ന​റും​പാ​ലി​ൻ സ​മൃ​ദ്ധി; ഇ​ത് കാവനൂരിന്റെ സ്വ​ന്തം ക്ഷീ​ര​ബ്രാ​ൻ​ഡ്

മ​ല​പ്പു​റം ജി​ല്ല​യി​ലെ അ​രീ​ക്കോ​ടി​ന​ടു​ത്ത കാ​വ​നൂ​രി​ലെ ജ​ന​ങ്ങ​ള്‍ക്ക് നി​ത്യ​വും ക​ണി​ക​ണ്ടു​ണ​രാ​ന്‍ ആ ​നാ​ടി​ന്‍റെ ത​ന​താ​യ ഒ​രു ന​റും​പാ​ൽ സം​രം​ഭ​മു​ണ്ട്, അ​താ​ണ് കാ​വ​നൂ​ര്‍ ഫ്ര​ഷ് മി​ല്‍ക്. അ​തി​രാ​വി​ലെ ക്ഷീ​ര​ക​ര്‍ഷ​ക​രി​ല്‍നി​ന്ന് ശു​ദ്ധ​മാ​യ പാ​ല്‍ നേ​രി​ട്ട് സം​ഭ​രി​ച്ച് പാ​ല്‍കു​ട​ങ്ങ​ളി​ലാ​ക്കി ഉ​പ​ഭോ​ക്താ​ക്ക​ളു​ടെ വീ​ട്ടു​പ​ടി​ക്ക​ല്‍ എ​ത്തി​ക്കു​ന്ന സം​രം​ഭ​മാ​യ കാ​വ​നൂ​ര്‍ ഫ്ര​ഷ് മി​ല്‍ക് ആ​രം​ഭി​ച്ചി​ട്ട് ഒ​മ്പ​ത് വ​ര്‍ഷ​ങ്ങ​ൾ പി​ന്നി​ടു​ക​യാ​ണ്.

കാ​വ​നൂ​ര്‍ ഗ്രാ​മ​പ​ഞ്ചാ​യ​ത്ത് മൃ​ഗാ​ശു​പ​ത്രി​യി​ൽ 2012ല്‍ ​സീ​നി​യ​ര്‍ വെ​റ്റ​റി​ന​റി സ​ര്‍ജ​നാ​യി എ​ത്തി​യ ഡോ. ​എ. അ​യ്യൂ​ബി​ന്‍റെ മ​ന​സ്സി​ലു​ദി​ച്ച ആ​ശ​യ​മാ​യി​രു​ന്നു കാ​വ​നൂ​ര്‍ ഫ്ര​ഷ് മി​ല്‍ക്. ഡോ​ക്ട​ര്‍ സ​മ​ര്‍പ്പി​ച്ച പ​ദ്ധ​തി രൂ​പ​രേ​ഖ ബോ​ധ്യ​പ്പെ​ട്ട മൃ​ഗ​സം​ര​ക്ഷ​ണ​വ​കു​പ്പ് പ്രാ​രം​ഭ മൂ​ല​ധ​ന​മാ​യി പ്ര​ത്യേ​കം തു​ക അ​നു​വ​ദി​ച്ച​തും പ​ദ്ധ​തി​ക്ക് ഊ​ര്‍ജ​മാ​യി.

പാ​ല്‍ ഉ​ൽ​പാ​ദ​ന യൂ​നി​റ്റും വി​പ​ണ​ന യൂ​നി​റ്റു​മാ​ണ് ഈ ​പ​ദ്ധ​തി​യു​ടെ ഘ​ട​ക​ങ്ങ​ള്‍. ശാ​സ്ത്രീ​യ ചി​ട്ട​വ​ട്ട​ങ്ങ​ളെ​ല്ലാം പാ​ലി​ച്ച് ഉ​ല്‍പാ​ദി​പ്പി​ക്കു​ന്ന ന​റും​പാ​ൽ ക്ഷീ​ര​ക​ര്‍ഷ​ക​രു​ടെ വീ​ടു​ക​ളി​ൽ നി​ന്നും നേ​രി​ട്ട് സം​ഭ​രി​ച്ച് ഇ​രു​ച​ക്ര​വാ​ഹ​ന​ങ്ങ​ളി​ല്‍ ആ​വ​ശ്യ​ക്കാ​രു​ടെ വീ​ടു​ക​ളി​ല്‍ വി​പ​ണ​ന യൂ​നി​റ്റി​ലെ അം​ഗ​ങ്ങ​ൾ എ​ത്തി​ക്കും. പ​ദ്ധ​തി ആ​രം​ഭി​ച്ച അ​ന്നു​മു​ത​ൽ ക​ർ​ഷ​ക​രി​ൽ​നി​ന്ന് ശേ​ഖ​രി​ക്കു​ന്ന​തും വി​പ​ണ​നം ചെ​യ്യു​ന്ന​തും ഷീ​ജ​യും റു​ക്‌​സാ​ന​യു​മാ​ണ്. പ​ദ്ധ​തി​ക്കാ​യ് നി​ത്യ​വും പാ​ല്‍ ന​ല്‍കു​ന്ന ക്ഷീ​ര​ക​ര്‍ഷ​ക​രി​ല്‍ ഭൂ​രി​ഭാ​ഗ​വും വ​നി​ത​ക​ള്‍ ത​ന്നെ.

