പ്രണയബന്ധം ഉപേക്ഷിച്ചതിന്​ വീട്ടിൽ അതിക്രമിച്ച്​ കയറി പെൺകുട്ടിയെ കെട്ടിതൂക്കികൊല്ലാൻ ശ്രമം

നാഗ്​പൂർ: പ്രണയബന്ധം ഉപേക്ഷിച്ചതിന്‍റെ പേരിൽ കാമുകിയെ കെട്ടിതൂക്കി കൊല്ലാൻ ശ്രമിച്ച 23കാരൻ അറസ്റ്റിൽ. നാഗ്​പൂരിലെ കൊറാഡി പ്ര​േദശത്ത്​ വെള്ളിയാഴ്ചയാണ്​ സംഭവം.

പ്രതിയായ ആദേശ്​ ദുർഗാദാസ്​ തിർപുഡെ ഒളിവിലാണെന്നും ഇയാൾക്കെതിരെ വധശ്രമത്തിന്​ കേസെടുത്തതായും പൊലീസ്​ അറിയിച്ചു.

ആദേശ്​ ഒരു മോഷണ കേസിൽ അറസ്റ്റിലായതിന്​ പിന്നാലെ പെൺകുട്ടി ഇയാളുമായുള്ള ബന്ധം ഉപേക്ഷിച്ചിരുന്നു. തുടർന്ന്​ ഇയാൾ പെൺകുട്ടിയെ ഭീഷണിപ്പെടുത്താൻ തുടങ്ങി.

വെള്ളിയാഴ്ച വീട്ടിൽ അതിക്രമിച്ച്​ കയറിയ പ്രതി പെൺകുട്ടിയെ മർദിക്കുകയും മുറിയിലെ ഫാനിൽ കെട്ടിത്തൂക്കാൻ ശ്രമിക്കുകയായിരുന്നു. കരച്ചിൽ കേട്ട്​ അടുത്ത ബന്ധു മുറിയിലേക്ക്​ എത്തുകയും പെൺകുട്ടിയെ രക്ഷപ്പെടുത്തുകയുമായിരുന്നു. സംഭവത്തിൽ​ അന്വേഷണം പ​ുരോഗമിക്കുകയാണെന്ന്​ പൊലീസ്​ പറഞ്ഞു.