കേരള ബാങ്കിൽ 22 ഇനം വായ്പകൾ

തിരുവനന്തപുരം: കേരള ബാങ്ക് 22 ഇനം വായ്പകളാണ്​ ജനങ്ങൾക്കായി മുന്നോട്ടു​വെക്കുന്നതെന്ന്​ ചെയർമാൻ ഗോപി കോട്ടമുറിക്കൽ. കാർഷിക വായ്പകൾ മുതൽ ഭവന നിർമാണ വായ്പകൾ വരെ ഇതിൽ ഉൾപ്പെടും. നടപടികൾ ലഘൂകരിച്ച് വായ്പകൾ സാധാരണക്കാരിലെത്തിക്കാനാണ് കേരള ബാങ്കി​െൻറ ശ്രമം. അമിത നിരക്കുകളോ ഒളിഞ്ഞിരിക്കുന്ന മറ്റ് ചാർജുകളോ കേരള ബാങ്കിലുണ്ടാകില്ലെന്നും അദ്ദേഹം പറഞ്ഞു.

കേരള ബാങ്കി​െൻറ വായ്​പകളെക്കുറിച്ച് മലയാളത്തിൽ പ്രസിദ്ധീകരിച്ച കൈപ്പുസ്തകത്തി​െൻറ പ്രകാശനം നിർവഹിക്കുകയായിരുന്നു അദ്ദേഹം. ബോർഡ് ഡയറക്ടർ പി. ഗഗാറിൻ പുസ്തകം ഏറ്റുവാങ്ങി. ചടങ്ങിൽ ബാങ്ക് സി.ഇ.ഒ പി.എസ്. രാജൻ, സി.ജി.എം കെ.സി. സഹദേവൻ, ബാങ്ക് ഡയറക്ടർ എം. സത്യപാലൻ, ജനറൽ മാനേജർമാരായ എസ്. കുമാർ, പി. ഗോപകുമാർ എന്നിവർ സംബന്ധിച്ചു.