സംസ്ഥാനത്ത് എണ്ണവിലയിൽ വീണ്ടും വർധനവ്

കൊച്ചി: സംസ്ഥാനത്ത് എണ്ണവിലയിൽ വീണ്ടും വർധനവ്. പെട്രോൾ ലിറ്ററിന് 15 പൈസ കൂടി 77.72 രൂപയായി. ഡീസലിന് 17 പൈസ കൂടി 72.41 രൂപ യിലാണ് വ്യാപാരം.

പുതുവർഷത്തിൽ മാത്രം പെട്രോളിന് 50 പൈസയും ഡീസലിന് 68 പൈസയും കൂടി. രാജ്യാന്തര വിപണിയിൽ അസംസ്കൃത എണ്ണയിലുണ്ടായ വർധനവാണ് ആഭ്യന്തര വിപണിയിൽ പ്രതിഫലിച്ചത്.

അസംസ്കൃത എണ്ണയുടെ വില ബാരലിന് 2.42 ശതമാനം വർധിച്ച് 70.26 ഡോളർ ആയി.

പശ്ചിമേഷ്യയിൽ തുടരുന്ന ഇറാൻ-അമേരിക്ക സംഘർഷമാണ് വില വർധനവിന് വഴിവെച്ചത്.