സ്വർണവിലയിൽ വർധന

കൊച്ചി: സംസ്ഥാനത്ത് സ്വര്‍ണ വിലയില്‍ വര്‍ധന. ഇന്ന് പവന് 280 രൂപയാണ് കൂടിയത്. ഇതോടെ പവന്‍ വില 37,000 രൂപയായി. 35 രൂപ കൂടി ഒരു ഗ്രാം സ്വർണത്തിന് 4625രൂപയാണ് വില. ഏതാനും ദിവസമായി സ്വര്‍ണ വില ചാഞ്ചാട്ടം പ്രകടപ്പിക്കുകയാണ്.

ഒറ്റയടിക്ക് 800 രൂപ കൂടി കഴിഞ്ഞയാഴ്ച സ്വർണവില റെക്കോഡിൽ എത്തിയിരുന്നു. യുക്രൈന്‍ യുദ്ധ പ്രതിസന്ധിയാണ് സ്വര്‍ണ വിലയില്‍ പ്രതിഫലിക്കുന്നതെന്നാണ് വിദഗ്ധരുടെ വിലയിരുത്തൽ.