രണ്ട്​ മുറിയിൽ നിന്ന്​ ഇന്ത്യൻ ഒാൺലൈൻ ഷോപ്പിങ്ങി​െൻറ അതികായരായ കഥ​

ബംഗളൂരുവിൽ കോറമംഗലയിലെ രണ്ട്​ ബെഡ്​റൂം അപ്പാർട്ട്​മ​െൻറിൽ ഒാൺലൈൻ ബുക്ക്​​സ്​റ്റോർ ആരംഭിക്കു​േമ്പാൾ ഇന്ത്യയുടെ ഒാൺലൈൻ വ്യവസായത്തി​​െൻറ ജാതകം തന്നെ മാറ്റുന്ന സംരഭമായി അത്​ മാറുമെന്ന്​ ചിലപ്പോൾ സച്ചിനും ബിന്നിയും പ്രതീക്ഷിച്ചു കാണില്ല. ഫ്ലിപ്​കാർട്ട്​ എന്ന പേരിൽ തുടങ്ങിയ സ്ഥാപനം ആരെയും അതിശയിപ്പിക്കുന്ന വളർച്ചയാണ്​  നേടിയത്​.

2007ലെ ചെറിയ തുടക്കം

​ഡൽഹി ​െഎ.​െഎ.ടിയിലെ വിദ്യാർഥികളായിരുന്ന സചിനും ബിന്നിയുമാണ്​ ബംഗളൂരുവിലെ രണ്ട്​ ബെഡ്​റൂം അപാർട്​മ​െൻറിൽ ഫ്ലിപ്​കാർട്ടിന്​ തുടക്കമിട്ടത്​. ഒാൺലൈൻ ബുക്ക്​സ്​റ്റോറായിട്ടായിരുന്നു തുടക്കം. മഹബുബനഗറിലെ എൻജീനിയറായിരുന്നു ആദ്യത്തെ ഉപഭോക്​താവ്​. ആ വർഷം 20 ഒാർഡറുകൾ ഡെലിവറി ചെയ്യാൻ ഫ്ലിപ്​കാർട്ടിന്​ സാധിച്ചു.

2008: ഫ്ലിപ്​കാർട്ട്​ വളർച്ചയിലേക്ക്​

ഫ്ലിപ്​കാർട്ട്​ ഇ-കോമേഴ്​സ്​ സൈറ്റായി മാറുന്നതാണ്​ 2008ൽ കണ്ടത്​. ഇന്ത്യൻ ഒാൺലൈൻ ഷോപ്പിങ്​ രംഗത്തെ വൻ വളർച്ചക്ക്​ തുടക്കം കുറിക്കുകയായിരുന്നു ഇതിലുടെ. വൻ പരസ്യങ്ങളുടെ അകമ്പടിയില്ലെങ്കിലും പതിയെ ഫ്ലിപ്​കാർട്ട്​ ഇന്ത്യൻ ഒാൺലൈൻ രംഗത്ത്​ ചുവടുറപ്പിച്ചു.  ആ വർഷം തന്നെ ബംഗളൂരുവിലെ തങ്ങളുടെ ആദ്യ ഒാഫീസും ഫ്ലിപ്​കാർട്ട്​ തുറന്നു. 3400 ഒാർഡറുകളാണ്​ 2008ൽ ഫ്ലിപ്​കാർട്ട്​ ഡെലിവറി ചെയ്​തത്​.

2009: ​ നിർണായക വർഷം
2009ലാണ്​ ഫ്ലിപ്​കാർട്ട്​ അംബൂർ അയ്യപ്പയെന്ന ആദ്യ മുഴവൻ സമയ ജീവനക്കാരനെ ജോലിക്കെടുത്തത്​. തുടർന്ന്​ മറ്റൊരു സ്വകാര്യ കമ്പനി ഫ്ലിപ്​കാർട്ടിൽ 1 മില്യൺ ഡോളർ നിക്ഷേപിച്ചതോടെ സ്ഥാപനത്തി​​െൻറ വളർച്ചക്ക്​ ആക്കം കൂടി. ഇതോടെ മുംബൈ, ഡൽഹി തുടങ്ങിയ നഗരങ്ങളിലും ഫ്ലിപ്​കാർട്ട്​ സാന്നിധ്യമറിയിച്ചു. ഡാൻ ബ്രൗണി​​െൻറ ദ ലോസ്​റ്റ്​ സിംബൽ എന്ന പുസ്​തകത്തി​​െൻറ പ്രീ ഒാർഡർ എടുത്ത്​ ആദ്യമായി ഇൗ സംവിധാനത്തി​​െൻറയും ഭാഗമായി ഫ്ലിപ്​കാർട്ട്​ മാറി.

