സി.ഇ മാർക്കിൽ പിഴവ്​; 30,000 പ്ലസ്​ ടു സർട്ടിഫിക്കറ്റ്​ പിൻവലിക്കുന്നു

തി​രു​വ​ന​ന്ത​പു​രം: നി​ര​ന്ത​ര മൂ​ല്യ​നി​ർ​ണ​യ​ത്തി​നു​ള്ള (സി.​ഇ) മാ​ർ​ക്ക്​ തെ​റ്റാ​യി അ​ച്ച​ടി​ച്ച ര​ണ്ടാം വ​ർ​ഷ ഹ​യ​ർ​സെ​ക്ക​ൻ​ഡ​റി പ​രീ​ക്ഷ​യു​ടെ 30,000 സ​ർ​ട്ടി​ഫി​ക്ക​റ്റു​ക​ൾ പി​ൻ​വ​ലി​ക്കു​ന്നു. ക​ഴി​ഞ്ഞ മേ​യ്​ 22ന്​ ​ഫ​ലം പ്ര​സി​ദ്ധീ​ക​രി​ച്ച പ​രീ​ക്ഷ​യു​ടെ സ​ർ​ട്ടി​ഫി​ക്ക​റ്റു​ക​ളി​ലാ​ണ്​​ ര​ണ്ടാം വ​ർ​ഷ സി.​ഇ മാ​ർ​ക്ക്​ തെ​റ്റാ​യി രേ​​ഖ​പ്പെ​ടു​ത്തി​യ​ത്. പാ​ർ​ട്​ മൂ​ന്ന്​ ഓ​പ്​​ഷ​ന​ൽ വി​ഷ​യ​ങ്ങ​ളി​ലെ ര​ണ്ടാ​മ​ത്തെ പേ​പ്പ​റി​ന്‍റെ സി.​ഇ മാ​ർ​ക്കി​ലാ​ണ്​ തെ​റ്റ്​ വ​ന്ന​ത്.

കേ​ര​ള​ത്തി​ന്​ പു​റ​ത്തു​ള്ള പ്ര​സി​ൽ അ​ച്ച​ടി​ക്കാ​യി ന​ൽ​കി​യ മാ​ർ​ക്ക്​ ലി​സ്റ്റി​ൽ ര​ണ്ടാ​മ​ത്തെ ഓ​പ്​​ഷ​ന​ൽ പേ​പ്പ​റി​ന്‍റെ ഒ​ന്നാം വ​ർ​ഷ പ​രീ​ക്ഷ​യി​ലെ സി.​ഇ മാ​ർ​ക്ക്​ അ​തെ​പ​ടി ര​ണ്ടാം വ​ർ​ഷ​ത്തി​ലും ആ​വ​ർ​ത്തി​ക്കു​ക​യാ​യി​രു​ന്നു. വി​ദ്യാ​ർ​ഥി​ക്ക്​ ര​ണ്ട്​ വ​ർ​ഷ​ങ്ങ​ളി​ലു​മാ​യി ല​ഭി​ച്ച ആ​കെ സി.​ഇ മാ​ർ​ക്ക്​ ശ​രി​യാ​യ രീ​തി​യി​ൽ അ​ച്ച​ടി​ച്ചെ​ങ്കി​ലും ര​ണ്ടാം വ​ർ​ഷ​ത്തേ​തി​ൽ പി​ശ​ക്​ ക​ട​ന്നു​കൂ​ടി. പ്ര​സി​ലെ സോ​ഫ്​​റ്റ്​​വെ​യ​ർ പ്ര​ശ്നം കാ​ര​ണം ഒ​ന്നാം വ​ർ​ഷ​ത്തി​ന്​ ല​ഭി​ച്ച സി.​ഇ മാ​ർ​ക്ക്​ അ​തെ പ​ടി ര​ണ്ടാം വ​ർ​ഷ​ത്തി​ന്‍റെ കോ​ള​ത്തി​ലേ​ക്കും ക​യ​റി​യ​താ​ണ്​ പ്ര​ശ്ന​മാ​യ​തെ​ന്നാ​ണ്​ പ​രീ​ക്ഷാ വി​ഭാ​ഗം ന​ൽ​കു​ന്ന വി​ശ​ദീ​ക​ര​ണം.

അ​ച്ച​ടി​ക്ക്​ മു​മ്പാ​യി പ്ര​സി​ൽ നി​ന്ന്​ മാ​ർ​ക്ക്​ ലി​സ്റ്റ്​ ‘മാ​പ്പി​ങ്’​ ന​ട​ത്തി​യ​തി​ലു​ള്ള പി​ഴ​വാ​ണ് പ്ര​ശ്ന​മാ​യ​തെ​ന്നാ​ണ്​ പ​റ​യു​ന്ന​ത്. ക​ഴി​ഞ്ഞ വെ​ള്ളി​യാ​ഴ്ച മാ​ർ​ക്ക്​ ലി​സ്റ്റ്​ വി​ത​ര​ണം ആ​രം​ഭി​ച്ച ഘ​ട്ട​ത്തി​ലാ​ണ്​ പി​ഴ​വ്​ ശ്ര​ദ്ധ​യി​ൽ​പെ​ടു​ന്ന​ത്. ഉ​ട​നെ പ്ര​സു​കാ​രി​ൽ നി​ന്ന്​ വി​ശ​ദീ​ക​ര​ണം തേ​ടി. തെ​റ്റു​തി​രു​ത്തി​യ മാ​ർ​ക്ക്​ അ​ടി​യ​ന്തി​മാ​യി അ​ച്ച​ടി പൂ​ർ​ത്തി​യാ​ക്കി സ്കൂ​ളു​ക​ളി​ലേ​ക്ക്​ എ​ത്തി​ക്കാ​നും നി​ർ​ദേ​ശം ന​ൽ​കി​യി​ട്ടു​ണ്ട്.

ഇ​ന്നും നാ​ളെ​യു​മാ​യി തെ​റ്റ്​ തി​രു​ത്തി​യ മാ​ർ​ക്ക്​ ലി​സ്റ്റു​ക​ൾ സ്കൂ​ളു​ക​ളി​ൽ എ​ത്തു​മെ​ന്ന്​ പ​രീ​ക്ഷാ സെ​ക്ര​ട്ട​റി ഡോ. ​മാ​ണി​ക്യ​രാ​ജ്​ അ​റി​യി​ച്ചു. ഓ​പ്​​ഷ​ന​ൽ വി​ഷ​യ​ങ്ങ​ളി​ലെ ര​ണ്ടാ​മ​ത്തെ പേ​പ്പ​റി​ൽ ഒ​ന്നാം വ​ർ​ഷ​ത്തി​ലും ര​ണ്ടാം വ​ർ​ഷ​ത്തി​ലും വ്യ​ത്യ​സ്ത സി.​ഇ മാ​ർ​ക്ക്​ ല​ഭി​ച്ച​വ​രു​ടെ സ​ർ​ട്ടി​ഫി​ക്ക​റ്റി​ലാ​ണ്​ പി​ഴ​വ്​ ക​ട​ന്നു​കൂ​ടി​യ​ത്. വ്യ​ത്യ​സ്ത മാ​ർ​ക്ക്​ ല​ഭി​ച്ച​വ​രു​ടെ എ​ണ്ണം ഏ​ക​ദേ​ശം 30,000ത്തോ​ള​മാ​ണ്.

-