടുപേർ ചേർന്നാണ് ആക്രമണം നടത്തിയതെന്നാണ് സൂചന. ഇവരെ കണ്ടെത്താനായി അന്വേഷണം ആരംഭിച്ചു.

സംഭവത്തിന് പിന്നിൽ ഗുണ്ടാ സംഘം ഉൾപ്പെട്ടിട്ടുണ്ടെന്നാണ് സൂചന. ഒരാഴ്ച മുമ്പ്, ടിസിഎസ്ഒ ഡിറ്റക്ടീവുകൾ ഈ വീട്ടിൽ മയക്കുമരുന്നുമായി ബന്ധപ്പെട്ട് പരിശോധന നടത്തിയിരുന്നു. 2021-ൽ അമേരിക്കയിൽ ഏകദേശം 49,000 പേർ വെടിയേറ്റ് മരിച്ചു, അതിൽ പകുതിയിലേറെയും ആത്മഹത്യകളാണെന്നാണ് കണക്ക്. ഇതിനുപുറമെ ആയുധം സൂക്ഷിക്കുന്നവരും ഏറെയാണിവിടെ.