2010: കാഷ്​ ഒാൺ ഡെലിവറിയും ഇകാർട്ടി​​െൻറ ജനനവും

ഉൽപന്നം വീട്ടിലെത്തു​േമ്പാൾ മാത്രം പണം നൽകുന്ന കാഷ്​ ഒാൺ ഡെലിവറിക്ക്​ ഫ്ലിപ്​കാർട്ട്​ തുടക്കമിട്ടത്​ 2009ലാണ്​. ഉൽപന്നങ്ങളുടെ ഒാർഡർ കൂടിയതോടെ ഡെലിവറി ചെയ്യുന്നതിനായി ഇ-കാർട്ട്​ എന്ന പേരിൽ ലോജിസ്​റ്റിക്​ ഡിവിഷനും ഫ്ലിപ്​കാർട്ട്​ ആരംഭിച്ചു. ഇതിനൊപ്പം 30 ദിവസത്തിനുള്ളിൽ ഉൽപന്നങ്ങൾ തിരിച്ച്​ കൊടുക്കാനുള്ള റി​േട്ടൺ പോളിസിയും ഫ്ലിപ്​കാർട്ട്​ അവതരിപ്പിച്ചു. മ്യൂസിക്​, മൂവിസ്​, ഗെയിംസ്​, ഇലക്​ട്രോണിക്​സ്​, മൊബൈൽ തുടങ്ങി ഉൽപ്പന്നനിര വിപുലീകരിച്ചു.

2011ലും കൂടുതൽ ബ്രാൻഡുകൾ ഫ്ലിപ്​കാർട്ട്​ സൈറ്റിൽ ഉൾപ്പെടുത്തു. 2012ൽ മൊബൈൽ ആപിനും ഫ്ലിപ്​കാർട്ട്​ തുടക്കം കുറിച്ചു. 2013ൽ തേർഡ്​ പാർട്ടി മാർക്കറ്റ്​ പ്ലേസ്​ മോഡൽ തുടങ്ങിയതോടെ സൈറ്റ്​ കൂടുതൽ ജനകീയമായി. 2014ലാണ്​ ഫ്ലിപ്​കാർട്ടിൽ നിർണായകമായ മറ്റൊരു നീക്കം നടത്തുന്നത്​. വൻ ഡിസ്​കൗണ്ടുകളുമായി ബിഗ്​ ബില്യൺ ഡേ സെയിലിന്​ തുടക്കം കുറിച്ചതാണ്​ 2014ലെ ഫ്ലിപ്​കാർട്ടി​​െൻറ പ്രധാന മാറ്റം. 2015ൽ ഉൽപന്നനിര പരിഷ്​കരിച്ച ഫ്ലിപ്​കാർട്ട്​  ഒാൺലൈൻ ഷോപ്പിങ്​ രംഗത്ത്​ ആധിപത്യമുറപ്പിച്ചു. 2016ൽ ബിന്നി ബൻസാൽ ഫ്ലിപ്​കാർട്ടി​​െൻറ തല​പ്പത്തേക്ക്​ എത്തി. 2017ൽ ഇ​^ബേയുടെ ഇന്ത്യൻ പതിപ്പും ഫ്ലിപ്​കാർട്ട്​ സ്വന്തമാക്കി. 2018ൽ ആഗോള റീടെയിൽ ഭീമനായ വാൾമാർട്ടിന്​ ഫ്ലിപ്​കാർട്ടി​​െൻറ 77 ശതമാനം ഒാഹരികൾ വിറ്റു.