ആദിവാസി യുവതിയെ പീഡിപ്പിച്ചയാൾ റിമാൻഡിൽ

മാ​ന​ന്ത​വാ​ടി: മാ​ന​സി​ക പ്ര​ശ്ന​മു​ള്ള ആ​ദി​വാ​സി യു​വ​തി​യെ മ​ന്ത്ര​വാ​ദ​ത്തി​ന്റെ പേ​രി​ൽ പീ​ഡി​പ്പി​ച്ച സം​ഭ​വ​ത്തി​ൽ അ​റ​സ്റ്റി​ലാ​യ പ്ര​തി റി​മാ​ന്റി​ൽ. കാ​ട്ടി​ക്കു​ളം പു​ളി​മൂ​ട് പാ​റ​​മേ​ൽ വ​ർ​ഗീ​സ്(48) ആ​ണ് റി​മാ​ൻഡി​ലാ​യ​ത്. തി​രു​നെ​ല്ലി സ്വ​ദേ​ശി​നി​യാ​യ 43കാ​രി​യാ​ണ് പീ​ഡ​ന​ത്തി​ര​യാ​യ​ത്. 2023 ഏ​പ്രി​ൽ ര​ണ്ടി​നാ​ണ് യു​വ​തി​യു​ടെ മ​ക​ളു​ടെ വി​വാ​ഹം ന​ട​ക്കു​ന്ന​ത്. വി​വാ​ഹ​ത്തി​ന്റെ ദ​ല്ലാ​ളാ​യ വ​ർ​ഗീ​സ് അ​ന്നു​ത​ന്നെ വീ​ട്ടി​ലെ​ത്തി ഒ​റ്റ​ക്കാ​യി​രു​ന്ന ത​ന്നെ പീ​ഡി​പ്പി​ക്കു​ക​യാ​യി​രു​ന്നു​വെ​ന്നും പീ​ഡ​നം നി​ര​ന്ത​രം തു​ട​ർ​ന്നു​വെ​ന്നും യു​വ​തി പ​റ​ഞ്ഞു.

വി​വ​രം പു​റ​ത്ത് പ​റ​ഞ്ഞാ​ൽ മ​ന്ത്ര​വാ​ദി​യാ​യ സ്വാ​മി കൊ​ല​പ്പെ​ടു​ത്തു​മെ​ന്ന് വ​ർ​ഗീ​സ് ഭീ​ഷണി​പ്പെ​ടു​ത്തി​യ​താ​യും യു​വ​തി തി​രു​നെ​ല്ലി പൊ​ലീ​സി​ൽ ന​ൽ​കി​യ പ​രാ​തി​യി​ൽ പ​റ​ഞ്ഞി​രു​ന്നു. ഒ​രാ​ഴ്ച മു​മ്പ് സ​മാ​ന പ​രാ​തി ഉ​യ​ർ​ന്നെ​ങ്കി​ലും പൊ​ലീ​സ് ഇ​ട​പെ​ട്ട് ഒ​തു​ക്കിതീ​ർ​ക്കാ​ൻ ശ്ര​മി​ച്ച​താ​യും യു​വ​തി ആ​രോ​പി​ക്കു​ന്നു​ണ്ട്. പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് പ്ര​തി​യെ പൊ​ലീ​സ് ക​സ്റ്റ​ഡി​യി​ൽ എ​ടു​ത്ത​ത്.

തു​ട​ർ​ന്ന് കേ​സ് ആ​ദി​വാ​സി​ക​ൾ​ക്ക് നേ​രെ​യു​ള്ള അ​തി​ക്ര​മം ത​ട​യു​ന്ന സ്പെ​ഷൽ മൊ​ബൈ​ൽ സ്ക്വാ​ഡി​ന് കൈ​മാ​റി. ഡി​വൈ.​എ​സ്.​പി. എം.​എം. അ​ബ്ദു​ൽ ക​രീ​മി​ന്റെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം ന​ട​ക്കു​ന്ന​ത്.

(ഈ ​വാ​ർ​ത്ത​യു​മാ​യി ബ​ന്ധ​പ്പെ​ട്ട് മ​റ്റൊ​രാ​ളു​ടെ ഫോ​ട്ടോ ചൊ​വ്വാ​ഴ്ച തെ​റ്റാ​യി പ്ര​സി​ദ്ധീ​ക​രി​ച്ച​തി​ൽ നി​ർ​വ്യാ​ജം ഖേ​ദി​ക്കു​ന്നു)