ക്രിപ്റ്റൊ കറൻസി ഇടപാടിന് ഒരു ശതമാനം ടി.ഡി.എസ്

ന്യൂഡൽഹി: ക്രിപ്റ്റൊ കറൻസി ഇടപാടുകളിലെ മൂലധന നേട്ടത്തിന് 30 ശതമാനം നികുതി ഈടാക്കുന്നതിനൊപ്പം ക്രിപ്റ്റൊ നാണയങ്ങൾ വാങ്ങുകയും വിൽക്കുകയും ചെയ്യുന്നതിന് ഒരു ശതമാനം ഉറവിടത്തിൽ നികുതിയും ഈടാക്കുമെന്ന് ധനമന്ത്രി നിർമല സീതാരാമൻ ലോക്സഭയിൽ പറഞ്ഞു. ധനബിൽ ഭേദഗതിയിലാണ് ഈ നിർദേശം.

ക്രിപ്റ്റൊ സമ്മാനങ്ങൾക്കും നികുതി ഈടാക്കും. ക്രിപ്റ്റൊ നികുതി ഏപ്രിൽ ഒന്നു മുതലും ടി.ഡി.എസ് ജൂലൈ ഒന്നു മുതലുമാണ് നടപ്പിൽ വരുന്നത്.