നവജാത ശിശുവിന്‍റെ കൊലപാതകം: മാതാവും സുഹൃത്തും റിമാൻഡിൽ

കൊ​ച്ചി: ഒ​രു​മാ​സം പ്രാ​യ​മു​ള്ള ആ​ൺ​കു​ഞ്ഞി​നെ കൊ​ല​പ്പെ​ടു​ത്തി​യ സം​ഭ​വ​ത്തി​ൽ അ​റ​സ്റ്റി​ലാ​യ മാ​താ​വി​നെ​യും സു​ഹൃ​ത്തി​നെ​യും കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു. ക​ണ്ണൂ​ർ ച​ക്ക​ര​ക്ക​ൽ സ്വ​ദേ​ശി വി.​പി. ഷാ​നി​ഫ് (25), എ​ഴു​പു​ന്ന സ്വ​ദേ​ശി​നി അ​ശ്വ​തി (25) എ​ന്നി​വ​രെ​യാ​ണ് ആ​ലു​വ ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ്​ കോ​ട​തി 14 ദി​വ​സ​ത്തേ​ക്ക് റി​മാ​ൻ​ഡ്​ ചെ​യ്ത​ത്.

മാ​ര​ത്ത​ൺ ചോ​ദ്യം ചെ​യ്യ​ലി​നൊ​ടു​വി​ൽ അ​റ​സ്റ്റ്​ രേ​ഖ​പ്പെ​ടു​ത്തി​യ പ്ര​തി​ക​ളെ ബു​ധ​നാ​ഴ്ച രാ​വി​ലെ​യാ​ണ് കോ​ട​തി​യി​ൽ ഹാ​ജ​രാ​ക്കി​യ​ത്. കൊ​ല​പാ​ത​കം, ജു​വ​ൈ​ന​ൽ ജ​സ്റ്റി​സ് ആ​ക്ടി​ലെ വി​വി​ധ വ​കു​പ്പു​ക​ൾ അ​ട​ക്ക​മു​ള്ള​വ​യാ​ണ് ഇ​വ​ർ​ക്കെ​തി​രെ ചു​മ​ത്തി​യി​രി​ക്കു​ന്ന​ത്. ക​ഴി​ഞ്ഞ ഞാ​യ​റാ​ഴ്ച പു​ല​ർ​ച്ച​യാ​ണ് ഇ​വ​രോ​ടൊ​പ്പ​മു​ണ്ടാ​യി​രു​ന്ന കു​ഞ്ഞി​നെ അ​ബോ​ധാ​വ​സ്ഥ​യി​ൽ ജ​ന​റ​ൽ ആ​ശു​പ​ത്രി​യി​ലെ​ത്തി​ച്ച​ത്. പ​രി​ശോ​ധ​ന​യി​ൽ കു​ഞ്ഞി​ന്‍റെ മ​ര​ണം സ്ഥി​രീ​ക​രി​ക്കു​ക​യാ​യി​രു​ന്നു. കു​ഞ്ഞി​ന്‍റെ ദേ​ഹ​ത്ത് പ​രി​ക്കു​ക​ൾ ക​ണ്ട ഡോ​ക്ട​ർ പൊ​ലീ​സി​ൽ വി​വ​ര​മ​റി​യി​ച്ചു. പി​ന്നീ​ട് ക്രൂ​ര​പീ​ഡ​ന​മേ​റ്റ​തി​നെ​ത്തു​ട​ർ​ന്നാ​ണ് കു​ഞ്ഞ് കൊ​ല്ല​പ്പെ​ട്ട​തെ​ന്ന് പോ​സ്റ്റ്മോ​ർ​ട്ടം റി​പ്പോ​ർ​ട്ടി​ലും സ്ഥി​രീ​ക​രി​ക്കു​ക​യാ​യി​രു​ന്നു. തു​ട​ർ​ന്ന് ന​ട​ന്ന ചോ​ദ്യം ചെ​യ്യ​ലി​ലാ​ണ് പ്ര​തി​ക​ൾ കു​റ്റം സ​മ്മ​തി​ച്ച​ത്. കു​ഞ്ഞി​നെ ഒ​ഴി​വാ​ക്കു​ന്ന​തി​ന്​ ഷാ​നി​ഫ് ക്രൂ​ര​മാ​യി പീ​ഡി​പ്പി​ച്ച് കൊ​ല​പ്പെ​ടു​ത്തി​യെ​ന്നും അ​തി​ന് മാ​താ​വ് അ​ശ്വ​തി കൂ​ട്ടു​നി​ന്നെ​ന്നു​മാ​ണ് പൊ​ലീ​സ് ക​ണ്ടെ​ത്ത​ൽ. നേ​ര​ത്തേ മ​റ്റൊ​രാ​ളോ​ടൊ​പ്പ​മാ​യി​രു​ന്ന അ​ശ്വ​തി ഗ​ർ​ഭി​ണി​യാ​യി​രി​ക്കെ​യാ​ണ് സ​മൂ​ഹ​മാ​ധ്യ​മം വ​ഴി പ​രി​ച​യ​പ്പെ​ട്ട ഷാ​നി​ഫി​നൊ​പ്പം ജീ​വി​ത​മാ​രം​ഭി​ച്ച​ത്. ചേ​ർ​ത്ത​ല​യി​ൽ വാ​ട​ക വീ​ട്ടി​ൽ താ​മ​സി​ക്കു​ക​യാ​യി​രു​ന്ന ഇ​രു​വ​രും ആ ​വീ​ടൊ​ഴി​ഞ്ഞ​ശേ​ഷം, കു​ഞ്ഞി​നെ കൊ​ല​പ്പെ​ടു​ത്തു​ക എ​ന്ന ല​ക്ഷ്യ​ത്തോ​ടെ ഈ ​മാ​സം ഒ​ന്നി​ന് ക​റു​ക​പ്പി​ള്ളി​യി​ലെ ലോ​ഡ്ജി​ൽ മു​റി​യെ​ടു​ത്തു​വെ​ന്നാ​ണ് പൊ​ലീ​സ് ക​ണ്ടെ​ത്ത​ൽ.

എ.​സി.​പി സി.​ജ​യ​കു​മാ​റി​ന്‍റെ നേ​തൃ​ത്വ​ത്തി​ൽ എ​ള​മ​ക്ക​ര പൊ​ലീ​സാ​ണ് കേ​സ്​ അ​ന്വേ​ഷി​ക്കു​ന്ന​ത്. തെ​ളി​വെ​ടു​പ്പ് അ​ട​ക്ക​മു​ള്ള കാ​ര്യ​ങ്ങ​ൾ​ക്കാ​യി പ്ര​തി​ക​ളെ ഉ​ട​ൻ ക​സ്റ്റ​ഡി​യി​ൽ വാ​ങ്ങു​മെ​ന്ന് അ​ന്വേ​ഷ​ണ​സം​ഘം പ​റ​ഞ്ഞു.