രൂപയുടെ മൂല്യത്തിൽ വീണ്ടും റെക്കോഡ് ഇടിവ്; 71ൽ എത്തി

മും​ബൈ: ഡോ​ള​റി​നെ​തി​രെ രൂപയുടെ മൂല്യം ഇടിയുന്നത് വീണ്ടും തുടരുന്നു. രാവിലെ വ്യാ​പാ​രം തു​ട​ങ്ങി​യപ്പോൾ 22 പൈസ കുറഞ്ഞ് രൂ​പയുടെ മൂല്യം 71ൽ എത്തി. ച​രി​ത്ര​ത്തി​ലെ ഏ​റ്റ​വും വ​ലി​യ മൂ​ല്യ​ത്ത​ക​ർ​ച്ച​യാണ് ഇന്ന് രേഖപ്പെടുത്തിയത്. 

അ​സം​സ്​​കൃ​ത എ​ണ്ണ വി​ല ഉ​യ​രു​ന്ന സാ​ഹ​ച​ര്യ​ത്തി​ൽ ഡോ​ള​റി​ന്​ ആ​വ​ശ്യം വ​ർ​ധി​ക്കു​ക​യും രാ​ജ്യ​ത്തെ വി​ദേ​ശ മൂ​ല​ധ​നം വ​ൻ​തോ​തി​ൽ തി​രി​ച്ചു ​പോ​കു​ക​യും ചെ​യ്​​ത​തി​നെ തു​ട​ർ​ന്നാ​ണ്​ രൂ​പ തു​ട​ർ​ച്ച​യാ​യി കൂ​പ്പു​കു​ത്തു​ന്ന​ത്. 

വ്യാഴാഴ്ച വ്യാ​പാ​രം തു​ട​ങ്ങി​യപ്പോൾ 70.59ൽ തുടങ്ങിയ രൂപയുടെ മൂല്യം 70.74ലാണ് ക്ലോസ് ചെയ്തത്. 15 പൈസയുടെ ഇടിവാണിത്. ബു​ധ​നാ​ഴ്​​ച ​49 പൈ​സ കു​റ​ഞ്ഞ് ഡോ​ള​റി​ന്​ 70.59 രൂ​പ​യി​ലെ​ത്തി​യി​രു​ന്നു.

​രാ​ജ്യ​ത്തെ മൊ​ത്തം എ​ണ്ണ ഉ​പ​ഭോ​ഗ​ത്തി​​​​​​​െൻറ 80 ശ​ത​മാ​ന​വും ഇ​റ​ക്കു​മ​തി ചെ​യ്യു​ന്ന രാ​ജ്യ​മെ​ന്ന നി​ല​ക്ക്​ എ​ണ്ണ വി​പ​ണി​യി​ലെ വി​ല​വ​ർ​ധ​ന രൂ​പ​യു​ടെ മൂ​ല്യ​ശോ​ഷ​ണ​ത്തെ വേ​ഗ​ത്തി​ലാ​ക്കു​ന്ന പ്ര​ധാ​ന ഘ​ട​ക​മാ​ണ്.