വിദേശ ജോലി തട്ടിപ്പ്: അന്വേഷണം കൂടുതല്‍ പേരിലേക്ക്

അ​മ്പ​ല​പ്പു​ഴ: വി​ദേ​ശ​ത്ത് ജോ​ലി വാ​ഗ്ദാ​നം ന​ൽ​കി ത​ട്ടി​പ്പ് ന​ട​ത്തി​യ സം​ഭ​വ​ത്തി​ൽ കൂ​ടു​ത​ൽ അ​റ​സ്റ്റി​ന് സാ​ധ്യ​ത. പു​ന്ന​പ്ര തെ​ക്ക് പ​ഞ്ചാ​യ​ത്ത് പൂ​മീ​ൻ പൊ​ഴി​ക്ക് സ​മീ​പം ശ​ര​വ​ണ ഭ​വ​നി​ൽ ആ​ർ. ര​ജി​മോ​ളെ​യാ​ണ് ക​ഴി​ഞ്ഞ​ദി​വ​സം പു​ന്ന​പ്ര പൊ​ലീ​സ് അ​റ​സ്റ്റ് ചെ​യ്ത​ത്.

ഇ​വ​രു​ടെ സ​ഹോ​ദ​ര​ൻ ഉ​ൾ​പ്പെ​ടെ മ​റ്റു ചി​ല​രും കു​ടു​ങ്ങു​മെ​ന്നാ​ണ് സൂ​ച​ന.

യു.​എ.​ഇ​യി​ൽ ചോ​ക്ല​റ്റ് നി​ര്‍മാ​ണ ക​മ്പ​നി​യി​ൽ വി​വി​ധ ഒ​ഴി​വു​ക​ളി​ലേ​ക്ക് ജോ​ലി വാ​ഗ്ദാ​നം ന​ൽ​കി​യാ​ണ് ഇ​വ​ർ നി​ര​വ​ധി​പേ​രി​ൽ​നി​ന്ന് പ​ണം ത​ട്ടി​യ​ത്. സം​സ്ഥാ​ന​ത്തി​ന്റെ വി​വി​ധ ഭാ​ഗ​ങ്ങ​ളി​ൽ 104 പേ​രി​ൽ​നി​ന്ന് പ​ണം വാ​ങ്ങി​യ​താ​യാ​ണ് വി​വ​രം.

ത​ട്ടി​പ്പി​നി​ര​യാ​യ​വ​രും ബ​ന്ധു​ക്ക​ളും പു​ന്ന​പ്ര സ്റ്റേ​ഷ​ൻ ഉ​പ​രോ​ധ​മു​ൾ​പ്പെ​ടെ ന​ട​ത്തി​യ​പ്പോ​ഴാ​ണ് അ​റ​സ്റ്റി​ന് വ​ഴി​യൊ​രു​ങ്ങി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി ഇ​പ്പോ​ൾ റി​മാ​ൻ​ഡി​ലാ​ണ്. വ​ഞ്ച​ന, മ​തി​യാ​യ രേ​ഖ​ക​ളി​ല്ലാ​തെ വി​ദേ​ശ​ത്തേ​ക്ക് ആ​ളു​ക​ളെ ക​യ​റ്റി​വി​ടു​ക തു​ട​ങ്ങി​യ കു​റ്റ​ങ്ങ​ളാ​ണ് ഇ​വ​ർ​ക്കു​മേ​ൽ ചു​മ​ത്തി​യ​ത്.

പു​ന്ന​പ്ര തെ​ക്ക് പ​ള്ളി വെ​ളി മു​ഹ​മ്മ​ദ് ന​ഹാ​സ് സ​ന്ദ​ർ​ശ​ന വി​സ​യി​ൽ വി​ദേ​ശ​ത്ത് എ​ത്തി​യ​പ്പോ​ഴാ​ണ് ത​ട്ടി​പ്പി​നി​ര​യാ​യ വി​വ​രം അ​റി​യു​ന്ന​ത്.

തു​ട​ർ​ന്ന് ന​ഹാ​സ് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് കൂ​ടു​ത​ൽ ത​ട്ടി​പ്പി​ന്റെ വി​വ​രം വെ​ളി​ച്ച​ത്താ​കു​ന്ന​ത്. ഇ​വ​രു​മാ​യി ബ​ന്ധ​പ്പെ​ട്ട മ​റ്റു ക​ണ്ണി​ക​ളി​ലേ​ക്കും അ​ന്വേ​ഷ​ണം വ്യാ​പി​പ്പി​ച്ചി​രി​ക്കു​ക​യാ​ണ്.