അ​തി​രാ​വി​ലെ വാ​ഹ​ന​വു​മാ​യി റു​ക്സാ​ന​യും ഷീ​ജ​യും എ​ത്തു​മ്പോ​ഴേ​ക്കും ക​ര്‍ഷ​ക​ര്‍ പാ​ല്‍ ക​റ​ന്ന് പ്ര​ത്യേ​കം പാ​ത്ര​ങ്ങ​ളി​ല്‍ നി​റ​ച്ചു​വെ​ക്കും. പാ​ല്‍ ഗു​ണ​നി​ല​വാ​ര പ​രി​ശോ​ധ​ന​ക്കു ശേ​ഷം ഇ​രു​ച​ക്ര​വാ​ഹ​ന​ത്തി​ല്‍ സ​ഞ്ച​രി​ച്ച് എ​ല്ലാ വീ​ടു​ക​ളി​ലും പാ​ലെ​ത്തി​ക്കാ​ന്‍ നാ​ല് മ​ണി​ക്കൂ​റെ​ങ്കി​ലും എ​ടു​ക്കും. ഒ​റ്റ​ദി​വ​സം പോ​ലും പാ​ല്‍ വി​ത​ര​ണം മു​ട​ങ്ങി​യി​ട്ടി​ല്ല. 2018ലെ ​പ്ര​ള​യ​കാ​ല​ത്തും കോ​വി​ഡ് കാ​ല​ത്തു​മെ​ല്ലാം പ്ര​യാ​സ​ങ്ങ​ള്‍ സ​ഹി​ച്ചാ​ണെ​ങ്കി​ലും പാ​ല്‍ ആ​വ​ശ്യ​ക്കാ​രു​ടെ വീ​ട്ടി​ലെ​ത്തി​ച്ചു.

നാ​ട്ടു​പാ​ലി​ന്‍റെ രു​ചി​യ​റി​ഞ്ഞ നാ​ട്ടു​കാ​രാ​ണ് കാ​വ​നൂ​ര്‍ ഫ്ര​ഷ് മി​ല്‍ക്കി​ന്‍റെ ബ്രാ​ന്‍ഡ് അം​ബാ​സ​ഡ​ര്‍മാ​ര്‍. സു​ര​ക്ഷി​ത​മാ​യ പാ​ല്‍ എ​ന്ന​താ​ണ് കാ​വ​നൂ​ര്‍ ഫ്ര​ഷ് മി​ല്‍ക്കി​ന്‍റെ മു​ഖ​മു​ദ്ര. ഉ​പ​ഭോ​ക്താ​ക്ക​ള്‍ക്ക് വേ​ണ​മെ​ങ്കി​ല്‍ പാ​ലെ​ത്തു​ന്ന തൊ​ഴു​ത്തു​ക​ള്‍ സ​ന്ദ​ര്‍ശി​ക്കാം. പ്ര​തി​ദി​നം വി​ത​ര​ണം ചെ​യ്യു​ന്ന​ത് 200 ലി​റ്റ​റി​ന​ടു​ത്താ​ണ്. 250ഓ​ളം വീ​ടു​ക​ളി​ല്‍ പാ​ലെ​ത്തു​ന്നു. ഒ​രു ലി​റ്റ​ര്‍ പാ​ലി​ന് 70 രൂ​പ​യാ​ണ് വി​ല. സം​ഭ​രി​ക്കു​ന്ന ഓ​രോ ലി​റ്റ​ര്‍ പാ​ലി​നും ക​ര്‍ഷ​ക​ര്‍ക്ക് 54 രൂ​പ വീ​തം ന​ല്‍കും. ന​ന്മ​യു​ള്ള ഈ ​സം​രം​ഭ​മാ​ണ് ത​ങ്ങ​ൾ​ക്ക് സ്ഥി​ര​വ​രു​മാ​ന​ത്തി​ന്റെ ത​ണ​ലൊ​രു​ക്കി​യ​തെ​ന്ന് പ​റ​യു​മ്പോ​ൾ ഷീ​ജ​യു​ടെ​യും റു​ക്സാ​ന​യു​ടെ​യും മു​ഖ​ത്ത് ആ​ത്മ​വി​ശ്വാ​സ​ത്തി​ന്റെ പാ​ൽ​ത്തി​ള​ക്കം.